News September 6, 2024
తిరుమలలో మళ్లీ ‘తిలక ధారణ’
తిరుమలలో దాదాపు 4ఏళ్ల తర్వాత తిలక ధారణ కార్యక్రమం మళ్లీ ప్రారంభమైంది. దీన్ని టీటీడీ ఈవో శ్యామలరావు పున:ప్రారంభించారు. తిరుమలలోని ఏటీసీ, సుపథం, వరాహస్వామి ఆలయం, కళ్యాణకట్ట, VQC ఎంట్రీలు, రూ.300 లైన్, KKC మెయిన్ వద్ద నిరంతరాయంగా తిలక ధారణ అందుబాటులో ఉంటుందని చెప్పారు. కాగా కరోనా వల్ల ఈ కార్యక్రమాన్ని టీటీడీ గతంలో నిలిపివేసింది. తాజాగా పున:ప్రారంభించింది.
Similar News
News November 29, 2025
ఇంట్లోనే షాంపూ ఇలా చేసుకోండి
జుట్టు రాలిపోయే సమస్యకు చెక్ పెట్టాలంటే హోం మేడ్ షాంపూ వాడటం బెటర్ అంటున్నారు నిపుణులు. అదెలా చేయాలంటే.. శీకాయ, కుంకుడు కాయ, ఉసిరి, వేపాకు పొడి సమపాళ్లలో తీసుకొని మరుగుతున్న నీటిలో వేయాలి. ఇవి వేసిన తర్వాత 10నిమిషాలు మరగనివ్వాలి. ఈ మిశ్రమం చల్లారిన తర్వాత వడకట్టుకుని భద్రపరచుకోవాలి. ఈ హోంమేడ్ షాంపూతో తలస్నానం చేస్తే.. జుట్టు రాలిపోవడం తగ్గడంతో పాటు బలంగా తయారవుతుందని చెబుతున్నారు.
News November 29, 2025
రేపు తీరానికి ‘దిత్వా’.. అతిభారీ వర్షాలు
AP: బంగాళాఖాతంలో ఏర్పడిన ‘దిత్వా’ తుఫాను రేపు తెల్లవారుజామున తమిళనాడు, పుదుచ్చేరి, దక్షిణ కోస్తాంధ్ర తీరానికి చేరనుందని APSDMA ట్వీట్ చేసింది. ప్రస్తుతం పుదుచ్చేరికి 250km, చెన్నైకి 350kmల దూరంలో కేంద్రీకృతమైనట్లు తెలిపింది. గడిచిన 6 గంటల్లో 10km వేగంతో కదిలినట్లు పేర్కొంది. దీని ప్రభావంతో రేపు యానాం, కోస్తాంధ్ర, రాయలసీమ జిల్లాల్లో అతిభారీ వర్షాలకు ఛాన్స్ ఉందని వెల్లడించింది.
News November 29, 2025
అమెరికా అధ్యక్ష రేసులో ట్రంప్ జూనియర్!
అమెరికా అధ్యక్షుడు డొనాల్డ్ ట్రంప్ పెద్ద కుమారుడు డొనాల్డ్ ట్రంప్ జూనియర్ 2028 ఎన్నికలకు రిపబ్లికన్ అభ్యర్థిత్వ రేసులో వేగంగా ప్రజాదరణ పొందుతున్నారు. వైస్ ప్రెసిడెంట్ జేడీ వాన్స్‌కు గట్టి పోటీ ఇస్తున్నారు. ఆగస్టులో వాన్స్‌కు 36%, ట్రంప్ జూనియర్‌కు 16% మద్దతు ఉంది. నవంబర్ నాటికి వాన్స్ మద్దతు 34%కి తగ్గగా ట్రంప్ జూనియర్ మద్దతు 24%కి పెరిగింది. వీరిద్దరి మధ్య గ్యాప్ 10 పాయింట్లు మాత్రమే ఉంది.