News August 14, 2024
నేడు జాతీయ ఎస్సీ కమిషన్కు వైసీపీ ఫిర్యాదు
AP: విజయవాడలోని అంబేడ్కర్ స్మృతివనంలో విధ్వంసం ఘటనపై ఢిల్లీలోని జాతీయ ఎస్సీ కమిషన్కు వైసీపీ నేతలు ఇవాళ ఫిర్యాదు చేయనున్నారు. ఎంపీ గురుమూర్తి, మాజీ మంత్రులు ఆదిమూలపు సురేశ్, మేరుగు నాగార్జున, నందిగం సురేశ్, మొండితోక అరుణ్, కైలే అనిల్తో కూడిన బృందం ఈ ఘటనను వివరించనుంది. మహాశిల్పం వద్ద జరిగిన దాడిని విచారించి, బాధ్యులపై చర్యలు తీసుకోవాలని కోరనుంది.
Similar News
News September 14, 2024
మళ్లీ పెరిగిన బంగారం, వెండి ధరలు
హైదరాబాద్ మార్కెట్లో బంగారం ధరలు మరింత పెరిగాయి. 10 గ్రా. 24 క్యారెట్ల పసిడి రూ.440 పెరిగి రూ.74,890కి చేరింది. 10 గ్రా. 22 క్యారెట్ల గోల్డ్ రూ.400 పెరిగి రూ.68,650 పలుకుతోంది. ఇక వెండి ధర ఏకంగా కేజీ రూ.2,000 పెరిగి రూ.97వేలకు చేరింది. తెలుగు రాష్ట్రాల్లోని అన్ని చోట్ల దాదాపు ఇవే ధరలున్నాయి.
News September 14, 2024
వాలంటీర్ వ్యవస్థను రద్దు చేయాలని డిమాండ్
APలో వాలంటీర్ వ్యవస్థను రద్దు చేయాలని పంచాయతీరాజ్ ఛాంబర్ రాష్ట్ర అధ్యక్షుడు, టీడీపీ నేత రాజేంద్రప్రసాద్ డిమాండ్ చేశారు. వాలంటీర్లకు ఇచ్చే గౌరవ వేతనాన్ని పంచాయతీ కార్యదర్శులు, కౌన్సిలర్లు, MPTCలకు ఇవ్వాలన్నారు. సచివాలయ వ్యవస్థను కూడా పంచాయతీ రాజ్ శాఖలో విలీనం చేయాలని ప్రభుత్వాన్ని కోరారు. అటు వరదలతో ప్రభావితమైన 400 పంచాయతీలకు రూ.లక్ష చొప్పున సాయం ప్రకటించిన డిప్యూటీ CM పవన్కు కృతజ్ఞతలు తెలిపారు.
News September 14, 2024
ధోనీ కెప్టెన్సీ బాధ్యతలు చేపట్టి నేటికి 17 ఏళ్లు పూర్తి
మహేంద్ర సింగ్ ధోనీ టీమ్ ఇండియా పగ్గాలు చేపట్టి నేటికి సరిగ్గా 17 ఏళ్లు పూర్తయ్యాయి. 2007 సెప్టెంబర్ 14న ఆయన సారథ్య బాధ్యతలు చేపట్టారు. ధోనీ కెప్టెన్సీ చేపట్టిన వెంటనే 2007 టీ20 WC సాధించారు. ఆ తర్వాత సీబీ సిరీస్ 2008, ఐపీఎల్ 2010, సీఎల్ టీ20 2010, ఆసియా కప్ 2010, odi WC 2011, ఐపీఎల్ 2011, ఛాంపియన్స్ ట్రోఫీ 2013, సీఎల్ టీ20 2014, ఆసియా కప్ 2016, ఐపీఎల్ 2018, 21, 23లో టైటిళ్లు సాధించారు.