News November 7, 2024
షారుఖ్ ఖాన్‌ను చంపేస్తామంటూ బెదిరింపు
బాలీవుడ్ స్టార్ హీరో షారుఖ్ ఖాన్‌ను చంపేస్తామంటూ దుండగులు ఆయనకు కాల్ చేశారు. దీనిపై మహారాష్ట్రలోని బాంద్రా పోలీస్ స్టేషన్‌లో ఎఫ్‌ఐఆర్ నమోదైంది. ఖాన్‌ను బెదిరించింది ఛత్తీస్‌గఢ్‌కు చెందిన ఫైజాన్ ఖాన్ అని పోలీసులు ప్రాథమికంగా గుర్తించారు. నిందితుడు రూ.50లక్షలు డిమాండ్ చేశాడని, ఇవ్వకపోతే చంపేస్తానని బెదిరించాడని పోలీసులు తెలిపారు. ఇటీవలే సల్మాన్‌ఖాన్‌కూ హత్య బెదిరింపు సందేశం వచ్చిన విషయం తెలిసిందే.
Similar News
News November 7, 2024
పోటీ చేయలేక పారిపోయిన జగన్ ముఠా: TDP
AP: ఎమ్మెల్సీ ఎన్నికల్లో పోటీ చేయబోమని వైసీపీ నేత <<14551662>>పేర్ని నాని ప్రకటించడంపై<<>> టీడీపీ వ్యంగ్యస్త్రాలు సంధించింది. ఎమ్మెల్సీ ఎన్నికల పోటీ నుంచి జగన్ రెడ్డి ముఠా పారిపోయిందని ట్వీట్ చేసింది. ఈవీఎంలపై నమ్మకం లేదని చెప్పి, బ్యాలెట్ ద్వారా జరుగుతున్నా పారిపోతున్నారని దుయ్యబట్టింది. ఎలాగూ ఓట్లు రావనే జగన్ రెడ్డి డిసైడ్ అయ్యి పోటీ చేయట్లేదని పేర్కొంది.
News November 7, 2024
HYDలో రెసిడెన్షియల్ సేల్స్ పెరుగుదల: స్క్వేర్ యార్డ్స్
2024 జులై-సెప్టెంబర్‌లో HYDలో రెసిడెన్షియల్ సేల్స్ 20%, లావాదేవీలు 7% పెరిగాయని స్క్వేర్ యార్డ్స్ సంస్థ తెలిపింది. గత ఏడాది జులై-సెప్టెంబర్‌(18,314)తో పోలిస్తే ఈ ఏడాది(19,527) ట్రాన్సక్షన్స్‌లో పెరుగుదల కనిపించిందని పేర్కొంది. మొత్తం రిజిస్టర్డ్ సేల్స్ విలువ ₹11,718కోట్లకు చేరిందని తెలిపింది. యావరేజ్ రిజిస్టర్డ్ హోమ్ సేల్స్ వాల్యూ ₹60లక్షలుగా ఉందని, వార్షిక వృద్ధి 13%గా నమోదయిందని వివరించింది.
News November 7, 2024
పదేళ్లలో తొలిసారి.. టాప్-20 నుంచి కోహ్లీ ఔట్
ICC టెస్ట్ బ్యాటింగ్ ర్యాకింగ్స్‌లో టీమ్ ఇండియా రన్ మెషీన్ విరాట్ కోహ్లీ 22వ స్థానానికి పడిపోయారు. ఇలా కోహ్లీ టాప్20 నుంచి పడిపోవడం పదేళ్ల తర్వాత ఇదే తొలిసారి. ఆయన టెస్టుల్లో 2 సార్లు అగ్రస్థానానికి ఎగబాకారు. 2011లో 116, 2012లో 37, 2013లో 11, 2014 &15లో 15, 2016 &17లో 2, 2018 &19లో 1వ ర్యాంకు, 2020లో 2, 2021లో 9, 2022లో 15, 2023లో 9, ఈ ఏడాది 22వ స్థానానికి చేరుకున్నారు.