India's largestHyperlocal short
news App
Get daily news updates that are tailored for you based on your preferred language & location.
download Way2News app now
News April 24, 2024
25న తెలంగాణకు అమిత్ షా
TG: కేంద్ర హోంమంత్రి అమిత్ షా ఈ నెల 25న రాష్ట్రానికి రానున్నారు. లోక్‌సభ ఎన్నికల దృష్ట్యా ప్రచారం నిర్వహించనున్నారు. జహీరాబాద్ పార్లమెంటు నియోజకవర్గ పరిధిలోని బాన్సువాడలో నిర్వహించే బహిరంగ సభలో షా పాల్గొననున్నట్లు తెలుస్తోంది. కాగా.. ఇప్పటికే ప్రధాని మోదీ సైతం పలుమార్లు రాష్ట్రంలో పర్యటించిన సంగతి తెలిసిందే.
News April 24, 2024
ఎమ్మెల్యే రాజాసింగ్‌పై కేసు నమోదు
గోషామహల్ ఎమ్మెల్యే రాజాసింగ్‌పై ఈ నెల 18న కేసు నమోదైన విషయం ఆలస్యంగా వెలుగుచూసింది. సుల్తాన్ బజార్ పోలీసులు సుమోటోగా కేసు పెట్టినట్లు తెలుస్తోంది. శ్రీరామనవమి శోభాయాత్రంలో భాగంగా హనుమాన్ వ్యాయామశాల వద్ద ప్రసంగంలో సింగ్ ఎన్నికల నియమావళిని ఉల్లంఘించారని ఎఫ్ఐఆర్‌లో పేర్కొన్నారు. ఐపీసీ 188, 290 రెడ్ విత్ 34, సిటీ పోలీస్ యాక్ట్ 21/76 సెక్షన్ల కింద కేసు నమోదు చేసినట్లు తెలుస్తోంది.
News April 24, 2024
టెన్త్ ఫలితాలు: ఈ స్కూళ్లలో అందరూ ఫెయిల్
AP: రాష్ట్రంలో 2,803 పాఠశాలల్లో 100% ఉత్తీర్ణత నమోదైందని విద్యాశాఖ కమిషనర్ సురేశ్ వెల్లడించారు. 17 స్కూళ్లలో ఒక్క విద్యార్థి కూడా పాస్ కాలేదని(0%) చెప్పారు. ఈ 17 స్కూళ్లలో ఒకే ఒక్క ప్రభుత్వ పాఠశాల ఉందన్నారు. ఇక 96.37% ఉత్తీర్ణతతో పార్వతీపురం మన్యం జిల్లా తొలి, 62.47%తో కర్నూలు జిల్లా చివరిస్థానాల్లో నిలిచాయి.
News April 24, 2024
సా.6 గంటలకు ‘తలైవా 171’ టైటిల్, టీజ‌ర్‌
రజినీకాంత్-లోకేశ్ కనగరాజ్ కాంబోలో ‘తలైవా 171’ మూవీ రానుంది. స‌న్ పిక్చ‌ర్స్ బ్యాన‌ర్‌పై నిర్మిస్తున్న ఈ సినిమా నుంచి మేకర్స్ ఇవాళ బిగ్ అప్‌డేట్ ఇవ్వనున్నారు. టైటిల్, టీజ‌ర్‌‌ను సా.6 గంటలకు విడుదల చేయనున్నట్లు చిత్ర‌యూనిట్ ప్ర‌క‌టించింది. ఈ సినిమా నుంచి ఇప్పటికే ఫస్ట్ లుక్ పోస్టర్ విడుదల చేసిన విషయం తెలిసిందే. ‘తలైవా 171’లో రజినీకాంత్ లగ్జరీ వాచ్‌లు చోరీ చేసే దొంగలా కనిపించునున్న‌ట్లు సమాచారం.
News April 24, 2024
తెలుగు మీడియంలో 71%, ఇంగ్లిషు మీడియంలో 92% ఉత్తీర్ణత
AP: టెన్త్ ఫలితాల్లో 5లక్షల 34వేల మంది విద్యార్థులు ఉత్తీర్ణులయ్యారు. మొత్తంగా 86.69 శాతం మంది పాసయ్యారు. కాగా వీరిలో ఇంగ్లిష్ మీడియంలో పరీక్ష రాసిన వారితో పోలిస్తే తెలుగు మీడియంలో పాస్ పర్సంటేజ్ తగ్గింది. తెలుగు మీడియంలో 71.08% ఉత్తీర్ణత నమోదవ్వగా.. ఇంగ్లిష్ మీడియంలో 92.32% ఉత్తీర్ణత నమోదైంది.
News April 24, 2024
పది ఫలితాలు.. బాలికలదే పైచేయి
AP: పదో తరగతి ఫలితాల్లో 86.69% మంది విద్యార్థులు ఉత్తీర్ణత సాధించినట్లు విద్యాశాఖ కమిషనర్ తెలిపారు. బాలికలు 89.17%, బాలురు 84.32% మంది పాసైనట్లు చెప్పారు. సబ్జెక్టులవారీగా ఫస్ట్ లాంగ్వేజ్‌లో 96.47%, సెకండ్ లాంగ్వేజ్ 99.24%, థర్డ్ లాంగ్వేజ్ 98.52%, మ్యాథ్స్ 93.33%, జనరల్ సైన్స్ 91.296%, సోషల్ స్టడీస్‌లో 95.34శాతం ఉత్తీర్ణత నమోదైనట్లు వెల్లడించారు.
* WAY2NEWSలో రిజల్ట్స్ చెక్ చేసుకోండి.
News April 24, 2024
BIG BREAKING: టెన్త్ ఫలితాలు విడుదల
AP పదో తరగతి ఫలితాలు విడుదలయ్యాయి. విజయవాడలో విద్యాశాఖ కమిషనర్ ఫలితాలను రిలీజ్ చేశారు. ఈ ఏడాది మొత్తం 6 లక్షల మందికి పైగా విద్యార్థులు టెన్త్ ఎగ్జామ్స్ రాశారు. 6,16,615 మంది పరీక్షలు రాస్తే 86.69% ఉత్తీర్ణత నమోదైందని సురేశ్ తెలిపారు. అంటే 5,34,574 మంది పాసయ్యారు. WAY2NEWSలో హాల్ టికెట్ నంబర్ ఎంటర్ చేసి, ఫలితాలు చెక్ చేసుకోండి.
News April 24, 2024
ఖమ్మం సీటుపై కాంగ్రెస్ తీవ్ర కసరత్తు
TG: ఎన్నికలు సమీపిస్తుండటంతో ఖమ్మం అభ్యర్థి ఎంపికపై కాంగ్రెస్ కసరత్తు ముమ్మరం చేసింది. క్యాండిడేట్‌ గురించి చర్చించేందుకు జిల్లా మంత్రులు భట్టి, పొంగులేటి బెంగళూరు వెళ్లారు. AICC అధ్యక్షుడు ఖర్గేతో వేర్వేరుగా భేటీ అవ్వనున్నారు. తమ అభిప్రాయాన్ని ఆయనకు వివరించనున్నారు. మరోవైపు ఇప్పటికే రఘురామిరెడ్డి, మండవ వెంకటేశ్వరావు పేర్లు వినిపిస్తుండగా.. తాజాగా రాయల నాగేశ్వరరావు పేరు తెరపైకి వచ్చింది.
News April 22, 2024
ఒక్క ఓటుతో వాజ్‌పేయి సర్కార్ తలకిందులు!
1998 ఎన్నికల్లో 182 సీట్లతో అతిపెద్ద పార్టీగా అవతరించిన బీజేపీ.. ఇతరుల సాయంతో ప్రభుత్వాన్ని ఏర్పాటు చేసింది. వాజ్‌పేయి ప్రధానిగా ప్రమాణం చేశారు. అయితే ఏడాదిన్నరలోపే ఆ లోక్‌సభ రద్దైంది. అన్నాడీఎంకే మద్దతు ఉపసంహరించుకోవడంతో బలపరీక్ష అనివార్యమైంది. BSP మద్దతు ఇస్తామని.. ఓటింగ్ సమయంలో ఎదురు తిరగడంతో ఒక్క ఓటుతో వాజ్‌పేయి సర్కార్ తలకిందులైంది. అయితే 1999 ఎన్నికల్లో NDA సంపూర్ణ మెజార్టీ సాధించింది.<<-se>>#ELECTIONS2024<<>>
News April 22, 2024
టెన్త్ ఫలితాలు ఆలస్యం!
AP: పదోతరగతి ఫలితాలు ఆలస్యంగా విడుదల కానున్నట్లు తెలుస్తోంది. ముందుగా ప్రకటించిన షెడ్యూల్ ప్రకారం ఉ.11 గంటలకు ఫలితాలు రావాల్సి ఉంది. అయితే ఉ.11.30 గంటలకు రిజల్ట్స్ రిలీజ్ చేయనున్నట్లు సమాచారం. దీంతో ఫలితాలు అరగంట ఆలస్యం కానున్నాయి. ఈసారి 6.03 లక్షల మంది టెన్త్ ఎగ్జామ్స్ రాశారు.
Featured News
Sorry, no posts matched your criteria.