News January 25, 2025
నేడు షమీ ఆడతారా?

భారత స్టార్ బౌలర్ షమీ నేడు ఇంగ్లండ్తో జరిగే 2వ T20 ఆడటంపై సందిగ్ధత కొనసాగుతోంది. నిన్న జరిగిన ప్రాక్టీస్ సెషన్లో పాల్గొన్న షమీ ఎలాంటి ఇబ్బంది లేకుండా బౌలింగ్ చేశారు. అయితే మోకాలికి బ్యాండేజ్ వేసి ఉండటంతో మ్యాచ్ ఆడటంపై అనుమానాలు వ్యక్తం అవుతున్నాయి. తొలి T20 ఆడతారని భావించినా డగౌట్కే పరిమితమయ్యారు. అటు షమీ ఆరోగ్య పరిస్థితిపై BCCI ఎలాంటి ప్రకటన చేయలేదు. ఫ్యాన్స్ మాత్రం షమీ ఆడాలని కోరుకుంటున్నారు.
Similar News
News November 29, 2025
నల్గొండ: పంచాయతీ ఎన్నికలు.. ఇదీ పరిస్థితి..!

పంచాయతీ ఎన్నికల నేపథ్యంలో నల్గొండ జిల్లాలోని పలు చోట్ల ఏకగ్రీవం చేసేందుకు ప్రధాన పార్టీల నాయకులు చూస్తున్నారు. ఇందుకు బుజ్జగింపులు, నగదు, పదవీ ఆశలు చూపుతూ పోటీ చేద్దామనుకునే వారిని తమ నిర్ణయం వెనక్కి తీసుకునేలా చేస్తున్నారు. ఇక పలు చోట్ల సర్పంచ్ పదవి కోసం వేలం పాటలు నిర్వహిస్తున్నారు. ఎవరు ఎక్కువ పాడితే వారినే ఏకగ్రీవంగా ఎన్నుకుంటున్నారు. అయితే ఇది నిబంధనలకు విరుద్ధమని అధికారులు చెబుతున్నారు.
News November 29, 2025
ఆదర్శ ధర్మపత్నికి ఉండాల్సిన 6 లక్షణాలు

‘ఇల్లాలు ఇంటి పనులలో సేవకురాలిలా శ్రద్ధగా ఉండాలి. ముఖ్యమైన విషయాలలో మంత్రిలా బుద్ధి కుశలతతో సలహాలివ్వాలి. రూపంలో లక్ష్మీదేవిలా ఆకర్షణీయంగా ఉంటూ, భోజనం పెట్టేటప్పుడు తల్లిలా ప్రేమగా వడ్డించాలి. శృంగారంలో భర్తను రంభ వలె మెప్పించాలి. అన్నిటికీ మించి కష్టాలను సహించే భూదేవిలా ఓర్పుతో ఉండాలి. ఈ షట్కర్మలు కలిగిన స్త్రీయే నిజమైన ధర్మపత్నిగా, ఇంటికి అదృష్ట దేవతగా పరిగణిస్తారు’ అని పై శ్లోకం చెబుతోంది.
News November 29, 2025
ఘోర రోడ్డు ప్రమాదం.. ఐదుగురు మృతి

AP: కర్నూలు జిల్లాలో జరిగిన ఘోర రోడ్డు ప్రమాదంలో ఐదుగురు మరణించారు. కర్ణాటకకు చెందిన ఓ కారు ఎమ్మిగనూరు నుంచి బెంగళూరు వెళ్తుండగా కోటేకల్ కొండ మలుపు వద్ద ఆదోని నుంచి వస్తున్న మరో కారు ఢీకొట్టింది. ఈ ప్రమాదంలో ఇద్దరు చిన్నారులు సహా ఐదుగురు అక్కడికక్కడే చనిపోయారు. మృతుల వివరాలు తెలియాల్సి ఉంది. ఇటీవల కర్నూలు జిల్లాలోనే ప్రైవేటు ట్రావెల్స్ బస్సు దగ్ధమై 19 మంది మరణించిన విషయం తెలిసిందే.


