News June 8, 2024
కంగనాపై దాడి పెద్ద తప్పు: ఎంపీ చిరాగ్
ఎంపీ, నటి కంగనా రనౌత్‌పై ఎయిర్ పోర్టులో <<13392690>>దాడి<<>> పెద్ద తప్పని లోక్ జనశక్తి పార్టీ చీఫ్, MP చిరాగ్ పాస్వాన్ అన్నారు. భావ వ్యక్తీకరణకు తాను మద్దతిస్తానని, రెండు పక్షాల వైపు మాట్లాడుతానని ఓ ఇంటర్వ్యూలో పేర్కొన్నారు. పౌర సమాజంలో హింస, దూషణలు, భౌతిక దాడికి ఎలాంటి చోటు లేదని తెలిపారు. ఒకరిని కొట్టే హక్కు మరొకరికి లేదన్నారు. కానిస్టేబుల్‌కి ఏమైనా అభ్యంతరం ఉంటే గొంతెత్తి చెప్పాల్సిందని అభిప్రాయపడ్డారు.
Similar News
News January 29, 2025
మౌని అమావాస్య.. ఇవాళ ఇలా చేస్తే..
పుష్యమాసంలో వచ్చే అమావాస్యను మౌని అమావాస్య అంటారు. ఇవాళ మౌని అమావాస్య సందర్భంగా పుణ్య నదుల్లో స్నానం చేసి పితృదేవతలకు తర్పణాలు వదిలితే ఉత్తమ లోకాలకు చేరుకుంటారని పురాణాలు చెబుతున్నాయి. నదికి వెళ్లలేని వారు బావి వద్ద స్నానం చేయాలి. గంగామాతను పూజించి హారతి ఇవ్వాలి. శివాలయాలకు వెళ్లి నవగ్రహాలకు ప్రదక్షిణ చేసి శివుడికి రుద్రాభిషేకం చేయాలి. అవకాశం ఉంటే మౌన వ్రతం పాటించాలి. సామర్థ్యం మేరకు దానం చేయాలి.
News January 29, 2025
మరోసారి డీజీపీగా హరీశ్ కుమార్ గుప్తా?
AP: రాష్ట్ర నూతన డీజీపీగా మరోసారి హరీశ్ కుమార్ గుప్తా పేరు ఖరారైనట్లు తెలుస్తోంది. డీజీపీ ద్వారకా తిరుమలరావు పదవీ కాలం ఎల్లుండితో ముగియనుండటంతో హరీశ్ పేరును ఫైనల్ చేసినట్లు సమాచారం. ప్రస్తుతం గుప్తా విజిలెన్స్ అండ్ ఎన్‌ఫోర్స్‌మెంట్ DGగా ఉన్నారు. గత ఎలక్షన్ల సమయంలో హరీశ్‌ను ఎన్నికల సంఘం DGPగా నియమించిన విషయం తెలిసిందే.
News January 29, 2025
సర్పంచ్ ఎన్నికలపై UPDATE
TG: పంచాయతీ రాజ్ శాఖపై సీఎం రేవంత్ ఇవాళ సమీక్ష నిర్వహించనున్నారు. ఆ శాఖలో పెండింగ్ జీతాలు, అభివృద్ధి కార్యక్రమాలతో పాటు స్థానిక సంస్థల ఎన్నికలపై చర్చించనున్నట్లు అధికార వర్గాలు తెలిపాయి. ఫిబ్రవరి చివరి వారంలో పంచాయతీ ఎన్నికలు నిర్వహిస్తారని ప్రచారం జరుగుతున్న సంగతి తెలిసిందే. నేడు దీనిపై తుది నిర్ణయం తీసుకుంటారా? ఏదైనా ప్రకటన చేస్తారా? అనేది ఆసక్తికరంగా మారింది.