News April 18, 2024
ఎన్నికల గుర్తుల చరిత్ర ఇదీ!
దేశంలో తొలి ఎన్నికల సమయానికి అక్షరాస్యత 16 శాతమే. దీంతో పార్టీలను సులభంగా గుర్తించడానికి వీలుగా సింబల్స్ విధానాన్ని తీసుకొచ్చారు. ఈ గుర్తులకు రూపమివ్వడానికి చిత్రకారుడు MS సేథిని 1950లో ఎన్నికల కమిటీ నియమించింది. ఆయన 1992 వరకు పెన్సిల్తో ఎన్నో వేల గుర్తులను గీశారు. ఇప్పటికీ ఆయన చిత్రాలే కాస్త ఆధునికత సంతరించుకుని ఎన్నికల గుర్తులుగా ఉన్నాయి. కాగా 2000 సంవత్సరంలో సేథి కన్నుమూశారు.
<<-se>>#ELECTIONS2024<<>>
Similar News
News September 10, 2024
సల్మాన్-రష్మిక మూవీలో కాజల్ అగర్వాల్!
బాలీవుడ్ కండల వీరుడు సల్మాన్ ఖాన్ హీరోగా నేషనల్ క్రష్ రష్మిక మందన్న హీరోయిన్గా తెరకెక్కుతోన్న ‘సికందర్’లో కాజల్ అగర్వాల్ నటించబోతున్నట్లు తెలుస్తోంది. అయితే ఆమె ఏ రోల్ పోషిస్తారనేది ఆసక్తికరంగా మారింది. AR మురుగదాస్ దర్శకత్వం వహిస్తున్న ఈ సినిమాలో బాహుబలి ఫేమ్ సత్యరాజ్ కీలక పాత్ర పోషిస్తున్నారు. ఈ మూవీ వచ్చే ఏడాది విడుదలయ్యే అవకాశం ఉంది.
News September 10, 2024
సాయంత్రంలోగా సాధారణ పరిస్థితులు నెలకొనాలి: సీఎం
AP: విజయవాడలో ఇవాళ సాయంత్రం వరకు సాధారణ స్థితి నెలకొనేలా చర్యలు తీసుకోవాలని అధికారులను సీఎం చంద్రబాబు ఆదేశించారు. ఉత్తరాంధ్రలో భారీ వర్షాల దృష్ట్యా అక్కడి ప్రాంతాల్లో తిరుగుతూ సమీక్షలు నిర్వహించాలని, ఎప్పటికప్పుడు నివేదిక ఇవ్వాలని ఆ ప్రాంత మంత్రులకు సూచించారు. ముంపు ప్రాంతాలకు చెందిన 2.75లక్షల మందికి సహాయక చర్యలు అందించాలన్నారు. వీటి పర్యవేక్షణ బాధ్యతలను మాజీ మంత్రులు, ఎమ్మెల్యేలకు ఇచ్చారు.
News September 10, 2024
వారితో మనసు విప్పి మాట్లాడండి
ఈమధ్య సమస్య చిన్నదైనా పెద్దదైనా ఆత్మహత్యే శరణ్యం అన్నట్లుగా చాలామంది భావిస్తున్నారు. ఫలితంగా కుటుంబాలు రోడ్డున పడుతున్నాయి. అయితే వారు ఆత్మహత్య చేసుకుంటామని నేరుగా చెప్పకపోయినా ఇన్డైరెక్ట్ మెసేజ్ ఇస్తారని విశ్లేషణలు చెబుతున్నాయి. ప్రవర్తనలో మార్పు, ముభావంగా ఉండటం, నిరాశనిస్పృహలు ఉంటే వారితో మాట్లాడి, మనోధైర్యం నింపితే ఆత్మహత్య నుంచి కాపాడవచ్చంటున్నాయి.
>> నేడు ప్రపంచ ఆత్మహత్యల నివారణ దినోత్సవం.