News February 10, 2025
అదానీ హెల్త్ సిటీని ప్రారంభిస్తున్నాం: గౌతమ్ అదానీ
వైద్య రంగంలో భారీ పెట్టుబడికి అదానీ గ్రూప్ సిద్ధమవుతోంది. రూ.6వేల కోట్ల పెట్టుబడితో అదానీ హెల్త్ సిటీని లాంచ్ చేయనున్నట్లు ఆ గ్రూప్ అధినేత గౌతమ్ అదానీ వెల్లడించారు. మయో క్లినిక్ భాగస్వామ్యంతో అహ్మదాబాద్, ముంబైలో 1000 పడకల చొప్పున ఆస్పత్రులు నిర్మిస్తామని ప్రకటించారు. ఆస్పత్రులతో పాటు మెడికల్ కాలేజీలు కూడా నిర్మిస్తామన్నారు. దీంతో దేశ వైద్య రంగం మరింత బలోపేతం అవుతుందని ఆయన ఆశాభావం వ్యక్తం చేశారు.
Similar News
News January 30, 2026
BC రిజర్వేషన్ జీవోలపై స్టే కొనసాగుతుంది: హైకోర్టు
TG: స్థానిక సంస్థల ఎన్నికల్లో బీసీ రిజర్వేషన్లను పెంచుతూ ఇచ్చిన జీవో(9, 41, 42)ల అమలుపై స్టే కొనసాగుతుందని హైకోర్టు స్పష్టం చేసింది. 8 వారాల్లో కౌంటర్ దాఖలు చేయాలని రాష్ట్ర ప్రభుత్వాన్ని ఆదేశించింది. ఇప్పటికే దాఖలైన వాటితోపాటు తమ వాదనలు కూడా వినాలని పలువురు కాంగ్రెస్ నేతలు వేసిన పిటిషన్లను హైకోర్టు చీఫ్ జస్టిస్ అపరేశ్ కుమార్ సింగ్, జస్టిస్ జీఎం.మొహియుద్దీన్ల బెంచ్ విచారించింది.
News January 30, 2026
విటమిన్ D టాబ్లెట్లు ఎప్పుడు వాడాలంటే?
ఎముకల ఆరోగ్యానికి విటమిన్ డి ఎంతగానో ఉపయోగపడుతుంది. ఎముకల సమస్యలు, ఇతర కాల్షియం ప్రాబ్లమ్స్ వస్తే ఆ ప్రాబ్లమ్స్ని తగ్గించే కాల్షియం, విటమిన్ డి ట్యాబ్లెట్స్ భోజనం తర్వాత తీసుకోవడం మంచిదని నిపుణులు సూచిస్తున్నారు. ఇవి రెండు కలిపి ఉంటే భోజనం తర్వాత తీసుకోండి. విడివిడిగా ఉంటే కాస్తా గ్యాప్ ఇచ్చి తీసుకోవడం మంచిది. పైగా ఈ ట్యాబ్లెట్స్ని ఐరన్ ట్యాబ్లెట్స్తో అస్సలు కలపకూడదని చెబుతున్నారు.
News January 30, 2026
మోకాళ్ల నొప్పి రాగానే నడక ఆపేస్తున్నారా?
చాలామంది మోకాళ్ల నొప్పి రాగానే నడవడం ఆపేస్తారు. అయితే మోకాళ్ల నొప్పులు ఉన్నప్పుడు విశ్రాంతి తీసుకోవడం పరిష్కారం కాదని, అది కీళ్లు బిగుసుకుపోయేలా చేస్తుందని వైద్యులు హెచ్చరిస్తున్నారు. నడవడం వల్ల కీళ్ల మధ్య జిగురు పెరిగి కండరాలు దృఢంగా మారి ఒత్తిడిని తట్టుకుంటాయని చెబుతున్నారు. ఈత, సైక్లింగ్ వంటివి ప్రయత్నించాలని.. మరుసటి రోజు నొప్పి పెరగకపోతే అది మీకు సురక్షితమని అర్థం చేసుకోవాలని సూచిస్తున్నారు.