News June 25, 2024
మహిళల ఆసియా కప్ షెడ్యూల్ విడుదల

మహిళల ఆసియా కప్-2024 షెడ్యూల్ విడుదలైంది. వచ్చే నెలలో శ్రీలంక వేదికగా జరిగే ఈ టోర్నీలో 8 జట్లు పాల్గొననున్నాయి. గ్రూప్-ఏలో భారత్, పాకిస్థాన్, యూఏఈ, నేపాల్, గ్రూపు-బీలో బంగ్లాదేశ్, శ్రీలంక, మలేషియా, థాయ్ లాండ్ జట్లు ఉన్నాయి. రెండు గ్రూపుల్లో టాప్-2గా నిలిచిన జట్లు సెమీస్ చేరనున్నాయి. జులై 19న పాక్, 21న UAE, 23న నేపాల్ జట్లతో భారత్ తలపడనుంది. 26న సెమీఫైనల్ మ్యాచులు, 28న ఫైనల్ జరగనుంది.
Similar News
News February 18, 2025
‘తుని’లో వివాదమేంటి?

AP: తుని మున్సిపల్ <<15498884>>వైస్ ఛైర్మన్<<>> ఎన్నిక నేపథ్యంలో ఇవాళ ఉద్రిక్తత నెలకొంది. గత ఎన్నికల్లో 30 వార్డులను YCP గెలుచుకుంది. ఒకరు మృతి చెందగా, మరొకరు రాజీనామా చేశారు. ఇటీవల 10 మంది కౌన్సిలర్లు TDPలో చేరారు. మరో నలుగురి కోసం ఆ పార్టీ ప్రయత్నిస్తోంది. ప్రభుత్వం దౌర్జన్యం చేస్తోందంటూ YCP కౌన్సిలర్లను క్యాంప్కు తరలించి చలో తునికి పిలుపునిచ్చింది. పోటీగా TDP కార్యకర్తలు అక్కడికి రావడంతో రచ్చ చెలరేగింది.
News February 18, 2025
ప్రతీకారం తీర్చుకుంటా: షేక్హసీనా

ఆవామీలీగ్ కార్యకర్తల మరణాలకు ప్రతీకారం తీర్చుకుంటామని బంగ్లాదేశ్ మాజీ ప్రధాని షేక్ హసీనా ప్రతిజ్ఞ చేశారు. ఆపార్టీ కార్యకర్తలు ఏర్పాటు చేసిన సమావేశంలో జూమ్కాల్ ద్వారా హాజరయ్యారు. తాను త్వరలోనే బంగ్లాదేశ్కు వస్తానని అందరికీ న్యాయం చేస్తానని కార్యకర్తలకు హామీ ఇచ్చారు. విద్యార్థుల ఆందోళనలో ఎంతోమంది కళాకారులు, పోలీసులు, కార్యకర్తలు హత్యకు గురైనా యూనస్ ప్రభుత్వం చర్యలు తీసుకోవటం లేదని ఆరోపించారు.
News February 18, 2025
తునిలో BNS సెక్షన్ 163(2) అమలు

AP: తుని మున్సిపాలిటీ <<15498069>>పరిధిలో <<>>BNS సెక్షన్ 163(2) అమలు చేస్తూ కాకినాడ కలెక్టర్ ఆదేశాలు జారీ చేశారు. ఈ ఉత్తర్వుల ప్రకారం సభలు, సమావేశాలు, ఐదుగురి కంటే ఎక్కువ మంది గుమికూడటంపై నిషేధం అమలవుతుందని కలెక్టర్ పేర్కొన్నారు. కర్రలు, రాళ్లు, ఆయుధాలు పట్టుకుని తిరగడంపై నిషేధం అమల్లో ఉంటుందని చెప్పారు. తదుపరి ఉత్తర్వులు అమల్లోకి వచ్చే వరకు ప్రతిరోజూ ఉ.6 నుంచి సా.6 వరకు ఆంక్షలు అమల్లో ఉంటాయన్నారు.