News April 4, 2025
వక్ఫ్ సవరణ బిల్లుపై సుప్రీంకోర్టును ఆశ్రయిస్తాం: కాంగ్రెస్
వక్ఫ్ సవరణ బిల్లుపై సుప్రీంకోర్టును ఆశ్రయిస్తామని కాంగ్రెస్ వెల్లడించింది. ఈ మేరకు ఆ పార్టీ జనరల్ సెక్రటరీ జైరామ్ రమేశ్ ట్వీట్ చేశారు. ‘త్వరలో బిల్లును సుప్రీంకోర్టులో సవాలు చేస్తాం. రాజ్యాంగ నిబంధనలు ఉల్లంఘిస్తున్న మోదీ ప్రభుత్వంపై పోరాటం కొనసాగిస్తాం. CAAతో పాటు పలు చట్ట విరుద్ధ చర్యలపై వేసిన కేసులు కోర్టులో కొనసాగుతున్నాయి. వక్ఫ్ బిల్లుపైనా పోరాడతాం’ అని ఆయన పేర్కొన్నారు.
Similar News
News November 29, 2025
‘కుర్చీ’లాట పక్కన పెట్టి పాలనపై దృష్టి పెడతారా?
మా మధ్య ఎలాంటి విభేదాలు లేవు.. అధిష్ఠానం నిర్ణయానికి కట్టుబడి ఉంటాం.. ఇవీ కర్ణాటక సీఎం సిద్దరామయ్య, Dy.CM డీకే శివకుమార్ తాజా కామెంట్స్. సీఎం కుర్చీ సమరం వేళ ఇద్దరు నేతలు మరోసారి పాత పాటే పాడారు. అయితే ఇప్పటికైనా కుర్చీలాట పక్కనపెట్టి పాలనపై దృష్టి సారిస్తారా? అని కాంగ్రెస్ క్యాడర్ చర్చించుకుంటోంది. అటు ఈ వివాదానికి పుల్‌స్టాప్ పెట్టాల్సిన హైకమాండ్ చోద్యం చూస్తోందనే విమర్శలు వినిపిస్తున్నాయి.
News November 29, 2025
రాష్ట్రంలో జోరుగా ధాన్యం కొనుగోళ్లు
తెలంగాణ వ్యాప్తంగా ధాన్యం కొనుగోళ్ల ప్రక్రియ వేగంగా సాగుతోంది. అన్ని జిల్లాల్లో వరి కోతలు ముమ్మరం సాగుతున్న తరుణంలో కొనుగోలు కేంద్రాలకు భారీగా ధాన్యం తరలివస్తోంది. రాష్ట్రంలో 8,361 ధాన్యం కేంద్రాలను ఏర్పాటు చేశారు. వీటికి ఇప్పటి వరకు 41.52 లక్షల టన్నుల ధాన్యం రాగా.. 35.96 లక్షల టన్నుల కొనుగోళ్లు జరిగాయి. ఈ ధాన్యానికి మద్దతు ధర, బోనస్ కలిపి రూ.6,688.63 కోట్లను విడుదల చేసినట్లు ప్రభుత్వం పేర్కోంది.
News November 29, 2025
నాలుగు సార్లు ఎమ్మెల్యే.. ఆ తర్వాత సర్పంచ్
TG: పంచాయతీ ఎన్నికల సందడి నెలకొన్న వేళ మాజీ ఎమ్మెల్యే ఉప్పల మల్సూర్ గురించి చర్చ జరుగుతోంది. సూర్యాపేట(D) సిరికొండకు చెందిన ఆయన ఉమ్మడి ఏపీలో నాలుగు సార్లు సూర్యాపేట MLAగా గెలిచారు. అనంతరం 1995లో తన సొంతూరులో సర్పంచ్‌గా ఏకగ్రీవంగా ఎన్నికయ్యారు. గ్రామస్థులంతా కలిసి ఒప్పించి మరీ ఆయనను సర్పంచ్‌ను చేశారు. 4 సార్లు MLAగా చేసిన తర్వాత సర్పంచ్‌గా సేవలందించిన వ్యక్తిగా మల్సూర్ చరిత్రలో నిలిచారు.