News July 20, 2024

ప్రతినెలా రూ.5వేల కోట్ల వడ్డీ కడుతున్నాం: జూపల్లి

TG: గత పదేళ్లుగా బీఆర్ఎస్ చేయలేని పనిని తాము చేసి చూపించామని మంత్రి జూపల్లి కృష్ణారావు అన్నారు. రైతన్నలు పంటలు వేసే సరైన సమయంలో రుణాలు మాఫీ చేశామని గుర్తు చేశారు. కేసీఆర్ పాలించిన పదేళ్లలో రూ.7లక్షల కోట్ల అప్పులు చేశారని ఆరోపించారు. ఆయన చేసిన అప్పులకే తమ ప్రభుత్వం నెలకు రూ.5వేల కోట్ల వడ్డీ కడుతోందని రైతు రుణమాఫీ సంబరాల్లో పాల్గొన్న సందర్భంగా మంత్రి చెప్పారు.