News August 6, 2024
రూ.5,560 కోట్లతో గోదావరి స్టేజ్-2
TG: గోదావరి రెండో దశ ప్రాజెక్టుకు రాష్ట్ర ప్రభుత్వం గ్రీన్‌సిగ్నల్ ఇచ్చింది. రూ.5,560 కోట్లను ఈ ప్రాజెక్టు కోసం కేటాయించింది. మల్లన్నసాగర్ నుంచి 15TMCల నీటిని తరలించనుంది. ఇందులో 10 TMCలతో 2030 వరకు HYD తాగునీటి అవసరాలు తీర్చాలని ప్రభుత్వం లక్ష్యంగా పెట్టుకుంది. మిగతా 5 TMCల నీటి తరలింపుతో హిమాయత్‌సాగర్, ఉస్మాన్‌సాగర్, మూసీకి పునర్జీవం కల్పించేలా ప్రభుత్వం సమాలోచనలు చేస్తోంది.
Similar News
News January 16, 2025
ఎల్లుండి 2 జిల్లాల్లో సీఎం పర్యటన
AP: సీఎం చంద్రబాబు ఎల్లుండి రెండు జిల్లాల్లో పర్యటించనున్నారు. శనివారం ఉదయం గుంటూరులో <<15157199>>వాట్సాప్ గవర్నెన్స్ సేవలను<<>>, వేస్ట్ టు ఎనర్జీ ప్లాంటును ప్రారంభిస్తారు. మధ్యాహ్నం వైఎస్సార్ జిల్లాలో నిర్వహించే స్వచ్ఛభారత్ కార్యక్రమంలో పాల్గొని ఉండవల్లికి తిరిగెళ్తారు. సాయంత్రం తన నివాసంలో కేంద్ర హోంమంత్రి అమిత్‌షా‌కు డిన్నర్ ఇవ్వనున్నారు. సీఎం 19న దావోస్ పర్యటనకు బయలుదేరుతారు.
News January 16, 2025
కేటీఆర్‌పై ఈడీ ప్రశ్నల వర్షం
TG: ఫార్ములా-ఈ కారు రేస్ కేసులో మాజీ మంత్రి కేటీఆర్ ఈడీ విచారణ కొనసాగుతోంది. సుమారు 4 గంటలుగా ఆయనపై అధికారులు ప్రశ్నల వర్షం కురిపిస్తున్నారు. HMDA ఖాతా నుంచి విదేశీ సంస్థకు నిధుల బదిలీపై ఆరా తీస్తున్నారు. అర్వింద్ కుమార్, BLN రెడ్డి వాంగ్మూలాల ఆధారంగా KTRను క్వశ్చన్ చేస్తున్నట్లు సమాచారం. కాగా మాజీ మంత్రి చెప్పినట్లే తాము చేశామని ఇటీవల ఈడీ విచారణకు హాజరైన అర్వింద్, రెడ్డి చెప్పినట్లు సమాచారం.
News January 16, 2025
ఇంట్లోని ప్లాస్టిక్ వేస్ట్‌ను ఇలా చేయండి: JD
ఇంటి అవసరాల్లో వినియోగించే ప్లాస్టిక్ కవర్లను సులువుగా ఎలా సేకరించవచ్చో CBI మాజీ జేడీ లక్ష్మీనారాయణ తెలిపారు. ‘ప్రతి ఇంట్లో రోజూ నూనె, పాలు, కిరాణా సామగ్రి, షాంపూ, చిప్స్ కవర్లంటూ కనీసం 10 నుంచి 20 ప్లాస్టిక్ కవర్లు యూజ్ చేస్తాం. వాటిని సీసాలో నింపి మూతపెట్టి డస్ట్‌బిన్‌లలో వేసేలా మీ పిల్లలను ప్రోత్సహించండి. ఇలా చేయడం వల్ల పారిశుద్ధ్య కార్మికులకు సులువుగా, జంతువులు తినకుండా ఉంటాయి’ అని తెలిపారు.