News September 17, 2024

‘వందే మెట్రో ఛార్జీలు ఏసీ బస్సు కంటే తక్కువ’

భుజ్-అహ్మదాబాద్ స్టేషన్ల మధ్య నమో భారత్ ర్యాపిడ్ రైలును ఇవాళ PM మోదీ ప్రారంభించారు. ఇందులో ఛార్జీలు ఈ మార్గంలో ప్రయాణించే AC, నాన్ AC బస్సుల కంటే తక్కువేనని పశ్చిమ రైల్వే CPRO వినీత్ అభిషేక్ తెలిపారు. ‘భుజ్ నుంచి గాంధీ ధామ్ ఏసీ బస్సు టికెట్ ధర రూ.140, నాన్ ఏసీ బస్సు రూ.110గా ఉంది. కానీ ఈ రైలు టికెట్ ధర రూ.75 మాత్రమే. బస్సు ప్రయాణానికి 2 గంటలు పడుతుండగా ఇందులో 55 ని.లలో వెళ్లిపోవచ్చు’ అని తెలిపారు.