News September 29, 2024
దేవర కలెక్షన్ల సునామీ
జూ.ఎన్టీఆర్ దేవర మూవీ బాక్సాఫీస్ వద్ద కలెక్షన్ల సునామీ సృష్టిస్తోంది. తొలిరోజు రూ.172 కోట్లు వసూలు చేసిన ఈ సినిమాకు 2 రోజుల్లో రూ.243 కోట్లు వచ్చినట్లు చిత్ర యూనిట్ ప్రకటించింది. ‘దేవర కెరటం బాక్సాఫీసును ముంచెత్తింది. అన్ని ప్రాంతాలకు హెచ్చరికలు పంపింది’ అంటూ ఓ పోస్టర్‌ను పంచుకుంది. ఇవాళ సెలవు కావడంతో కలెక్షన్లు మరింత పెరిగే అవకాశముంది.
Similar News
News October 5, 2024
టుడే హెడ్ లైన్స్
* లడ్డూ వ్యవహారంపై ఐదుగురు సభ్యులతో సిట్ ఏర్పాటుకు సుప్రీంకోర్టు ఆదేశం
* తిరుమల బ్రహ్మోత్సవాలు.. శ్రీవారికి పట్టువస్త్రాలు సమర్పించిన CBN
* పరిపాలనలో బాబు ఫెయిల్: జగన్
* మోదీ డైరెక్షన్‌లో పవన్ నటన: షర్మిల
* TG: ధరణి స్థానంలో కొత్త చట్టం: మంత్రి పొంగులేటి
* సీఎం రేవంత్ మోసగాడు: హరీశ్ రావు
* సురేఖపై రూ.100 కోట్ల దావా వేస్తా: నాగార్జున
* ఛత్తీస్‌గఢ్‌లో భారీ ఎన్‌కౌంటర్.. 36 మంది మృతి
News October 5, 2024
చైనాలో ఏటా టన్నుల కొద్దీ పాములు స్వాహా!
చైనీయులు ఏటా ఏకంగా 10వేల టన్నులకు పైగా పాముల్ని స్వాహా చేస్తున్నారని ఆ దేశ వన్యప్రాణ సంరక్షణ సంస్థ ఆందోళన వ్యక్తం చేసింది. ప్రధానంగా షాంఘై, గ్వాంగ్‌డాంగ్ ప్రావిన్సుల్లో సర్పాలకు మహా డిమాండ్. ఒక్క షాంఘైలోనే 6వేల వరకూ పాము మాంసం హోటళ్లు ఉండటం గమనార్హం. తాచుపాముల నుంచి సముద్రపు పాముల వరకూ అన్నింటినీ చైనీయులు ఇష్టంగా తినేస్తారు. దీని వల్ల పర్యావరణ అసమతుల్యత తలెత్తే ప్రమాదం ఉందంటూ సంస్థ హెచ్చరించింది.
News October 5, 2024
గంభీర్ నా సోదరుడి లాంటివాడు: అక్మల్
టీమ్ ఇండియా కోచ్ గంభీర్, పాక్ మాజీ క్రికెటర్ కమ్రాన్ అక్మల్ తరచూ గొడవ పడేవారన్న సంగతి తెలిసిందే. 2010లో ఆసియా కప్ సందర్భంగా ఒకరినొకరు సవాలు చేసుకోగా అంపైర్లు జోక్యం చేసుకుని విడిపించారు. అయితే అదంతా గ్రౌండ్ వరకేనని అక్మల్ తాజాగా ఓ ఇంటర్వ్యూలో తెలిపారు. తమ ఇద్దరికీ వివాదాలేవీ లేవని, ఆయన తనకు సోదరుడితో సమానమని పేర్కొన్నారు. ప్రస్తుతం ఇద్దరం మంచి స్నేహితులమని వివరించారు.