News July 28, 2024
మేము అదృష్టవంతులం: సూర్యకుమార్ యాదవ్
శ్రీలంకపై తొలి టీ20లో గెలవడంపై భారత కెప్టెన్ సూర్య కుమార్ యాదవ్ భిన్నంగా స్పందించారు. ఈ మ్యాచ్‌లో తాము అదృష్టం వల్లే గెలిచామన్నారు. ‘శ్రీలంక బ్యాటర్లు మొదటి నుంచి బౌలర్లపై దాడి చేశారు. రాత్రిపూట పరిస్థితి ఎలా ఉంటుందో మనకు తెలుసు. అయితే మంచు లేకపోవడంతో బౌలింగ్ బాగా చేయగలిగాం. అందుకు మేం అదృష్టవంతులం’ అని సూర్య చెప్పారు. ఈ మ్యాచ్‌లో భారత్ 43 రన్స్ తేడాతో గెలిచింది.
Similar News
News October 4, 2024
నస్రల్లా భావి వారసుడే లక్ష్యంగా ఇజ్రాయెల్ భీకర దాడులు
బీరుట్‌లోని హెజ్బొల్లా ఇంటెలిజెన్స్ హెడ్‌క్వార్టర్స్‌పై దాడులు చేశామని ఇజ్రాయెల్ ప్రకటించింది. ఓ వైపు గ్రౌండ్ ఆపరేషన్స్ కొనసాగిస్తూనే లెబనాన్ వ్యాప్తంగా ఎయిర్‌స్ట్రైక్స్ చేపట్టామని వెల్లడించింది. మరణించిన హెజ్బొల్లా చీఫ్ హసన్ నస్రల్లా వారసుడిగా భావిస్తున్న హషీమ్ సఫియుద్దీన్ టార్గెట్‌గా ఈ భీకర దాడులు జరిగినట్టు తెలిసింది. అతడు బతికున్నాడో లేదో రెండు వర్గాలూ అధికారికంగా ప్రకటించలేదు.
News October 4, 2024
కొండా సురేఖను వదిలేది లేదు: అఖిల్
మంత్రి సురేఖను వదిలేది లేదని నటుడు అఖిల్ వార్నింగ్ ఇచ్చారు. ‘కొండా సురేఖ చేసిన వ్యాఖ్యలు నిరాధారం, హాస్యాస్పదం, అసభ్యకరం, జుగుప్సాకరం. సామాజిక విలువలు, సంక్షేమాన్ని మరచిపోవాలని నిర్ణయించుకుంది. ఆమె ప్రవర్తన సిగ్గుచేటు, క్షమించరానిది. అమాయకులపై సిగ్గు లేకుండా దాడి చేసి బలిపశువులను చేసింది. బాధిత కుటుంబ సభ్యుడిగా నేను మౌనంగా ఉండను. ఈ సమాజంలో అలాంటి వాళ్లకు స్థానం లేదు’ అని అఖిల్ ట్వీట్ చేశారు.
News October 4, 2024
Stock Marketలో యుద్ధ కల్లోలం.. నేడెలా మొదలయ్యాయంటే?
స్టాక్ మార్కెట్లు రేంజుబౌండ్లో ట్రేడవుతున్నాయి. నిన్నటి క్రాష్‌తో పోలిస్తే నేడు మోస్తరు నష్టాల్లోనే సూచీలు ఆరంభమయ్యాయి. విలువైన షేర్లు ఆకర్షణీయమైన ధరల్లో లభిస్తుండటంతో ఇన్వెస్టర్లు కొనుగోళ్లు చేపట్టారు. BSE సెన్సెక్స్ 82,479 (-17), NSE నిఫ్టీ 25,237 (-12) వద్ద కొనసాగుతున్నాయి. నిఫ్టీలో 24 కంపెనీలు లాభాల్లో, 25 నష్టాల్లో ఉన్నాయి. మారుతీ, ONGC, టైటాన్, SBI లైఫ్, BEL టాప్ గెయినర్స్.