News March 23, 2024
ఈసారి పోలింగ్ 75% దాటుతుందా?
లోక్సభ ఎన్నికల్లో పోలింగ్ శాతం గత కొన్నేళ్లుగా గణనీయంగా పెరుగుతోంది. 2019 ఎన్నికల్లో 67.40%తో ఆల్ టైమ్ హై నమోదైంది. ఈ ఎన్నికల్లో పోలింగ్ శాతం 75% దాటాలని రాజకీయ వర్గాలు ఆశిస్తున్నాయి. జమ్మూకశ్మీర్ మినహా ఇతర ప్రాంతాల్లో 2014తో పోలిస్తే పోలింగ్ శాతం పెరిగింది. J&Kలో 2014లో 49.72% నమోదు కాగా 2019లో అది 29.39%కు పరిమితమైంది. కాగా 1951లో జరిగిన తొలి ఎన్నికల్లో పోలింగ్ శాతం ఎంతో తెలుసా? 45.67శాతం.
Similar News
News September 14, 2024
‘టైమ్’ బెస్ట్ కంపెనీల జాబితాలో అదానీ గ్రూప్
2024లో ప్రపంచంలోని అత్యుత్తమ సంస్థల జాబితాను టైమ్ సంస్థ తాజాగా విడుదల చేసింది. అదానీ గ్రూప్నకు చెందిన 8 సంస్థలకు అందులో చోటు దక్కింది. స్టాటిస్టాతో కలిసి 50 దేశాల్లో ఈ సర్వే నిర్వహించినట్లు టైమ్ పేర్కొంది. పని పరిస్థితులు, జీతం, సమానత్వం వంటి పలు అంశాలను పరిగణనలోకి తీసుకున్నట్లు వివరించింది. కాగా.. ఉద్యోగుల పట్ల తమ నిబద్ధత, వ్యాపార రంగంలో దక్షతకు ఇది నిదర్శనమని అదానీ గ్రూప్ ఓ ప్రకటనలో తెలిపింది.
News September 14, 2024
హ్యాపీ బర్త్ డే ‘SKY’
టీమ్ ఇండియా టీ20 కెప్టెన్ సూర్యకుమార్ యాదవ్ పుట్టినరోజు నేడు. 1990 సెప్టెంబర్ 14న ఆయన ముంబైలో జన్మించారు. 2021లో 30 ఏళ్ల వయసులో SKY అంతర్జాతీయ క్రికెట్లోకి ఎంట్రీ ఇచ్చారు. తన అద్భుత ఆటతీరుతో వరల్డ్ నెంబర్ వన్ బ్యాటర్గా ఎదిగారు. 33 ఏళ్లకే పొట్టి ఫార్మాట్ సారథిగా ఎంపికయ్యారు. టీ20ల్లో ఏకంగా 4 సెంచరీలు బాది సత్తా చాటారు. రెండు సార్లు టీ20 క్రికెట్ ఆఫ్ ద ఇయర్గా నిలిచారు.
HAPPY BIRTH DAY SKY
News September 14, 2024
అప్పుల ఊబిలో మాల్దీవులు.. చైనాతో కీలక ఒప్పందం
పొరుగుదేశం మాల్దీవులు అప్పుల్లో కొట్టుమిట్టాడుతోంది. దీంతో ఆ దేశం చైనా నుంచి మరిన్ని అప్పులు తెచ్చుకునేందుకు ఒప్పందం కుదుర్చుకుంది. తమ మిత్ర దేశం మాల్దీవులకు తాము ఎలాంటి సహకారమైనా అందిస్తామని చైనా ప్రకటించింది. కాగా మాల్దీవుల అధ్యక్షుడు మహ్మద్ ముయిజ్జు త్వరలో భారత్ పర్యటనకు రానున్న క్రమంలో ఈ అగ్రిమెంట్ జరగడం చర్చనీయాంశంగా మారింది.