News May 19, 2024
విరాట్ కోహ్లీ మరో అరుదైన ఘనత
ఆర్సీబీ స్టార్ బ్యాటర్ విరాట్ కోహ్లీ మరో అరుదైన ఘనత సాధించారు. భారత్‌లో టీ20ల్లో 9,000 పరుగులకు పైగా చేసిన తొలి ఇండియన్ ప్లేయర్‌గా ఆయన చరిత్ర సృష్టించారు. సీఎస్కేతో జరుగుతున్న మ్యాచ్‌లో కోహ్లీ ఈ ఘనత సాధించారు. అలాగే ఐపీఎల్‌లో రెండు సార్లు 700కుపైగా రన్స్ చేసిన రెండో ప్లేయర్‌గా రికార్డులకెక్కారు. గతంలో క్రిస్ గేల్ కూడా 2 సార్లు 700కుపైగా రన్స్ సాధించారు.
Similar News
News December 14, 2024
గీతా ఆర్ట్స్ ఆఫీస్‌లోనే బన్నీ
చంచల్‌గూడ జైలు నుంచి విడుదలైన అల్లు అర్జున్ తొలుత జూబ్లీహిల్స్‌లోని గీతా ఆర్ట్స్ ఆఫీస్‌కు వెళ్లారు. ప్రస్తుతం ఆయన అక్కడే ఉన్నారు. బన్నీని కలిసేందుకు నిర్మాత దిల్ రాజు సహా సినీ ప్రముఖులు అక్కడికి చేరుకుంటున్నారు. మరికొద్దిసేపు అర్జున్ ఆఫీస్‌లోనే ఉండనున్నారు. అనంతరం నివాసానికి వెళ్తారు. అక్కడికి అభిమానులు రాకుండా పోలీసులు భారీ బందోబస్తు ఏర్పాటు చేశారు.
News December 14, 2024
IND vs AUS: మళ్లీ వర్షం.. నిలిచిన ఆట
బ్రిస్బేన్ టెస్టును వరుణుడు అడ్డుకుంటున్నాడు. వర్షం వల్ల రెండు సార్లు ఆట నిలిచిపోయింది. తొలిసారి 5వ ఓవర్లో జల్లులు పడగా ఆటను అంపైర్లు కొద్దిసేపు ఆపేశారు. తిరిగి కాసేపటికి ఆట ప్రారంభం కాగా, 13వ ఓవర్ జరుగుతుండగా భారీ వర్షం మొదలైంది. దీంతో మరోసారి గేమ్ నిలిచిపోయింది. ప్రస్తుతం స్కోర్ AUS 28/0గా ఉంది. బ్రిస్బేన్‌లో శనివారం నుంచి సోమవారం వరకు వర్షాలు పడతాయని ఆ దేశ వాతావరణ శాఖ ముందుగానే తెలిపింది.
News December 14, 2024
అల్లు అర్జున్‌తోపాటు మరో ఇద్దరు విడుదల
సంధ్య థియేటర్ తొక్కిసలాట వ్యవహారంలో అల్లు అర్జున్‌తోపాటు మరో ఇద్దరిని బెయిల్‌పై విడుదల చేసినట్లు చంచల్‌గూడ జైలు అధికారులు తెలిపారు. సంధ్య థియేటర్ యాజమాన్యాన్ని కూడా రిలీజ్ చేసినట్లు వెల్లడించారు. భద్రతా కారణాల రీత్యా వెనుక గేటు నుంచి వారిని బయటకు పంపించినట్లు చెప్పారు. నిన్న రాత్రి 10 గంటల తర్వాత బెయిల్ అందడంతో ఇవాళ ఉదయం 6.45 గంటలకు విడుదల చేసినట్లు పేర్కొన్నారు.