News November 10, 2024
కులగణనకు మేము వ్యతిరేకం కాదు: బండి
TG: కులగణనకు బీజేపీ వ్యతిరేకం కాదని కేంద్ర మంత్రి బండి సంజయ్ స్పష్టం చేశారు. గత ప్రభుత్వంలో కులగణన చేశారని, మళ్లీ అవసరం లేదని చెప్పారు. గత సర్వే నివేదిక ప్రస్తుత ప్రభుత్వానికి అందలేదా అని ప్రశ్నించారు. ఎక్కడికి వెళ్లినా కాంగ్రెస్ ప్రభుత్వాన్ని ప్రజలు వ్యతిరేకిస్తున్నారని అన్నారు. రైతులకు కాంగ్రెస్ ఇచ్చిన హామీలను అమలు చేయాలని డిమాండ్ చేశారు.
Similar News
News April 15, 2026
ఆయిల్ కంపెనీలకు రోజుకు ₹1,600 కోట్ల నష్టం?
అంతర్జాతీయ మార్కెట్లో చమురు ధరలు పెరిగినా మన దేశంలో మాత్రం పెట్రోల్, డీజిల్ ప్రైసెస్ మారలేదు. దీంతో ఆయిల్ కంపెనీలకు భారీ నష్టం వస్తున్నట్లు ఆర్థిక నిపుణులు అంచనా వేస్తున్నారు. లీటర్ పెట్రోల్పై ₹18, డీజిల్పై ₹35 వరకు నష్టపోతున్నట్లు సమాచారం. మొత్తంగా ఒక రోజుకు ఆయిల్ కంపెనీలు ₹1,600 కోట్లు నష్టపోతున్నట్లు తెలుస్తోంది. ఇదే నిజమైతే ఆయా సంస్థలకు నెలకు ₹50,000 కోట్ల వరకు లాస్ తప్పదు.
News April 15, 2026
ఎండల తీవ్రత.. కోళ్ల పెంపకంలో జాగ్రత్తలు
వేసవిలో కోళ్లకు అందించే దాణా, నీటి పరిమాణం 1:2 నిష్పత్తిలో ఉండేలా చూసుకోవాలి. ఉష్ణోగ్రతలు మరీ ఎక్కువగా ఉంటే 1:4 నిష్పత్తిలో ఉండాలి. నీటిలో ఎలక్ట్రోలైట్లు, విటమిన్స్ కలిపితే కోళ్లు ఒత్తిడికి గురికాకుండా ఉంటాయి. వీలైనంత వరకు కోళ్లకు ఎండలో ఉండే నీరు కాకుండా చల్లగా ఉండే నీటినే ఇవ్వాలి. కోళ్ల షెడ్లపైన గడ్డి కప్పి, స్ప్రింకర్లు అమర్చి.. షెడ్డు లోపల ఫాగర్స్తో ఎండ సమయంలో అరగంటకు ఒకసారి నీరు చల్లాలి.
News April 15, 2026
రాఘవ్ చడ్ఢాకు షాక్.. Z+ సెక్యూరిటీ విత్డ్రా!
AAP నేత, రాజ్యసభ MP రాఘవ్ చడ్ఢాకు పంజాబ్ సర్కార్ షాకిచ్చినట్లు సమాచారం. ఆయనకు ఉన్న Z+ కేటగిరీ భద్రతను ఉపసంహరించుకున్నట్లు తెలుస్తోంది. సొంత పార్టీతో విభేదాల నేపథ్యంలో ఇటీవలే ఆయన్ను రాజ్యసభ డిప్యూటీ లీడర్ పదవి నుంచి తొలగించారు. పంజాబ్ పోలీసుల తాజా నిర్ణయంతో కేంద్రం ఆయనకు సెంట్రల్ సెక్యూరిటీని కేటాయించే యోచనలో ఉన్నట్లు సమాచారం. ప్రస్తుతం ఢిల్లీ పోలీసులు ఆయనకు రక్షణ కల్పిస్తున్నట్లు తెలుస్తోంది.