News June 19, 2024
విశాఖ స్టీల్ప్లాంట్పై కేంద్రంతో చర్చిస్తాం: శ్రీనివాసవర్మ
AP: విశాఖ ఉక్కు ఆంధ్రుల హక్కు అనే సెంటిమెంట్ దెబ్బతినకుండా స్టీల్ప్లాంట్పై ఎలా ముందుకెళ్లాలనేది ఆలోచిస్తామని కేంద్ర ఉక్కు, భారీ పరిశ్రమల శాఖ సహాయమంత్రి శ్రీనివాస వర్మ అన్నారు. ‘నాన్స్ట్రాటజిక్ ప్రభుత్వరంగ సంస్థల్లో పెట్టుబడుల ఉపసంహరణ నిర్ణయంలో భాగంగానే వైజాగ్ స్టీల్ ప్రైవేటీకరణ తెరపైకొచ్చింది. ప్రభుత్వ విధానానికి వ్యతిరేకంగా మాట్లాడను. దీనిపై CBN, పవన్తో కలిసి PMతో చర్చిస్తాం’ అని తెలిపారు.
Similar News
News September 10, 2024
వారితో మనసు విప్పి మాట్లాడండి
ఈమధ్య సమస్య చిన్నదైనా పెద్దదైనా ఆత్మహత్యే శరణ్యం అన్నట్లుగా చాలామంది భావిస్తున్నారు. ఫలితంగా కుటుంబాలు రోడ్డున పడుతున్నాయి. అయితే వారు ఆత్మహత్య చేసుకుంటామని నేరుగా చెప్పకపోయినా ఇన్డైరెక్ట్ మెసేజ్ ఇస్తారని విశ్లేషణలు చెబుతున్నాయి. ప్రవర్తనలో మార్పు, ముభావంగా ఉండటం, నిరాశనిస్పృహలు ఉంటే వారితో మాట్లాడి, మనోధైర్యం నింపితే ఆత్మహత్య నుంచి కాపాడవచ్చంటున్నాయి.
>> నేడు ప్రపంచ ఆత్మహత్యల నివారణ దినోత్సవం.
News September 10, 2024
RECORD: తొలి భారతీయ చిత్రంగా ‘దేవర’
యంగ్ టైగర్ ఎన్టీఆర్ హీరోగా కొరటాల శివ తెరకెక్కించిన ‘దేవర’ సినిమా రికార్డులు సృష్టిస్తోంది. రిలీజ్కు 17 రోజుల ముందే నార్త్ అమెరికా అడ్వాన్స్ సేల్స్లో $1.05M దాటేసింది. దీంతో ట్రైలర్ కూడా రిలీజ్ అవకుండా అడ్వాన్స్ సేల్స్లో $1M మార్కును దాటిన తొలి భారతీయ చిత్రంగా ‘దేవర’ నిలిచింది. కాగా ఈరోజు సాయంత్రం 5.04 గంటలకు ట్రైలర్ రిలీజ్ కానుంది. ట్రైలర్ ఈవెంట్లో మూవీ నటీనటులందరూ పాల్గొనే అవకాశం ఉంది.
News September 10, 2024
అలాంటి వాహనాలకే పరిహారం: బీమా సంస్థలు
AP: విజయవాడ వరదల్లో ముంపునకు గురైన వాహనాలకు బీమా క్లెయిమ్లు వారంలోగా పరిష్కరించేందుకు ఏర్పాట్లు జరుగుతున్నాయి. అయితే ముంపునకు గురయ్యే నాటికి ఆ వాహనాల బీమా చలామణిలో ఉంటేనే పరిహారం అందుతుందని బీమా కంపెనీలు చెబుతున్నాయి. గడువు ముగిసినా, సకాలంలో రెన్యూవల్ చేసుకోకపోయినా, థర్డ్ పార్టీ ఇన్సూరెన్సు తీసుకున్నా క్లెయిమ్ వర్తించదని పేర్కొన్నాయి. కాంప్రహెన్సివ్/ప్యాకేజీ పాలసీ తీసుకుని ఉండాలని అంటున్నాయి.