News December 3, 2024
యూనస్ మైనారిటీలను హత్య చేయిస్తున్నారు: హసీనా
హిందువులు, ఇతర మైనారిటీలను బంగ్లాలో మహ్మద్ యూనస్ ప్రభుత్వం హత్య చేయిస్తోందని ఆ దేశ మాజీ PM షేక్ హసీనా ఆరోపించారు. న్యూయార్క్లో జరిగిన ఆవామీ లీగ్ ఈవెంట్లో ఆమె మాట్లాడారు. ‘ఆలయాలు, చర్చిలు, ఇస్కాన్పై యూనస్ ప్రభుత్వ దాడుల్ని ఖండిస్తున్నా. నేను జనాన్ని చంపించానంటూ లేనిపోని ఆరోపణల్ని మోపారు. నిజమేంటంటే.. విద్యార్థి సమన్వయకర్తలతో కుట్ర పన్ని ఆ దారుణాలు చేస్తోంది యూనసే’ అని మండిపడ్డారు.
Similar News
News March 17, 2026
ADB: రూ.3.38 లక్షల పశువులకు ఉచిత టీకాలు: కలెక్టర్
ఆదిలాబాద్ జిల్లాలో పశువుల సంరక్షణ కోసం నెల రోజుల పాటు సాగే ప్రత్యేక టీకా కార్యక్రమాన్ని కలెక్టర్ రాజర్షి షా ప్రకటించారు. జిల్లావ్యాప్తంగా 2 లక్షల 90 వేల ఆవులు, 48 వేల గేదెలకు గాలికుంటు వ్యాధి నివారణ టీకాలు వేయనున్నట్లు తెలిపారు. ఈ వ్యాధితో పాడి రైతులు ఆర్థికంగా నష్టపోకూడదనే ఉద్దేశంతో ప్రభుత్వం ఉచితంగా టీకాలు అందిస్తోందని, రైతులందరూ వాడుకోవాలని కోరారు. పల్లెల్లో అవగాహన కల్పించాలని ఆదేశించారు.
News March 17, 2026
ఒత్తిడి పెరిగితే.. అందం తగ్గిపోతుంది
ఒత్తిడికి ఎక్కువగా గురయ్యే మహిళలు పలు ఆరోగ్య సమస్యలు ఎదుర్కొంటున్నట్లు ఇంటర్నేషనల్ జర్నల్ అఫ్ సైన్స్ అండ్ రీసర్చ్ ప్రచురించిన నివేదికలో పేర్కొన్నారు. ఒత్తిడి వల్ల వృద్ధాప్య ఛాయలు ముందే రావడంతో పాటు నెలసరి సమస్యలు, బీపీ, షుగర్ వంటివి దాడి చేస్తున్నట్లు పరిశోధకులు వెల్లడించారు. ఒత్తిడిని తగ్గించుకోవడానికి సరిపడా నీరు, నిద్ర, పోషకాలున్న ఆహారం, వ్యాయామాలు, ధ్యానం ఉపయోగపడతాయని చెబుతున్నారు.
News March 17, 2026
ప్రెగ్నెన్సీలో కాళ్ల వాపు ఎందుకు వస్తుంది?
ప్రెగ్నెన్సీలో కాళ్లవాపులు రావడాన్ని వైద్య పరిభాషలో జెస్టెషనల్ ఎడిమా అంటారు. గర్భిణిలలో ఏడో నెల నుంచి కాళ్లవాపు సాధారణంగా కనిపిస్తుంది. గర్భసంచి, బేబీ బరువుతో కొన్నిసార్లు కాళ్లవాపు వస్తుంది. గర్భిణుల్లో రక్త హీనత ఉన్నా, రక్తపోటు పెరిగినప్పుడు కాళ్లలో వాపు వస్తుంది. ఫోలిక్ యాసిడ్ మాత్రలు వేసుకున్నపుడు కూడా కొన్నిసార్లు కాళ్లవాపు కనిపిస్తుంది. సమస్య ఎక్కువగా ఉంటే వెంటనే వైద్యులను సంప్రదించాలి.