News March 16, 2024
వరంగల్ పార్లమెంట్ కాంగ్రెస్ టికెట్ ఎవరికి?
కాంగ్రెస్ పార్టీ వరంగల్ పార్లమెంట్ టికెట్ ఎవరికి వస్తుందో అని ప్రస్తుతం ఆసక్తి నెలకొంది. ఎస్సీ నియోజకవర్గమైన ఇక్కడ టికెట్ కోసం ముగ్గురు నాయకులు ముమ్మర ప్రయత్నాలు చేస్తున్నారు. గత ఎన్నికల్లో పోటీ చేసిన సాంబయ్య, సీనియర్ నాయకులైన సింగాపురం ఇందిరా, జన్ను పరంజ్యోతి ఇక్కడ టికెట్ ఆశిస్తున్నారు. 2, 3 రోజుల్లో దీనిపై స్పష్టత రానుంది.
Similar News
News October 16, 2024
జనగామ: గుండెపోటుతో హోంగార్డ్ మృతి
గుండెపోటుతో హోంగార్డ్ మృతి చెందిన ఘటన జనగామ జిల్లా కొడకండ్లలో బుధవారం తెల్లవారుజామున చోటుచేసుకుంది. స్థానికుల వివరాల ప్రకారం.. కొడకండ్ల పోలీస్ స్టేషన్లో ఎండి గౌస్ పాషా(48) హోంగార్డ్‌గా విధులు నిర్వహిస్తున్నారు. కాగా, పాషా గతంలో దేవరుప్పుల పోలీస్ స్టేషన్లో కూడా విధులు నిర్వహించారు. అందరితో సన్నిహితంగా ఉండే పాషా గుండె పోటుతో మృతి చెందడంతో గ్రామంలో విషాద ఛాయలు అలుముకున్నాయి.
News October 16, 2024
వరంగల్ మార్కెట్లో పెరిగిన మిర్చి ధరలు
వరంగల్ ఎనుమాముల వ్యవసాయ మార్కెట్లో నిన్నటితో పోలిస్తే ఈరోజు మిర్చి ధరలు పెరిగాయి. 341 రకం మిర్చి క్వింటాకు నిన్న రూ.15,000 ధర రాగా.. నేడు రూ.15,500 అయింది. అలాగే తేజ మిర్చి నిన్నటి లాగే రూ.17,500 పలికినట్లు రైతులు తెలిపారు. మరోవైపు వండర్ హాట్ మిర్చి మంగళవారం రూ.14,500 ధర పలకగా నేడు రూ.15 వేలు అయింది.
News October 16, 2024
సీఎం కప్ టార్చ్ ర్యాలీని ప్రారంభించిన వరంగల్ కలెక్టర్
వరంగల్ జిల్లా కేంద్రంలోని పోచమ్మ మైదానం చౌరస్తా వద్ద బుధవారం సీఎం కప్ టార్చ్ ర్యాలీని వరంగల్ జిల్లా కలెక్టర్ డా.సత్య శారదా ప్రారంభించారు. ఈ కార్యక్రమంలో డీసీపీ రవీందర్, అదనవు కలెక్టర్ సంధ్యారాణి, హన్మకొండ కలెక్టర్ ప్రావీణ్య, వరంగల్ పోలీస్ కమిషనర్ అంబర్ కిషోర్, జిల్లా అధికారులు, తదితరులు పాల్గొన్నారు.