India's largestHyperlocal short
news App
Get daily news updates that are tailored for you based on your preferred language & location.
download Way2News app now
News April 9, 2024
పరీక్షలపై కీలక ప్రకటన
దేశంలో సార్వత్రిక ఎన్నికల వేళ ఓటు వేసిన అభ్యర్థుల చేతి వేలికి సిరా ఉంటే ప్రవేశ పరీక్షలకు అనుమతించరనే ప్రచారం జోరుగా సాగుతోంది. ‘సోషల్ మీడియాలో జరుగుతున్న ఈ ప్రచారాన్ని నమ్మవద్దు. ఇదంతా తప్పుడు ప్రచారం. నిరాధారం. NTA అలాంటి నిబంధనలు/మార్గదర్శకాలు విడుదల చేయలేదు. యువత పుకార్లు నమ్మకుండా ఓటు హక్కును వినియోగించుకోవాలి. ఇవన్నీ పక్కన పెట్టి రాబోయే పరీక్షలకు సన్నద్ధం కావాలి’ అని సూచించింది.
News April 9, 2024
ఎవరీ నితీశ్ కుమార్ రెడ్డి?
ఈరోజు పంజాబ్, హైదరాబాద్‌ మ్యాచ్‌లో సూపర్ స్టార్లు విఫలమైన చోట 37 బంతుల్లో 64 రన్స్ చేశాడు తెలుగబ్బాయి నితీశ్ కుమార్ రెడ్డి. వైజాగ్‌కు చెందిన నితీశ్, ఆంధ్రా తరఫున క్రికెట్ ఆడుతున్నారు. స్వింగ్ బౌలింగ్, దూకుడైన బ్యాటింగ్, మెరుపు ఫీల్డింగ్ అతడి సొంతం. గడచిన రంజీ సీజన్‌లో రహానే, శ్రేయస్ వంటి ఆటగాళ్లను ఔట్ చేశారు. నితీశ్ భవిష్యత్ సూపర్ స్టార్‌ అని టీమిండియా క్రికెటర్ విహారీ ట్వీట్ చేయడం విశేషం.
News April 9, 2024
‘GHMC’లో అడుగంటుతున్న భూగర్భజలాలు
TG: GHMC పరిధిలో భూగర్భజలాలు అడుగంటిపోతున్నాయి. భూగర్భ జలవనరుల శాఖ వివరాల ప్రకారం.. మార్చి-2023 నుంచి మార్చి-2024 మధ్యలో స్థాయులు 2 నుంచి 7 మీటర్ల వరకు పడిపోయాయి. అత్యధికంగా అబ్దుల్లాపూర్‌మెట్‌లో 7 మీటర్ల మేర నీటి స్థాయులు తగ్గాయని అధికారులు చెబుతున్నారు. ఏడాదంతా నిర్మాణాలు జరుగుతుండటమే దీనికి ప్రధాన కారణమని వివరిస్తున్నారు. బెంగళూరు తరహా ఇబ్బంది మాత్రం ఇప్పుడే రాదని తెలిపారు.
News April 9, 2024
తిహార్ జైలులో ఢిల్లీ సీఎంను కలవనున్న పంజాబ్ సీఎం
పంజాబ్ సీఎం భగవంత్ మాన్ తిహార్ జైలులో ఉన్న ఢిల్లీ ముఖ్యమంత్రి అరవింద్ కేజ్రీవాల్‌తో రేపు భేటీ కానున్నారు. మాన్ వెంట ఇటీవల జైలు నుంచి రిలీజైన ఆప్ నేత సంజయ్ సింగ్ సైతం వచ్చే అవకాశం ఉన్నట్లు తెలుస్తోంది. ఎన్నికల వేళ ఈ భేటీపై ప్రాధాన్యం సంతరించుకుంది. కాగా ‘ములాఖత్ జంగ్లా’లో భాగంగా నేడు కేజ్రీవాల్ సతీమణి సునీత తిహార్ జైలులో ఆయనను కలుసుకున్నారు. అరెస్ట్ తర్వాత వీరు భేటీ కావడం ఇదే తొలిసారి.
News April 9, 2024
భారీగా పడిపోయిన పేటీఎం UPI విలువ
పేమెంట్స్ బ్యాంక్ సంక్షోభం దెబ్బ పేటీఎం UPI మార్కెట్ షేర్‌పై భారీగానే ఉన్నట్లు తెలుస్తోంది. మార్చిలో ఈ విలువ (9%) నాలుగేళ్ల కనిష్ఠానికి పడిపోయింది. ఫిబ్రవరిలో పేమెంట్స్ బ్యాంక్‌‌పై RBI ఆంక్షలు విధించినప్పుడు ఈ విలువ 11%కి తగ్గింది. UPI కన్నా వాలెట్‌పైనే సంస్థ ఎక్కువగా దృష్టి సారించడం ఈ క్షీణతకు మరో కారణం అంటున్నారు నిపుణులు. మరోవైపు గత రెండు నెలల్లో ఫోన్‌‌పే మార్కెట్ షేర్ 50% పెరగడం గమనార్హం.
News April 9, 2024
మోమో షాప్ హెల్పర్ జీతం రూ.25వేలు!
ఉద్యోగానికి సిద్ధపడే ఫ్రెషర్లకు మంచి ప్యాకేజ్ గగనమైపోతున్న వేళ సోషల్ మీడియాలోని ఓ పోస్ట్ చూసి నెటిజన్లు నివ్వెరపోతున్నారు. మోమోలు తయారు చేసే షాప్‌లో హెల్పర్ ఉద్యోగానికి నెలకు రూ.25వేలు ఆఫర్ చేయడమే ఇందుకు కారణం. ఈ ఆఫర్‌పై నెటిజన్లు తమదైన శైలిలో కామెంట్ చేస్తున్నారు. ఫ్రెషర్లకు కార్పొరేట్ కంపెనీల ఆఫర్ కన్నా ఎంతో నయం అని పలువురు సెటైర్లు వేస్తున్నారు. అయితే ఆ షాప్ ఎక్కడుందనేది తెలియాల్సి ఉంది.
News April 9, 2024
కాంగ్రెస్ మరో జాబితా విడుదల
AP: రానున్న ఎన్నికల కోసం కాంగ్రెస్ మరో జాబితాను విడుదల చేసింది. 6 లోక్‌సభ స్థానాలు, 12 అసెంబ్లీ స్థానాలకు అభ్యర్థులను ప్రకటించింది. లోక్‌సభ స్థానాల్లో విశాఖ- సత్యనారాయణరెడ్డి, అనకాపల్లి- వేగి వెంకటేశ్, ఏలూరు- లావణ్య కావూరి, నర్సరావుపేట- గర్నెపూడి అలెక్సాండర్, నెల్లూరు- కొప్పుల రాజు, తిరుపతి- చింతా మోహన్ పేర్లను ప్రకటించింది.
News April 9, 2024
ఏపీ కాంగ్రెస్ MLA అభ్యర్థుల జాబితా
టెక్కలి- కిల్లి కృపారాణి, భీమిలి- అడ్డాల వెంకట వర్మ రాజు, విశాఖ సౌత్- వాసుపల్లి సంతోశ్, గాజువాక- లక్కరాజు రామారావు, అరకు- శెట్టి గంగాధర స్వామి, నర్సీపట్నం- రుతుల శ్రీరామమూర్తి, గోపాలపురం- మార్టీన్ లూథర్, ఎర్రగొండపాలెం- అజితా రావు, పర్చూరు- శివ శ్రీలక్ష్మీ జ్యోతి, సంతనూతలపాడు- విజేశ్ రాజ్ పాలపర్తి, జీడీ నెల్లూరు- రమేశ్ బాబు, పూతలపట్టు- ఎం.ఎస్.బాబు
News April 9, 2024
విమాన టికెట్ ధరలకు రెక్కలు
విమాన ప్రయాణాలకు డిమాండ్ పెరుగుతున్న నేపథ్యంలో టికెట్ ధరలకు రెక్కలు రానున్నాయి. ఇప్పటికే పలు రూట్లలో ధరలు గతనెలతో పోలిస్తే 39% పెరిగినట్లు తెలుస్తోంది. ఈ ధరలు మరో 20-25% పెరగొచ్చనేది నిపుణుల అంచనా. పైలెట్ల నిరసనతో విస్తారా ఫ్లైట్లు క్యాన్సిల్ అవడం, ఇంజిన్ సమస్యలతో 70 ఇండిగో విమానాల రద్దు, సంక్షోభంతో గో ఫస్ట్ విమానాలు తగ్గడం ఇందుకు కారణాలట. సమ్మర్ సీజన్ కావడమూ మరో కారణమంటున్నారు.
News April 9, 2024
పంజాబ్ టార్గెట్ 183 పరుగులు
IPLలో భాగంగా పంజాబ్‌తో జరిగిన మ్యాచ్‌లో SRH 20 ఓవర్లలో 182/9 రన్స్ చేసింది. టాపార్డర్ వికెట్లు త్వరగా కోల్పోయిన సమయంలో తెలుగుతేజం నితీశ్ కుమార్ రెడ్డి 37 బంతుల్లో 64 రన్స్ చేసి SRH స్కోరు బోర్డును పరుగులు పెట్టించారు. మిగతా ప్లేయర్లు కూడా తక్కువ స్కోరుకే ఔటయ్యారు. పంజాబ్ బౌలర్లలో అర్షదీప్ సింగ్ 4 వికెట్లు తీసి SRHను దెబ్బ కొట్టగా.. హర్షల్ పటేల్, కర్రన్ చెరో 2 వికెట్లు, రబడ ఒక వికెట్ తీశారు.
Featured News
Sorry, no posts matched your criteria.