India's largestHyperlocal short
news App
Get daily news updates that are tailored for you based on your preferred language & location.
download Way2News app now
News March 31, 2024
‘క్యాష్ కొట్టు టికెట్ పట్టు’.. చంద్రబాబు స్కీమ్: కేశినేని నాని
AP: శింగనమల వైసీపీ అభ్యర్థి వీరాంజనేయులు టిప్పర్ డ్రైవర్ అంటూ చంద్రబాబు చేసిన వ్యాఖ్యలపై విజయవాడ ఎంపీ కేశినేని నాని ఫైరయ్యారు. ఆయనకు పేదలంటే చులకన అని, పేదవాడు ఎమ్మెల్యే, ఎంపీ అవ్వకూడదని రాజ్యాంగంలో ఎక్కడైనా ఉందా? అని ప్రశ్నించారు. క్యాష్ కొట్టు టికెట్ పట్టు అనేది ఆయన స్కీమ్ అని మండిపడ్డారు. కేసుల నుంచి తప్పించుకోవడానికి ఆయన ప్రధాని మోదీ కాళ్లు పట్టుకున్నాడని ఎద్దేవా చేశారు.
News March 31, 2024
iPhone వాడుతున్నారా.. జాగ్రత్త!
ఐఫోన్ యూజర్లను సైబర్ నేరగాళ్లు బురిడీ కొట్టిస్తున్నారు. రీసెట్ పాస్వర్డ్ అంటూ మెసేజ్‌లు పంపి యాపిల్ కస్టమర్ కేర్ నంబర్ నుంచే ఫోన్ చేస్తున్నారు. ‘మీ ఫోన్‌ను ఎవరో హ్యాక్ చేస్తున్నారు. వారి నుంచి రక్షిస్తాం. ఓటీపీ చెప్పండి’ అని మోసాలకు పాల్పడుతున్నారు. ఈ సమయంలో OTP షేర్ చేస్తే మన వ్యక్తిగత సమాచారమంతా వారి చేతుల్లోకి వెళ్తుందని నిపుణులు హెచ్చరిస్తున్నారు. వాటి పట్ల అప్రమత్తంగా ఉండాలని సూచిస్తున్నారు.
News March 31, 2024
సీఎం రేవంత్ ఢిల్లీ టూర్ రేపటికి వాయిదా
కాంగ్రెస్ కేంద్ర ఎన్నికల కమిటీ(CEC) సమావేశం రేపటికి వాయిదా పడింది. అరవింద్ కేజ్రీవాల్ అరెస్టుకు నిరసనగా ఢిల్లీలో ఇవాళ INDIA కూటమి మహార్యాలీ చేపట్టింది. దీంతో CEC భేటీ రేపటికి వాయిదా పడింది. ఇందులో పాల్గొనేందుకు ఢిల్లీకి వెళ్లాల్సిన సీఎం రేవంత్ రెడ్డి టూర్ కూడా క్యాన్సిల్ అయింది. రేపు ఆయన ఢిల్లీ వెళ్లి ఎంపీ అభ్యర్థుల ఎంపికపై చర్చించనున్నారు.
News March 31, 2024
మరో ఎమ్మెల్యే అభ్యర్థిని ప్రకటించిన పవన్ కళ్యాణ్
AP: జనసేన అధినేత పవన్ కళ్యాణ్ విశాఖ సౌత్ నియోజకవర్గ అభ్యర్థిని ప్రకటించారు. వంశీకృష్ణ శ్రీనివాస యాదవ్ అక్కడి నుంచి పోటీ చేస్తారని తెలిపారు. పాలకొండ, అవనిగడ్డ స్థానాలపై ఇంకా కసరత్తు కొనసాగుతోంది. కాగా ఇప్పటి వరకు 19 ఎమ్మెల్యే, 2 ఎంపీ స్థానాలకు అభ్యర్థులను ప్రకటించిన విషయం తెలిసిందే.
News March 31, 2024
సమయం లేదు మిత్రమా..
సన్ రైజర్స్ హైదరాబాద్ విధ్వంసకర ప్లేయర్లతో జియో సినిమా స్పెషల్ పోస్టర్ రిలీజ్ చేసింది. అభిషేక్ శర్మ, హెన్రిచ్ క్లాసెన్, ట్రావిస్ హెడ్‌ల పోస్టర్‌కు ‘అఖండ’ అని టైటిల్ ఇచ్చింది. దీనిని ‘సమయం లేదు మిత్రమా. శరణమా.. రణమా?’ అన్న క్యాప్షన్‌తో పోస్ట్ చేసింది. కాగా కాసేపట్లో సన్ రైజర్స్ హైదరాబాద్.. గుజరాత్ టైటాన్స్‌తో తలపడనుంది.
News March 31, 2024
కొడుకు పేరును టాటూ వేయించుకున్న హీరో
‘12TH ఫెయిల్’ సినిమాతో దేశవ్యాప్త గుర్తింపు తెచ్చుకున్న విక్రాంత్ మాస్సే పుత్రోత్సాహంతో పొంగిపోతున్నారు. తన కొడుకు పేరు వర్దాన్, పుట్టిన తేదీ 7-2-2024ను చేతిపై టాటూ వేయించుకున్నారు. ‘అడిషన్ ఆర్ అడిక్షన్?.. రెండింటినీ నేను ప్రేమిస్తాను’ అని రాసుకొచ్చారు. కాగా విక్రాంత్ తన ప్రేయసి శీతల్ ఠాకూర్‌ను 2022లో పెళ్లి చేసుకున్నారు.
News March 31, 2024
నయనతారను దాటేసిన త్రిష!
పొన్నియన్ సెల్వన్ ముందు వరకు నెమ్మదించిన త్రిష కెరీర్ ఇప్పుడు మళ్లీ ఊపందుకుంది. విజయ్ లియో సినిమాలో రూ.6 కోట్లు తీసుకున్న ఆమె, కమల్ ‘థగ్ లైఫ్‌’కు ఏకంగా రూ.12 కోట్లు తీసుకుంటున్నట్లు సమాచారం. ఈక్రమంలో తోటి స్టార్ నయనతారను దాటేశారని కోలీవుడ్ వర్గాలంటున్నాయి. ప్రస్తుతం అజిత్ ‘విడాముయర్చి’, మెగాస్టార్ ‘విశ్వంభర’, మోహన్‌లాల్ ‘రామ్’, నివీన్ పౌలీ ‘ఐడెంటిటీ’ సినిమాల్లో ఆమె నటిస్తున్నారు.
News March 31, 2024
మార్కెటింగ్‌లో ఇండియన్ క్రియేటివిటీకి హద్దు లేదు: ఆనంద్ మహీంద్రా
ఐపీఎల్ క్రేజ్‌ను ఇడ్లీ మార్కెటింగ్‌కు ఉపయోగించుకున్న చెన్నైలోని ఓ హోటల్‌పై పారిశ్రామికవేత్త ఆనంద్ మహీంద్రా ప్రశంసలు కురిపించారు. ఇడ్లీ ప్రీమియర్ లీగ్(IPL) అంటూ స్పెషల్ ఆఫర్ ఉన్న ఓ పోస్టర్‌ను Xలో పోస్టు చేశారు. ‘మార్కెటింగ్‌లో భారతీయుల సృజనాత్మకతకు హద్దు లేదు. ఈ ఐపీఎల్ ఆదివారం ఉదయం మంచి రేటింగ్ పొందింది. నేను కూడా ఇడ్లీ హోమ్ డెలివరీ కోసం నా టికెట్ రిజర్వ్ చేసుకున్నా’ అని రాసుకొచ్చారు.
News March 31, 2024
భార్యాభర్తల మధ్య ఎన్నికల చిచ్చు
MPలోని బాలాఘాట్ లోక్‌సభ BSP అభ్యర్థి కంకర్ ముంజరే ఇంట్లో ఎన్నికలు చిచ్చు పెట్టాయి. అతని భార్య అనుభా ప్రస్తుతం కాంగ్రెస్ MLAగా ఉన్నారు. ఈ నేపథ్యంలో వేర్వేరు పార్టీలకు ప్రచారం చేస్తున్న తామిద్దరం ఒకే ఇంట్లో ఉండొద్దని శంకర్ తన భార్యకు చెప్పారు. ఎన్నికల ప్రచారం ముగిసే వరకు ఇంట్లో ఎవరైనా ఒకరే ఉండాలని, ఆమెను వేరే చోటుకు వెళ్లాలని కండిషన్ పెట్టారట. దీంతో అనుభా దిక్కుతోచని స్థితిలో ఉన్నారు. <<-se>>#Elections2024<<>>
News March 31, 2024
అమెరికా సైనిక స్థావరంలోకి చొరబడిన చైనీయుడు
అమెరికాలోని కాలిఫోర్నియాలో మెరైన్ కోర్ శిబిరంలోకి ఓ చైనీయుడు చొరబడటం కలకలం రేపింది. అనుమతిలేకుండా లోపలికి వచ్చిన అతడు, బయటికి వెళ్లేందుకు నిరాకరించడంతో సరిహద్దు నిఘా అధికారులు అదుపులోకి తీసుకున్నారు. చట్టవిరుద్ధంగా దేశంలోకి వచ్చాడని, దర్యాప్తు చేస్తున్నామని వారు తెలిపారు. కాగా.. గత ఏడాది చైనాకు చెందిన నిఘా బుడగలు అమెరికా గగనతలంలో కనిపించడం సంచలనంగా మారిన సంగతి తెలిసిందే.
Featured News
Sorry, no posts matched your criteria.