News November 15, 2024
ఎవరిని నమ్మాలి? ఎక్కడ తినాలి?
తెలుగు రాష్ట్రాల్లో హోటళ్లలో భోజనం చేయాలంటేనే భయపడాల్సి వస్తోంది. దాదాపు అన్ని రెస్టారెంట్లలోనూ నాణ్యతా లోపాలు కన్పిస్తున్నాయి. తాజాగా విజయవాడలో ‘కాకినాడ వారి సుబ్బయ్య గారి హోటల్’లో ఓ కస్టమర్‌కు భోజనంలో జెర్రి వచ్చింది. దీంతో ఫుడ్ సేఫ్టీ అధికారులు హోటల్ సీజ్ చేశారు. రుచి, శుచితో పాటు మర్యాదకు మారుపేరుగా చెప్పుకునే చోటా ఇలా జరిగితే ఇంకెక్కడ తినాలి? అని భోజన ప్రియులు ఆందోళన వ్యక్తం చేస్తున్నారు.
Similar News
News December 13, 2024
కాసేపట్లో పోలీస్ స్టేషన్‌కు చిరంజీవి
చిక్కడపల్లి పీఎస్‌కు కాసేపట్లో చిరంజీవి చేరుకోనున్నారు. ఓ సినిమా షూటింగ్‌లో ఉన్న ఆయన దాన్ని రద్దు చేసుకున్నారు. పీఎస్‌లో ఉన్న అల్లు అర్జున్‌తో మాట్లాడనున్నారు. కాగా ఇప్పటికే అల్లు అర్జున్‌ను చిక్కడపల్లి పీఎస్‌కు తరలించిన పోలీసులు ఆయన స్టేట్‌మెంట్‌ను రికార్డ్ చేసుకున్నారు. మరోవైపు ఆయనను రిమాండ్‌కు తరలించేందుకు ఏర్పాట్లు చేస్తున్నారు. కాసేపట్లో ఆయనను గాంధీ ఆసుపత్రికి తరలించనున్నారు.
News December 13, 2024
విజన్ డాక్యుమెంట్‌ ఆవిష్కరణ ఒక చరిత్ర
AP: స్వర్ణాంధ్ర@2047 విజన్ డాక్యుమెంట్‌ను ఆవిష్కరించడం చరిత్రాత్మకమని సీఎం చంద్రబాబు అన్నారు. అధికారంలోకి వచ్చిన 6 నెలల్లోనే దీనిని రూపొందించామని చెప్పారు. ‘తెలుగు జాతి ప్రపంచంలోనే నంబర్‌వన్‌గా ఉండాలి. అన్ని రంగాల్లో అగ్రగామిగా నిలవాలి. గత ప్రభుత్వంలో ఊహించని విధ్వంసం జరిగింది. ఇప్పుడు దానిని సరిదిద్దేందుకు ప్రయత్నిస్తున్నాం’ అని ఆయన వ్యాఖ్యానించారు.
News December 13, 2024
అల్లు అర్జున్‌ అరెస్ట్‌పై కేటీఆర్ ఫైర్
జాతీయ అవార్డు గ్రహీత అల్లుఅర్జున్‌ను అరెస్ట్ చేయడం పాలకుల అభద్రతకు పరాకాష్ఠ అని కేటీఆర్ అన్నారు. ‘తొక్కిసలాట బాధితుల పట్ల నాకు పూర్తిగా సానుభూతి ఉంది. కానీ నిజంగా ఎవరు విఫలమయ్యారు? అల్లు అర్జున్‌ లాంటి వ్యక్తిని ఓ సాధారణ నేరస్థుడిగా భావించి ఇలా చేయొద్దు. ప్రభుత్వం ఇలా ప్రవర్తించడం సరికాదు. దీనిని తీవ్రంగా ఖండిస్తున్నా. హైడ్రా వల్ల చనిపోయినవారి కేసులో రేవంత్‌నూ అరెస్ట్ చేయాలి’ అని ట్వీట్ చేశారు.