News April 27, 2024
ఈ పోలవరం ఎప్పుడు పూర్తయ్యేనో?
తెలుగు ప్రజల చిరకాల కోరిక పోలవరం. ఈ ప్రాజెక్టు పూర్తైతే విశాఖ, ఉభయ గోదావరి, కృష్ణా జిల్లాలోని మెట్ట ప్రాంతాలకు సాగునీరు, చాలా ప్రాంతాలకు తాగు నీరు అందుతుంది. విద్యుదుత్పత్తి, జలరవాణా, చేపల పెంపకానికి కల్పతరువులా మారుతుంది. ఇంతటి ప్రాముఖ్యమైన ఈ ప్రాజెక్టు 2004లో ప్రారంభమైంది. 2015లో జాతీయ హోదా వచ్చినా కొలిక్కి రాలేదు. ఈ ఎన్నికల వేళ కూడా పార్టీల ప్రధాన హామీగా ఉంటున్న ఈ ప్రాజెక్టు సాకారమయ్యేదెన్నడో?
Similar News
News November 29, 2025
సిద్ధిపేట: పత్తి కొనుగోలుపై పరిమితి పెంచిన సీసీఐ
పత్తి రైతులకు సీసీఐ గుడ్ న్యూస్ చెప్పింది. సీసీఐలో గతేడాది 12 క్వింటాళ్ల పత్తి కొనుగోలు చేసిన సీసీఐ ఈ ఏడాది 7 క్వింటాళ్లకు కుదించారు. కొత్తగా తీసుకొచ్చిన కపాస్‌ కిసాన్‌ యాప్‌ ద్వారా స్లాట్‌ బుకింగ్‌ విధానంలో ఎకరాకు 7 క్వింటాళ్ల పత్తి కొనుగోలు చేసేలా ఏర్పాట్లు చేశారు. దీంతో పత్తిని ఎలా అమ్ముకోవాలో రైతులు ఆందోళన చెందారు. ఏఈవో ధ్రువీకరిస్తే ఎకరాకు12 క్వింటాళ్ల వరకు సీసీఐ అంగీకారం తెలిపింది.
News November 29, 2025
‘కుర్చీ’లాట పక్కన పెట్టి పాలనపై దృష్టి పెడతారా?
మా మధ్య ఎలాంటి విభేదాలు లేవు.. అధిష్ఠానం నిర్ణయానికి కట్టుబడి ఉంటాం.. ఇవీ కర్ణాటక సీఎం సిద్దరామయ్య, Dy.CM డీకే శివకుమార్ తాజా కామెంట్స్. సీఎం కుర్చీ సమరం వేళ ఇద్దరు నేతలు మరోసారి పాత పాటే పాడారు. అయితే ఇప్పటికైనా కుర్చీలాట పక్కనపెట్టి పాలనపై దృష్టి సారిస్తారా? అని కాంగ్రెస్ క్యాడర్ చర్చించుకుంటోంది. అటు ఈ వివాదానికి పుల్‌స్టాప్ పెట్టాల్సిన హైకమాండ్ చోద్యం చూస్తోందనే విమర్శలు వినిపిస్తున్నాయి.
News November 29, 2025
రాష్ట్రంలో జోరుగా ధాన్యం కొనుగోళ్లు
తెలంగాణ వ్యాప్తంగా ధాన్యం కొనుగోళ్ల ప్రక్రియ వేగంగా సాగుతోంది. అన్ని జిల్లాల్లో వరి కోతలు ముమ్మరం సాగుతున్న తరుణంలో కొనుగోలు కేంద్రాలకు భారీగా ధాన్యం తరలివస్తోంది. రాష్ట్రంలో 8,361 ధాన్యం కేంద్రాలను ఏర్పాటు చేశారు. వీటికి ఇప్పటి వరకు 41.52 లక్షల టన్నుల ధాన్యం రాగా.. 35.96 లక్షల టన్నుల కొనుగోళ్లు జరిగాయి. ఈ ధాన్యానికి మద్దతు ధర, బోనస్ కలిపి రూ.6,688.63 కోట్లను విడుదల చేసినట్లు ప్రభుత్వం పేర్కోంది.