News September 23, 2024
ఖాళీగా వందేభారత్.. ఇప్పుడైనా హాల్టింగ్ ఇవ్వాలని డిమాండ్
సికింద్రాబాద్-నాగ్‌పూర్ మధ్య ఇటీవల ప్రారంభించిన వందేభారత్ రైలుకు ఆక్యుపెన్సీ ఆశించినంతగా లేదు. మొత్తం 1328 సీట్లలో దాదాపు 1110 సీట్లు ఖాళీగానే ఉంటున్నాయి. రైలు ఆక్యుపెన్సీ 15.81% మించడం లేదు. ప్రస్తుతం TGలోని ఖాజీపేట, రామగుండం స్టేషన్లలోనే ఆగుతున్న ఈ రైలుకు మంచిర్యాల, పెద్దపల్లి, కాగజ్‌నగర్‌లో హాల్టింగ్ సౌకర్యం ఇవ్వాలని ప్రయాణికులు కోరుతున్నారు. దీంతో రైలు ఆక్యుపెన్సీ పెరుగుతుందని చెబుతున్నారు.
Similar News
News October 9, 2024
నిరుద్యోగులతో సర్కార్ చెలగాటం: షర్మిల
AP: నాలుగు నెలలుగాAPPSCకి ఛైర్మన్‌ను నియమించకుండా ప్రభుత్వం కాలయాపన చేస్తోందని PCC చీఫ్ YS షర్మిల మండిపడ్డారు. ఏపీపీఎస్సీపై నిర్లక్ష్యం వహిస్తూ నిరుద్యోగులతో చెలగాటం ఆడుతోందని విమర్శించారు. ‘శ్వేతపత్రాలపై పెట్టిన శ్రద్ధ, ఏపీపీఎస్సీపై కూడా పెట్టాలి. తక్షణమే దానికి ఛైర్మన్‌ను నియమించాలి. వాయిదా వేసిన పరీక్షలతో పాటు ఇప్పటికే విడుదలైన నోటిఫికేషన్లకు కూడా షెడ్యూల్ ప్రకటించాలి’ అని ఆమె డిమాండ్ చేశారు.
News October 9, 2024
BJPలో చేరిన ఇద్దరు ఇండిపెండెంట్ MLAలు
హరియాణాలో ఇద్దరు ఇండిపెండెంట్ ఎమ్మెల్యేలు BJPలో చేరారు. ఆ పార్టీ రాష్ట్ర వ్యవహారాల ఇన్‌ఛార్జ్ ధర్మేంద్ర ప్రధాన్‌ సమక్షంలో ఎమ్మెల్యేలు దేవేందర్ కడ్యాన్, రాజేశ్ జూన్‌ కమలం గూటికి చేరుకున్నారు. వీరి చేరికతో బీజేపీ ఎమ్మెల్యేల బలం 50కి చేరుకుంది. మరోవైపు భారత సంపన్న మహిళ, హిసార్ ఎమ్మెల్యే సావిత్రి జిందాల్ కూడా బీజేపీకి మద్దతు ప్రకటించనున్నట్లు తెలుస్తోంది.
News October 9, 2024
గ్రూప్-1 మెయిన్స్‌పై కీలక అప్‌డేట్
TG: గ్రూప్-1 మెయిన్స్ హాల్ టికెట్లను ఈనెల 14న విడుదల చేయనున్నట్లు TGPSC ప్రకటించింది. అదే రోజు నుంచి కమిషన్ వెబ్‌సైట్‌లో డౌన్‌లోడ్ చేసుకోవచ్చని తెలిపింది. ఈనెల 21 నుంచి 27వ తేదీ వరకు మెయిన్స్ పరీక్షలు జరగనున్న సంగతి తెలిసిందే.