News August 14, 2024
ప్రభాస్ ‘ఫౌజీ’ ఫస్ట్ లుక్ ఎప్పుడంటే..
రెబల్ స్టార్ ప్రభాస్, దర్శకుడు హను రాఘవపూడి కాంబినేషన్లో తెరకెక్కుతున్న సినిమా ‘ఫౌజీ’. ఈ మూవీపై లేటెస్ట్ అప్డేట్ ప్రకారం.. ప్రభాస్ ఫస్ట్ లుక్ను ఈ నెల 17న విడుదల చేయనున్నారు. దీనికోసం ఎదురుచూస్తున్నామంటూ ఫిల్మ్ఫేర్ అధికారిక హ్యాండిల్ ట్వీట్ చేయడంతో రెబల్ ఫ్యాన్స్లో ఆసక్తి పెరిగింది. మూవీలో డార్లింగ్ సైనికుడి పాత్రలో కనిపిస్తారని సమాచారం. మృణాల్ ఠాకూర్ ఆయనకు జోడీగా నటిస్తున్నారు.
Similar News
News September 15, 2024
రిటైర్మెంట్పై స్టార్ స్పిన్నర్ కీలక వ్యాఖ్యలు
తన ఆటను మెరుగుపరుచుకోలేదని భావించినప్పుడే రిటైర్మెంట్ గురించి ఆలోచిస్తానని భారత స్టార్ స్పిన్నర్ రవిచంద్రన్ అశ్విన్ అన్నారు. ఆటకు వీడ్కోలు పలకడం ఎప్పుడనేది ఇంకా నిర్ణయించుకోలేదని చెప్పారు. స్పిన్నర్ అనిల్ కుంబ్లే రికార్డును బద్దలు కొట్టాలని అనుకుంటున్నట్లు తెలిపారు. అయితే ప్రస్తుతానికి ఎలాంటి లక్ష్యాన్ని పెట్టుకోలేదని, దీంతో ఆటపై ప్రేమను కోల్పోదలుచుకోలేదన్నారు.
News September 15, 2024
స్టీల్ ప్లాంట్కు బొగ్గు కొరత రాకుండా చూస్తాం: శ్రీనివాస వర్మ
AP: విశాఖ స్టీల్ ప్లాంట్లో బొగ్గు కొరత కారణంగా ఉత్పత్తి నిలిచిపోయిన విషయం కేంద్రం దృష్టికి వచ్చిందని కేంద్రమంత్రి భూపతిరాజు శ్రీనివాస వర్మ తెలిపారు. స్టీల్ ప్లాంట్కు ఇలాంటి సమస్య కొత్తగా వచ్చినది కాదని వ్యాఖ్యానించారు. బొగ్గు కొరత రాకుండా చర్యలు తీసుకుంటామన్నారు. వరదలతో నష్టపోయిన ఏపీని కేంద్రం ఆదుకుంటుందని చెప్పారు. అమరావతి, పోలవరం ప్రాజెక్టులకు కేంద్రం నిధులు మంజూరు చేసిందని గుర్తు చేశారు.
News September 15, 2024
ఆరు వందే భారత్ రైళ్లను ప్రారంభించిన మోదీ
ప్రధాన మంత్రి నరేంద్ర మోదీ ఆరు వందే భారత్ రైళ్లను ప్రారంభించారు. టాటానగర్-పట్నా, బ్రహ్మపూర్-టాటానగర్, రూర్కెలా-హౌరా, డియోగఢ్-వారణాసి, భాగల్పూర్-హౌరా, గయా-హౌరా మార్గాల్లో ప్రయాణించే రైళ్లను ఆయన వర్చువల్గా ప్రారంభించారు. వాస్తవానికి ఝార్ఖండ్లో ఈ కార్యక్రమం జరగాల్సి ఉండగా వాతావరణ పరిస్థితుల కారణంగా ప్రయాణాన్ని రద్దు చేసుకున్నారు.