News August 24, 2024
అకస్మాత్తుగా చంద్రబాబు బెంగళూరుకు ఎందుకెళ్లారు?: YCP
AP: సీఎం చంద్రబాబు నిన్న అకస్మాత్తుగా రాజమండ్రి నుంచి ప్రత్యేక విమానంలో బెంగళూరు ఎందుకెళ్లారని YCP ప్రశ్నించింది. ‘ఆయన తాజ్ హోటల్లో రెండున్నర గంటలు గడిపారు. అక్కడ ఎవరిని కలిశారు? ఈ టూర్ షెడ్యూల్ అధికారికంగా ఎందుకు విడుదల చేయలేదు? లోకేశ్ వారంలో రెండోసారి రహస్యంగా విదేశాలకు వెళ్లారు. స్పెషల్ ఫ్లైట్లలో చంద్రబాబు, లోకేశ్, పవన్ తిరుగుతున్నారు. రాష్ట్రం ఇలా ముందుకెళ్తోంది’ అని Xలో రాసుకొచ్చింది.
Similar News
News September 13, 2024
ఒంగోలు వైసీపీ నేతలతో బాలినేని భేటీ
AP: ఒంగోలు వైసీపీ నేతలతో మాజీ మంత్రి, వైసీపీ నేత బాలినేని శ్రీనివాస్ రెడ్డి భేటీ అయ్యారు. హైదరాబాద్లోని తన నివాసంలో భవిష్యత్తు కార్యాచరణపై వారితో సమాలోచనలు జరిపారు. ఈ భేటీలో 20 మంది కార్పొరేటర్లు పాల్గొన్నారు. బాలినేని వైసీపీని వీడుతారనే ప్రచారం సాగుతోంది. కాగా వైసీపీ అధిష్ఠానం సూచనతో పార్టీ నేతలు సతీశ్ రెడ్డి, విడదల రజినీ ఆయనతో చర్చలు జరుపుతున్నట్లు సమాచారం.
News September 13, 2024
నిబంధనలు పెట్టకుండా నిధులివ్వండి: రేవంత్
TG: రాష్ట్రంలో సంభవించిన వరదల నష్టానికి ఎలాంటి నిబంధనలు లేకుండా తక్షణ సాయం కింద నిధులు విడుదల చేయాలని సీఎం రేవంత్ రెడ్డి కేంద్రాన్ని కోరారు. సెక్రటేరియట్లో ఆయన కేంద్ర బృందంతో భేటీ అయ్యారు. వరదల నివారణకు శాశ్వత చర్యలు చేపట్టి, నిధి ఏర్పాటు చేయాలన్నారు. మున్నేరు వాగుకు రిటైనింగ్ వాల్ నిర్మాణం తదితర అంశాలను కేంద్ర బృందం దృష్టికి సీఎం తీసుకెళ్లారు.
News September 13, 2024
టీసీఎస్లో వేల మంది ఉద్యోగులకు ఐటీ తాఖీదులు
టీసీఎస్లో పని చేస్తున్న 30 నుంచి 40 వేల మంది ఉద్యోగులకు ఆదాయపు పన్ను శాఖ నోటీసులు పంపింది. రూ.50 వేల నుంచి రూ.లక్ష వరకు చెల్లించాలని, రిఫండ్లు సైతం ఆపేస్తున్నట్లు నోటీసుల్లో పేర్కొన్నట్లు సమాచారం. సాంకేతిక కారణాలతో TDS వివరాలు ఇన్కం ట్యాక్స్ పోర్టల్లో అప్డేట్ కాకపోవడమే ఇందుకు కారణమని తెలుస్తోంది. దీనిపై అధికారులతో చర్చిస్తున్నామని, వేచి ఉండాలని ఉద్యోగులకు TCS సమాచారం అందించింది.