News August 28, 2024
స్పోర్ట్స్ పీరియడ్ తప్పనిసరి చేస్తాం: భట్టి
TG: ప్రభుత్వ పాఠశాలలతో పాటు ప్రైవేటు స్కూళ్లలో స్పోర్ట్స్ పీరియడ్ను తప్పనిసరి చేస్తామని Dy.CM భట్టి విక్రమార్క చెప్పారు. LB స్టేడియంలో ప్రభుత్వ ఉద్యోగులకు నిర్వహించే క్రీడోత్సవాలను ఆయన ప్రారంభించారు. గతంలో స్కూళ్లలో ఆటల పీరియడ్ ఉండేదని కాలక్రమంలో కనుమరుగైందని చెప్పారు. చిన్నారులు సెల్ఫోన్లకు బానిసలుగా మారుతున్నారని, శారీరక శ్రమను ఇచ్చే క్రీడలకు వారిని చిన్నప్పటినుంచే సంసిద్ధం చేయాలన్నారు.
Similar News
News September 14, 2024
కోహ్లీతో పోరాటం కోసం ఎదురుచూస్తున్నా: స్టార్క్
ఈ ఏడాది నవంబరులో ఆస్ట్రేలియాలో జరిగే బోర్డర్ గవాస్కర్ ట్రోఫీలో కోహ్లీకి బౌలింగ్ వేసేందుకు ఎదురుచూస్తున్నానని ఆస్ట్రేలియా బౌలర్ మిచెల్ స్టార్క్ అన్నారు. విరాట్తో పోరాటం బాగుంటుందన్నారు. ‘మేమిద్దరం ఒకరితో ఒకరు చాలా క్రికెట్ ఆడాం. మా పోరాటంలో ఉండే మజాను ఆస్వాదిస్తుంటాను. తను నాపై రన్స్ చేశారు. నేనూ ఆయన్ను ఔట్ చేశాను. ఈసారి పోరు ఎలా ఉంటుందా అని ఆసక్తిగా ఎదురుచూస్తున్నా’ అని పేర్కొన్నారు.
News September 14, 2024
గుజరాత్లో తీవ్ర విషాదం
గుజరాత్లోని దేగాం తాలూకాలో జరిగిన వినాయక నిమజ్జనంలో తీవ్ర విషాదం చోటుచేసుకుంది. ఒకే గ్రామానికి చెందిన ఎనిమిది మంది యువకులు నీటిలో మునిగి చనిపోయారు. వస్నా సోగ్తికి చెందిన కొందరు యువకులు గణేషుడిని నిమజ్జనం చేసేందుకు మాషో నదికి వెళ్లారు. నిమజ్జనం అనంతరం ఓ యువకుడు ఈత కొడుతూ మునిగిపోయాడు. అతడిని కాపాడేందుకు ఒకరి తర్వాత మరొకరు నీటిలో దూకి మునిగిపోయారు. దీనిపై ప్రధాని నరేంద్ర మోదీ సంతాపం తెలిపారు.
News September 14, 2024
సెప్టెంబర్ 14: చరిత్రలో ఈ రోజు
1883: స్వాతంత్ర్య సమరయోధుడు గాడిచర్ల హరిసర్వోత్తమ రావు జననం
1923: ప్రముఖ న్యాయవాది రామ్ జెఠ్మలానీ జననం
1958: అవధాని గరికపాటి నరసింహారావు జననం
1962: సినీ నటి మాధవి జననం
1967: హైదరాబాద్ మాజీ సీఎం బూర్గుల రామకృష్ణారావు మరణం
1990: టీమ్ ఇండియా క్రికెటర్ సూర్యకుమార్ యాదవ్ జననం
హిందీ భాషా దినోత్సవం