News August 12, 2024
‘బరువు’ బాధ్యతలు వినేశ్, ఆమె కోచ్వే: పీటీ ఉష
వినేశ్ ఫొగట్ ‘బరువు’ వివాదంలో చీఫ్ మెడికల్ ఆఫీసర్ దిన్షా పార్దీవాలాను బాధ్యుడిని చేయడాన్ని భారత ఒలింపిక్ సంఘం అధ్యక్షురాలు పీటీ ఉష తప్పుపట్టారు. ‘రెజ్లింగ్, వెయిట్లిఫ్టింగ్, బాక్సింగ్, జూడో వంటి క్రీడల్లో బరువు సరిచూసుకునే బాధ్యత కచ్చితంగా ఆటగాళ్లు, వారి కోచ్లదే. చీఫ్ మెడికల్ ఆఫీసర్కు, అతడి బృందానికి దీంతో సంబంధం ఉండదు. కొందరు పార్దీవాలాపై చేస్తున్న విమర్శలు ఏమాత్రం సరికాదు’ అని పేర్కొన్నారు.
Similar News
News September 13, 2024
కేసీఆర్ అంటే నాకెప్పటికీ గౌరవమే: ఎమ్మెల్యే అరెకపూడి
TG: ఎమ్మెల్యే కౌశిక్ రెడ్డి రౌడీలా మాట్లాడటం వల్లే తాను నోరు జారానని కాంగ్రెస్ MLA అరెకపూడి గాంధీ అన్నారు. ‘మహిళల్ని అవమానించేలా కౌశిక్ మాట్లాడారు. ప్రాంతీయ విభేదాలు తెచ్చారు. KCR అంటే నాకెప్పటికీ గౌరవమే. ఆయన మమ్మల్ని ఆదరించారు. కౌశిక్ వంటి చీడపురుగులు ఉంటే KCR గొప్ప మనస్తత్వానికి, గతంలో మేం చేసిన సేవలకు, పార్టీకి మచ్చ వస్తుంది. అలాంటి వాళ్ల వల్లే అధికారం కోల్పోయాం’ అని కీలక వ్యాఖ్యలు చేశారు.
News September 13, 2024
Stock Market: అప్రమత్తంగా ఇన్వెస్టర్లు
బెంచ్మార్క్ సూచీలు నేడు మోస్తరు నష్టాల్లో ముగిశాయి. ఆరంభం నుంచి రేంజుబౌండ్లోనే కదలాడాయి. గ్లోబల్ మార్కెట్ల నుంచి మిశ్రమ సంకేతాలు రావడం, సూచీలు గరిష్ఠాలకు చేరడంతో ఇన్వెస్టర్లు ఆచితూచి వ్యవహరించారు. BSE సెన్సెక్స్ 71 పాయింట్లు నష్టపోయి 82,890 వద్ద ముగిసింది. NSE నిఫ్టీ 32 పాయింట్లు తగ్గి 25,356 వద్ద స్థిరపడింది. బజాజ్ ట్విన్స్ అదరగొట్టాయి. ఎస్బీఐ లైఫ్, అదానీ పోర్ట్స్, HDFC లైఫ్ టాప్ లూజర్స్.
News September 13, 2024
రోడ్ల మరమ్మతులపై దృష్టి పెట్టండి: సీఎం చంద్రబాబు
AP: రాష్ట్రవ్యాప్తంగా భారీ వర్షాలు, వరదలతో ధ్వంసమైన రోడ్ల మరమ్మతులపై దృష్టిసారించాలని అధికారులను సీఎం చంద్రబాబు ఆదేశించారు. ఆర్ అండ్ బీ శాఖపై ఆయన సమీక్ష నిర్వహించారు. 4వేల కిలోమీటర్లకుపైగా రోడ్లు దెబ్బతిన్నాయని అధికారులు చెప్పగా, ప్రాధాన్యతల వారీగా వాటిని బాగు చేయాలని సీఎం సూచించారు. వరద నష్టం అంచనాలను వేగంగా సిద్ధం చేయాలన్నారు.