News November 8, 2024
మూసీ నీళ్లతో కడిగినా నీ నోరు మురికి పోదు: హరీశ్
KCR కాలిగోటికి కూడా సరిపోని రేవంత్ <<14562919>>CM<<>> స్థాయి దిగజారి మాట్లాడుతున్నారంటూ హరీశ్ రావు మండిపడ్డారు. ‘కనకపు సింహాసనమున శునకము కూర్చుండబెట్టి పద్యం CMకు సరిగ్గా సరిపోతుంది. KCRపై నువ్వు చేసిన నీచమైన వ్యాఖ్యలు అత్యంత హేయం. మూసీ నీళ్లతో కడిగినా నీ నోరు మురికి పోదు. నీ దొంగబుద్ధిని ప్రజాక్షేత్రంలో నిరూపిస్తాం. ప్రగల్భాలు మాని పరిపాలనపై దృష్టి పెట్టు’ అని ట్వీట్ చేశారు.
Similar News
News November 9, 2024
ప్రపంచంలో ఎక్కువ జనాభా ఉన్న నగరాలు
1.టోక్యో (జపాన్)- 3.71 కోట్లు
2.ఢిల్లీ (భారత్)- 3.38 కోట్లు
3.షాంఘై (చైనా)- 2.99 కోట్లు 4.ఢాకా (బంగ్లాదేశ్)- 2.3 కోట్లు
5.సౌ పౌలో (బ్రెజిల్)- 2.28 కోట్లు 6.కైరో (ఈజిప్ట్)- 2.26 కోట్లు
7.మెక్సికో సిటీ (మెక్సికో)- 2.25 కోట్లు
8.బీజింగ్ (చైనా)- 2.21 కోట్లు
9.ముంబై (ఇండియా)- 2.16 కోట్లు
10. ఒసాకా (జపాన్)- 1.89 కోట్లు
**హైదరాబాద్ 1.10 కోట్ల జనాభాతో 32వ స్థానంలో ఉంది.
News November 9, 2024
టెస్టు సిరీస్ ఓటమి: 6 గంటల పాటు మీటింగ్!
స్వదేశంలో భారత్ న్యూజిలాండ్‌తో టెస్టు సిరీస్ వైట్‌వాష్‌కి గురవ్వడాన్ని బీసీసీఐ సీరియస్‌గా తీసుకుంది. కెప్టెన్ రోహిత్, కోచ్ గంభీర్, సెలక్టర్ అజిత్ అగార్కర్, బోర్డు పెద్దలు జై షా, రోజర్ బిన్నీ మధ్య 6 గంటల పాటు సుదీర్ఘంగా మీటింగ్ జరిగినట్లు తెలుస్తోంది. రోహిత్, గంభీర్‌కు బిన్నీ, షా పలు ప్రశ్నలు సంధించినట్లు సమాచారం. ప్రధానంగా ఓటమికి కారణాలపై చర్చ జరిగిందని బోర్డు వర్గాలు పేర్కొన్నాయి.
News November 9, 2024
లీవ్ ఇవ్వలేదని వీడియో కాల్‌లో పెళ్లి.. ఎక్కడంటే?
తన బాస్ లీవ్ ఇవ్వకపోవడంతో ఓ ఉద్యోగి ఆన్‌లైన్‌లోనే పెళ్లి చేసుకున్న ఘటన హిమాచల్ ప్రదేశ్‌లో జరిగింది. పెళ్లి కూతురు మండిలో పెళ్లి కొడుకు టర్కీలో ఉండి వీడియో కాల్‌లో వివాహం చేసుకున్నారు. వధువు తాత అనారోగ్యం పాలవ్వడంతో తప్పనిసరి పరిస్థితుల్లో వరుడి కుటుంబ సభ్యుల అంగీకారంతో ఆన్‌లైన్‌లో ఈ నెల 4న నిఖా జరిగింది. గతంలోనూ సిమ్లాకు చెందిన ఓ వ్యక్తి వీడియో కాల్‌లో పెళ్లి చేసుకున్నారు.