News October 26, 2024
కాంగ్రెస్‌లో చేరిన BRS ఎమ్మెల్యేలను గమనిస్తున్నాం: మధుయాష్కీ
TG: MLC జీవన్ రెడ్డి అనుచరుడు గంగారెడ్డి హత్యకు పోలీసుల నిర్లక్ష్యమే కారణమని మాజీ ఎంపీ మధుయాష్కీ ఆరోపించారు. ‘ఈ హత్యపై DGPకి ఫిర్యాదు చేస్తాం. ప్రాణానికి ముప్పు ఉందని ఫిర్యాదు చేసినా పోలీసులు భద్రత ఇవ్వలేదు. పాత కక్షలు అంటూ తేలిగ్గా తీసుకుంటున్నారు. కాంగ్రెస్‌లో చేరిన BRS MLAల వ్యవహార శైలిని గమనిస్తున్నాం. కాంగ్రెస్‌పై ప్రేమతో వాళ్లు పార్టీలోకి రావట్లేదు’ అని ప్రెస్‌మీట్‌లో వ్యాఖ్యానించారు.
Similar News
News October 26, 2024
REWIND: హీరో ముద్దు పెట్టడంతో ఏడుస్తూ వెళ్లిపోయిన నటి
బాలీవుడ్ సీనియర్ నటి రేఖ గురించి ప్రత్యేకంగా చెప్పాల్సిన పనిలేదు. ఆమె ఎన్నో బ్లాక్ బస్టర్ సినిమాల్లో నటించారు. అయితే, తన కెరీర్ తొలినాళ్లలో ఆమెకు ఓ చేదు అనుభవం ఎదురైంది. 1969లో బిస్వజిత్ ఛటర్జీ సినిమాలో 15 ఏళ్ల రేఖకు అవకాశం వచ్చింది. రొమాన్స్ సీన్ చిత్రీకరణ సమయంలో నటుడు ముద్దు పెట్టడంతో ఆమె షాక్‌కు గురయ్యారు. సెట్‌లో ఏడుస్తూ అక్కడి నుంచి వెళ్లిపోయినట్లు ది అన్‌టోల్డ్ స్టోరీలో రాసుకొచ్చారు.
News October 26, 2024
ఈ దీపావళికి వెలుగులనివ్వండి
దీపావళి సందర్భంగా ప్రతి ఇంట్లో దీపాలు వెలిగించి సంబరాలు చేసుకుంటుంటారు. ఇంట్లో సుఖ సంతోషాలు, సిరి సంపదల కోసం దీపాలు వెలిగించడం శుభప్రదంగా భావిస్తారు. అయితే, ప్రమిదలు సైతం స్టైల్‌గా ఉండాలని కొందరు సిరామిక్ వాటిని కొనుగోలు చేస్తుంటారు. కానీ, చాలా మంది చిరు వ్యాపారులు మట్టితో చేసిన ప్రమిదలను రోడ్డు పక్కన పెట్టి అమ్ముతుంటారు. అక్కడ కొని వారికి అండగా నిలవండి. వారి ఇంట్లోనూ పండుగను తీసుకురండి.
Share It
News October 26, 2024
మహారాష్ట్ర ఎలక్షన్స్: ఫేవరేటిజమ్‌పై రాహుల్ గాంధీ అప్‌సెట్!
మహారాష్ట్ర కాంగ్రెస్ అభ్యర్థుల జాబితాపై LOP రాహుల్ గాంధీ పెదవి విరిచారని తెలుస్తోంది. ఫేవరేటిజం కనిపిస్తోందని అసంతృప్తి చెందినట్టు సమాచారం. పార్టీ ఎలక్షన్ కమిటీ మీటింగులో ఆయన దీనిని హైలైట్ చేశారని ఇండియా టుడే తెలిపింది. కాంగ్రెస్ బలంగా ఉన్న కొన్ని సీట్లను శివసేన UBTకి ఎందుకు కేటాయించారని ప్రశ్నించినట్టు పేర్కొంది. పోటీ చేస్తున్న 85 సీట్లకు PCC 48 మందితో తొలి జాబితా విడుదల చేసిన సంగతి తెలిసిందే.