News May 10, 2024
ఆ యూట్యూబ్ ఛానల్స్ను నియంత్రించాల్సిన సమయం వచ్చింది: కోర్టు
నియంత్రణ లేకుండా సమాజానికి విఘాతం కలిగించేలా ప్రసారాలు చేస్తోన్న యూట్యూబ్ ఛానల్స్ను నియంత్రించాల్సిన సమయం వచ్చిందని మద్రాసు హైకోర్టు వ్యాఖ్యానించింది. యూట్యూబర్ ఫెలిక్స్ జెరాల్డ్ నిర్వహించిన ఓ ఇంటర్వ్యూలో సవుక్కు శంకర్ అనే వ్యక్తి మహిళా పోలీసు సిబ్బందిపై అవమానకర ప్రకటనలు చేశారు. దీనిపై కేసు నమోదు కాగా ఫెలిక్స్ దాఖలు చేసిన ముందస్తు బెయిల్ పిటిషన్ను విచారించిన కోర్టు ఈ వ్యాఖ్యలు చేసింది.
Similar News
News February 8, 2026
పాలమూరు: మాజీ కౌన్సిలర్ కిడ్నాప్నకు యత్నం
గద్వాల పట్టణంలో పట్టపగలే మాజీ కౌన్సిలర్ మహేశ్వరిని కిడ్నాప్ చేసేందుకు ఓ ఆటో డ్రైవర్ ప్రయత్నించాడు. షాపింగ్ ముగించుకుని బంధువులతో కలిసి ఇంటికి వెళ్తుండగా డ్రైవర్ ఆటోను దారి మళ్లించి వేగంగా తీసుకెళ్లాడు. అప్రమత్తమైన బాధితురాలు కేకలు వేస్తూ కుటుంబ సభ్యులకు సమాచారం అందించడంతో వారు ఆటోను వెంబడించి పట్టుకున్నారు. నిందితుడిని పోలీసులకు అప్పగించారు. బాధితురాలి భర్త సుధాకర్ ఫిర్యాదు మేరకు కేసు నమోదైంది.
News February 8, 2026
భాను సప్తమి: నేడు ఏం చేయాలంటే?
భాను సప్తమి నాడు ఆదిత్యుడి 12 పేర్లు పలుకుతూ సూర్య నమస్కారాలు చేయాలి. దీంతో శరీరానికి శక్తి, మనసుకు ప్రశాంతత లభిస్తాయి. అర్ఘ్యం సమర్పిస్తే కంటి చూపు మెరుగుపడుతుంది. జాతక దోషాలు పోతాయి. ఎలాంటి కష్టాన్నైనా ఎదుర్కొనే ధైర్యం కోసం ‘ఆదిత్య హృదయం’ పఠించాలి. రామరావణ యుద్ధంలో రాముడికి అగస్త్య మహాముని ఈ స్తోత్రాన్ని ఉపదేశించారు. నేడు చేసే దానం ఎంతో ఫలప్రదం. భాను సప్తమి వ్రతం ఆచరించడం అన్నింటికంటే ఉత్తమం.
News February 8, 2026
‘అంబానీ ఇస్తేనేం.. రోహిత్కు డైటే ముఖ్యం’
T20Iలు, టెస్టులకు రిటైర్మెంట్ ప్రకటించిన రోహిత్ శర్మ వన్డే WC-2027 ఆడేందుకు ఫిట్నెస్పై దృష్టి పెట్టిన సంగతి తెలిసిందే. నిన్న వాంఖడేలో మ్యాచ్కు హాజరైన రోహిత్ గ్యాలరీలో బిజినెస్మెన్ ముఖేశ్ అంబానీతో కలిసి మ్యాచ్ చూశారు. ఈ క్రమంలో ముఖేశ్ టీ ఆఫర్ చేయగా హిట్ మ్యాన్ తిరస్కరించారు. దీంతో రిచెస్ట్ మ్యాన్ ఆఫర్ చేసినా వద్దంటూ డ్రీమ్ కోసం కఠిన డైట్ పాటిస్తున్నారని రోహిత్ ఫ్యాన్స్ పోస్టులు చేస్తున్నారు.