News January 7, 2025
వాలంటీర్లు వద్దే వద్దు: నిరుద్యోగ జేఏసీ
AP: వాలంటీర్లను అడ్డం పెట్టుకొని వైసీపీ కార్యక్రమాలు నిర్వహించిందని నిరుద్యోగ జేఏసీ రాష్ట్ర కన్వీనర్ షేక్ సిద్ధిక్ అన్నారు. ఆ వ్యవస్థను తిరిగి ప్రవేశపెట్టొద్దని ఆయన డిమాండ్ చేశారు. YCP హయాంలో వాలంటీర్లకు చెల్లించిన రూ.700కోట్లను మాజీ CM జగన్ నుంచి రాబట్టాలని ప్రభుత్వాన్ని కోరారు. వారికి డబ్బులిచ్చి ప్రజాధనం వృథా చేస్తున్నట్లు గతంలోనే హైకోర్టులో పిల్ దాఖలు చేసినట్లు సిద్ధిక్ గుర్తుచేశారు.
Similar News
News January 13, 2025
సంక్రాంతి కానుక.. ఇవాళే అకౌంట్లలోకి డబ్బులు
AP: ఉద్యోగులకు పెండింగ్లో ఉన్న దాదాపు రూ.2వేల కోట్ల బకాయిలను ప్రభుత్వం ఇవాళ విడుదల చేయనున్నట్లు AP NGO అసోసియేషన్ ప్రధాన కార్యదర్శి విద్యాసాగర్ వెల్లడించారు. పోలీసుల సరెండర్ లీవ్, ఉద్యోగుల GPF, మెడికల్ రీయింబర్స్మెంట్, FTA బిల్లులు సాయంత్రంలోపు అకౌంట్లలోకి జమ కానున్నాయని తెలిపారు. సర్వీస్ పోస్టేజ్, ఇంటర్నెట్ ఛార్జీలు, అడ్మినిస్ట్రేటివ్ ఖర్చులు, మైనర్ రిపేర్స్ బిల్లులూ త్వరలో విడుదలవుతాయన్నారు.
News January 13, 2025
రేపు జైలర్-2 అనౌన్స్మెంట్ టీజర్!
రజినీకాంత్ నటించిన సూపర్ హిట్ మూవీ జైలర్ సీక్వెల్కు రంగం సిద్ధమైనట్లు తెలుస్తోంది. సంక్రాంతి సందర్భంగా రేపు సా.6 గంటలకు కొత్త సినిమా అనౌన్స్మెంట్ టీజర్ను తెలుగు, తమిళం, హిందీ భాషల్లో రిలీజ్ చేయనున్నట్లు ‘సన్ పిక్చర్స్’ ప్రకటించింది. ‘SUPER SAGA’ పేరుతో ఓ పోస్టర్ను సోషల్ మీడియాలో షేర్ చేసింది. అయితే ఆ అనౌన్స్మెంట్ జైలర్-2 గురించే అని సూపర్స్టార్ ఫ్యాన్స్ కామెంట్ చేస్తున్నారు.
News January 13, 2025
Stock Market: బుల్స్ నేల చూపులు
దేశీయ స్టాక్ మార్కెట్లు సోమవారం భారీగా నష్టపోయాయి. సెన్సెక్స్ 1,048 పాయింట్లు నష్టపోయి 76,330 వద్ద, నిఫ్టీ 345 పాయింట్లు కోల్పోయి 23,085 వద్ద ముగిశాయి. Pre-Marketలో Gap Downలో ఓపెన్ అయిన సూచీలు కొంత వరకు కోలుకుంటున్నట్టు కనిపించినా మిడ్ సెషన్ నుంచి Lower Low’sతో నేల చూపులు చూశాయి. రియల్టీ 6%, మెటల్ 3.77% మేర నష్టపోయాయి. అన్ని కీలక రంగాల షేర్లపై అమ్మకాల ఒత్తిడి నెలకొంది.