News February 15, 2025
మానవ మృగాలను కఠినంగా శిక్షిస్తాం: సీఎం
AP: రాష్ట్రంలో జరుగుతున్న అకృత్యాలపై CM చంద్రబాబు ఆవేదన వ్యక్తం చేశారు. కందుకూరులో మాట్లాడుతూ ‘ఇటీవలే గుర్రంకొండలో యువతిని ఒకడు పొడిచేశాడు. పైగా ఇద్దరూ కలిసి విషం తాగినట్లు డ్రామా చేశాడు. మొన్న గుంటూరులో ఒకడు ఇద్దరిపై అత్యాచారం చేసి జైలుకెళ్లాడు. బయటికొచ్చి మళ్లీ అఘాయిత్యానికి పాల్పడ్డాడు. ఇంకోచోట ఆరేళ్ల బాలికను 75ఏళ్ల వృద్ధుడు రేప్ చేశాడు. ఈ మానవ మృగాలను కఠినంగా శిక్షిస్తాం’ అని హెచ్చరించారు.
Similar News
News November 14, 2025
ఒక రౌండ్ అంటే ఏమిటి?
ఎన్నికల ఓట్ల కౌంటింగ్ రోజున ‘రౌండ్’ అనే పదం తరచూ వినిపిస్తూ ఉంటుంది. X అనే వ్యక్తి మొదటి రౌండ్‌లో ముందంజలో ఉన్నారు అని వింటాం. ఒక రౌండ్ అంటే 14 EVMల ఓట్ల లెక్కింపు. ప్రతి EVM ఒక బూత్‌ను సూచిస్తుంది. కాబట్టి ఒక రౌండ్ 14 బూత్‌ల ఓట్ల లెక్కింపు అని కూడా చెప్పొచ్చు. ఒక్కో అసెంబ్లీ స్థానంలో ఓట్ల లెక్కింపు కోసం EC ఒకేసారి 14 టేబుళ్లను ఉంచుతుంది. ఒక్కో టేబుల్‌పై ఒక EVM ఉంటుంది.
News November 14, 2025
అలసంద సాగు..అధిక దిగుబడినిచ్చే విత్తనం ఇదే
అలసంద 85 నుంచి 90 రోజుల పంట. దీనికి చల్కా, ఎర్రనేలలు ఈ పంటకు అనుకూలం. అన్ని కాలాల్లో విత్తుటకు టి.పి.టి.సి-29 అనే విత్తన రకం అనుకూలం. ఎకరాకు 8 నుంచి 10 కిలోల విత్తనం సరిపోతుంది. కిలో విత్తనానికి కార్బండజిమ్ 2గ్రా. లేదా థైరమ్ 2 గ్రాములతో విత్తన శుద్ధి చేసుకొని తర్వాత విత్తాలి. వరుసకు వరుసకు మధ్య 45 సెంటీమీటర్లు, మొక్కకు మొక్కకు మధ్య 30 సెంటీమీటర్ల దూరం పాటిస్తూ విత్తుకోవాలి.
News November 14, 2025
బీజాక్షరం అంటే ఏంటి..?
బీజాక్షరం అంటే దైవశక్తికి మూలశబ్దం. బీజమంటే విత్తనం. అక్షరమంటే నాశనం లేని శబ్దం. చిన్న విత్తులో గొప్ప వృక్షం దాగి ఉన్నట్లే దేవతాశక్తి బీజాక్షరంలో ఇమిడి ఉంటుంది. ప్రతి దేవతకు ఒక బీజం ఉంటుంది. మంత్రాలలో ప్రధానంగా, శక్తివంతంగా ఉండే ఈ అక్షరమే ఆ మంత్రానికి తాళం చెవి వంటిది. దీనిని పఠించడం ద్వారా మనం ఆ దేవత సంపూర్ణ అనుగ్రహాన్ని, శక్తిని పొందగలం. ఇది ఆధ్యాత్మిక సాధనకు అత్యంత ముఖ్యమైన మూలం. <<-se>>#VedikVibes<<>>