News November 12, 2024
యాసంగి నుంచి రైతులకు సబ్సిడీపై పనిముట్లు, యంత్రాలు
TG: యాసంగి నుంచి రైతులకు అవసరమైన పనిముట్లు, యంత్రాలను సబ్సిడీపై సరఫరా చేసేందుకు ప్రణాళిక సిద్ధం చేసినట్లు వ్యవసాయ శాఖ తెలిపింది. త్వరలో వ్యవసాయ యాంత్రీకరణ పథకాన్ని పునరుద్ధరించడానికి అధికారులతో మంత్రి తుమ్మల సమీక్షించారు. ఎక్కువ డిమాండ్ ఉన్న పనిముట్లు, యంత్ర పరికరాల జాబితా సిద్ధం చేశామని, మార్కెట్లలో కొత్తగా వచ్చిన పరికరాలపై రైతులకు అవగాహన కల్పించనున్నట్లు అధికారులు మంత్రికి వివరించారు.
Similar News
News December 9, 2024
Alarm Bells: ఫోన్ల‌కు అతుక్కుపోతున్నారు
సంబంధాలు దెబ్బ‌తిన‌డానికి స్మార్ట్ ఫోన్ ప్ర‌ధాన కార‌ణ‌మ‌ని ఓ స‌ర్వేలో తేలింది. 73% పేరెంట్స్, 69% పిల్లలు ఈ విష‌యాన్ని అంగీక‌రిస్తున్నారు. గ్యాడ్జెట్స్‌ను వ‌దిలి ఉండ‌లేని పేరెంట్స్ 76% ఉంటే, పిల్లలు 71% ఉన్నారు. త‌ల్లిదండ్రులు ఫోన్ల వినియోగాన్ని త‌గ్గించి ఆదర్శంగా నిలవకుండా, అర్థ‌వంత‌మైన బంధాల‌ను ఏర్పర‌చుకోనే విషయంలో త‌మ పిల్ల‌ల సామ‌ర్థ్యాల‌పై ఆందోళ‌న‌గా ఉన్న‌ట్టు స‌ర్వే తేల్చడం గ‌మ‌నార్హం.
News December 9, 2024
నా ఆనవాళ్లు చెరపాలనుకుంటారా?: KCR
TG: రాజకీయ స్వార్థం, తనపై కక్షతో కాంగ్రెస్ నేతలు పిచ్చిపనులకు పూనుకోవడం శోచనీయమని BRS అధినేత KCR అన్నారు. ‘నా ఆనవాళ్లు లేకుండా చేయాలనే మూర్ఖపుతనంతో సీఎం రేవంత్ వ్యవహరిస్తున్నారు. రేపటి తెలంగాణ తల్లి విగ్రహ ఆవిష్కరణకు నన్ను ఆహ్వానించడం వెనక అసలు కోణం, ఉద్దేశం ఏదైనా వచ్చిన వారిని గౌరవించా. భోజనం పెట్టా. యాదాద్రి పవర్ ప్లాంట్‌కు నేను పునాది వేయలేదా? రైతుబంధు ప్రారంభించలేదా?’ అని ఆయన ప్రశ్నించారు.
News December 9, 2024
12 నెలల్లో 12 ఏళ్ల వ్యతిరేకత: కిషన్ రెడ్డి
TG: కాంగ్రెస్ అధికారంలోకి వచ్చిన 12 నెలల్లోనే 12 ఏళ్ల వ్యతిరేకతను ఎదుర్కొంటోందని కేంద్ర మంత్రి కిషన్ రెడ్డి అన్నారు. పాలనలో BRSకు కాంగ్రెస్‌కు తేడా లేదని చెప్పారు. ప్రజల బతుకు పెనం మీది నుంచి పొయ్యిలో పడినట్లుగా ఉందన్నారు. రేవంత్ పాలనకు పాస్ మార్కులిచ్చే పరిస్థితే లేదని విమర్శించారు. ఒక్క రేషన్ కార్డు, ఇల్లు కూడా ఇవ్వలేని వారు విజయోత్సవాలు ఎందుకు చేస్తున్నారో అర్థం కావట్లేదని దుయ్యబట్టారు.