News July 16, 2024
US ఉపాధ్యక్ష అభ్యర్థి వాన్స్ భార్య తెలుగమ్మాయే!

రిపబ్లికన్ పార్టీ ఉపాధ్యక్ష అభ్యర్థిగా ఒహియో సెనేటర్ JD వాన్స్ పేరును ట్రంప్ ప్రకటించారు. దీంతో నవంబర్లో జరగబోయే ఎన్నికల్లో ఆయన బరిలో ఉండనున్నారు. కాగా వాన్స్ భార్య ఉషా చిలుకూరి తెలుగు మూలాలున్న వ్యక్తి. ఏపీకి చెందిన ఆమె తల్లిదండ్రులు అమెరికాలో స్థిరపడ్డారు. ఉష యేల్ వర్సిటీలో చదివేటప్పుడు వాన్స్తో పరిచయమైంది. అది ప్రేమగా మారి పెళ్లి చేసుకున్నారు. వీరికి ముగ్గురు పిల్లలు ఉన్నారు.
Similar News
News November 30, 2025
ఇవాళ భారీ నుంచి అతిభారీ వర్షాలు: APSDMA

AP: ‘దిత్వా’ తుఫాను ప్రభావంతో నేడు పలు జిల్లాలకు APSDMA భారీ వర్షసూచన చేసింది. ప్రకాశం, NLR, KDP, అన్నమయ్య, చిత్తూరు, TPT జిల్లాల్లో భారీ నుంచి అతిభారీ వర్షాలు కురిసే అవకాశం ఉందని చెప్పింది. GNT, బాపట్ల, పల్నాడు, KNL, NDL, అనంతపురం, సత్యసాయి జిల్లాల్లో మోస్తరు నుంచి భారీ.. అనకాపల్లి, కాకినాడ, కోనసీమ, తూ.గో., ప.గో., ఏలూరు, కృష్ణా, NTR జిల్లాల్లో మోస్తరు వర్షాలు కురిసే అవకాశం ఉందని పేర్కొంది.
News November 30, 2025
వివాహ అడ్డంకులను తొలగించే మంత్రం

ఓం క్లీం కృష్ణాయ జగన్మోహనాయ|
క్లీం వివాహరి దేహి దేహి వరం
ప్రయచ్చ ప్రయచ్చ, క్లీం హ్రీం స్వాహా||
గోవర్ధన గిరిని ఎత్తిన శ్రీకృష్ణుడిని కీర్తిస్తూ, వివాహాన్ని ప్రసాదించమని కోరే పవిత్ర మంత్రమిది. శ్రద్ధ, నిష్ఠలతో ఈ మంత్రాన్ని 41 రోజుల పాటు పారాయణం చేయాలని పండితులు సూచిస్తున్నారు. కృష్ణుడి విగ్రహం కూర్చొని ఈ పంక్తులను జపించడం ద్వారా వివాహంలో ఉన్న అడ్డంకులు తొలగిపోయి, త్వరగా పెళ్లి జరుగుతుందని నమ్మకం.
News November 30, 2025
నేటి నుంచి రెండో విడత నామినేషన్లు

TG: పంచాయతీ ఎన్నికల రెండో విడత నామినేషన్లు స్వీకరణ ఇవాళ్టి నుంచి ప్రారంభం కానుంది. 4,333 పంచాయతీలు, 38,350 వార్డులకు నేడు నోటిఫికేషన్ వెలువడనుంది. మరుక్షణం నుంచే నామినేషన్లు దాఖలు చేయొచ్చు. డిసెంబర్ 2 వరకు నామపత్రాల స్వీకరణ, 3న పరిశీలన, 5న స్క్రూటినీ ఉంటుంది. 6న నామినేషన్ల ఉపసంహరణ అదే రోజు అభ్యర్థుల లిస్టును వెల్లడిస్తారు. 14న పోలింగ్ అదే రోజు ఫలితాలు ప్రకటిస్తారు.


