News June 10, 2024
రేపు చంద్రబాబు అధ్యక్షతన NDA ఎమ్మెల్యేల భేటీ
AP: అసెంబ్లీ ఎన్నికల్లో ఘన విజయం సాధించిన NDA ఎమ్మెల్యేలు రేపు భేటీ కానున్నారు. టీడీపీ అధినేత చంద్రబాబు అధ్యక్షతన మంగళగిరిలో ఈ సమావేశం జరగనుంది. సీఎంగా ఎల్లుండి CBN ప్రమాణ స్వీకారం, మంత్రి పదవుల కేటాయింపు అంశాలపై చర్చించే అవకాశం ఉంది. టీడీపీ నుంచి 135, జనసేన నుంచి 21, బీజేపీ నుంచి ఎనిమిది మంది ఎమ్మెల్యేలుగా గెలిచిన విషయం తెలిసిందే.
Similar News
News December 30, 2024
మీరు క్షేమంగా ఉండటమే నాకిచ్చే గొప్ప బహుమతి: యశ్
JAN 8న తన పుట్టినరోజు సందర్భంగా హీరో యశ్ అభిమానులకు కీలక సూచనలు చేశారు. ‘ఇన్నాళ్లుగా మీరు చూపిస్తున్న ప్రేమ అసాధారణం. బర్త్‌డే వేడుకల విషయంలో ప్రేమ వ్యక్తీకరణను మార్చుకోవాలి. మీరు సురక్షితంగా, క్షేమంగా ఉండటమే నాకిచ్చే గొప్ప బహుమతి. మీరు 2025లో సంతోషంగా ఉండాలని కోరుకుంటున్నా’ అని ట్వీట్ చేశారు. గత ఏడాది తన ఫ్లెక్సీలు ఏర్పాటుచేస్తూ ముగ్గురు ఫ్యాన్స్ చనిపోవడాన్ని దృష్టిలో ఉంచుకుని ఆయన రాసుకొచ్చారు.
News December 30, 2024
ఎవరి ఘనతనో తనదిగా చెప్పుకోవడానికి అలవాటుపడ్డ CBN: వైసీపీ
AP: బనకచర్ల ప్రాజెక్టు విషయంలో సీఎం <<15020850>>చంద్రబాబు<<>> తీరు ‘గల్లీలో చెల్లి పెళ్లి జరగాలి మళ్లీ’ అనే చందంగా ఉందని YCP ఎద్దేవా చేసింది. ‘గోదావరి నుంచి బనకచర్ల రెగ్యులేటర్‌కు నీళ్లు తీసుకెళ్లేందుకు జగన్ హయాంలోనే అడుగులు పడ్డాయి. ₹68,028Cr అంచనాతో DPR కోసం WAPCOS సంస్థ‌కు అప్పగించారు. ఎవ‌రో ప్రారంభించిన ప్రాజెక్టులు తన ఘనతే అని చెప్పుకోవడానికి CBN అలవాటుపడ్డారు’ అని ట్వీట్ చేసింది.
News December 30, 2024
సర్వ శిక్షా ఉద్యోగులు వెంటనే సమ్మె విరమించాలి: మంత్రి పొన్నం
TG: కేజీబీవీల్లో పనిచేసే సర్వ శిక్షా అభియాన్ ఉద్యోగులు వెంటనే సమ్మె విరమించాలని మంత్రి పొన్నం ప్రభాకర్ కోరారు. సమ్మె విరమిస్తే వారి సమస్యలను కేంద్ర, రాష్ట్ర ప్రభుత్వాల దృష్టికి తీసుకువెళ్లి పరిష్కరిస్తామని చెప్పారు. 25 రోజులుగా సమ్మె చేయడంతో విద్యార్థులు తీవ్రంగా నష్టపోతున్నారని పేర్కొన్నారు. ఆర్థికపరమైన డిమాండ్స్‌పై క్యాబినెట్ సబ్ కమిటీ భేటీలో చర్చించిన తరువాత నిర్ణయం తీసుకుంటామన్నారు.