• Download our app

Anantapur

News January 29, 2025

 పకడ్బందీగా ఇంటర్మీడియట్ పబ్లిక్ పరీక్షలు: కలెక్టర్

image

జిల్లాలో ఇంటర్మీడియట్ పబ్లిక్ పరీక్షలను పకడ్బందీగా నిర్వహించాలని జిల్లా కలెక్టర్ వినోద్ కుమార్ సంబంధిత అధికారులను ఆదేశించారు. బుధవారం అనంతపురం కలెక్టరేట్‌లోని మినీ కాన్ఫరెన్స్ హాల్లో ఇంటర్మీడియట్ పబ్లిక్ పరీక్షలు, మార్చి- 2025పై సమీక్ష సమావేశం నిర్వహించారు. ఇంటర్మీడియట్ పబ్లిక్ పరీక్షలు, మార్చి – 2025ను ప్రతిష్ఠాత్మకంగా నిర్వహించాలన్నారు. పరీక్షలకు ఎలాంటి ఇబ్బందులు లేకుండా ఏర్పాట్లు చేయాలన్నారు.

News January 29, 2025

ఉరవకొండ: అప్పుల బాధతో రైతు ఆత్మహత్య

image

ఉరవకొండ మండలం అమిద్యాల గ్రామంలో విషాదం చోటుచేసుకుంది. గ్రామానికి చెందిన రామాంజనేయులు (42) ఉరేసుకుని ఆత్మహత్య చేసుకున్నాడు. అప్పుల బాధ తాళలేక ఆత్మహత్య చేసుకున్నట్లు కుటుంబ సభ్యులు తెలిపారు. అతడిని వెంటనే కుటుంబసభ్యులు గమనించి ఆటోలో ఉరవకొండ ప్రభుత్వ ఆసుపత్రికి తరలించారు. అక్కడ పరీక్షించిన వైద్యులు అప్పటికే మృతి చెందినట్లు ధ్రువీకరించారు.

News January 29, 2025

ఉరవకొండ: ‘అభివృద్ధిపై ప్రత్యేక దృష్టి పెట్టాలి’

image

ఉరవకొండ నియోజకవర్గంలో గ్రామీణ రహదారుల అభివృద్ధిపై ప్రత్యేక దృష్టి పెట్టాలని రాష్ట్ర ఆర్థికశాఖ మంత్రి పయ్యావుల కేశవ్ సంబంధిత అధికారులను ఆదేశించారు. మంగళవారం అనంతపురం నగరంలోని ఆర్.అండ్.బి అతిథి గృహంలో ఉరవకొండ నియోజకవర్గంలో పంచాయతీరాజ్ ఆధ్వర్యంలోని గ్రామీణ రహదారుల అభివృద్ధిపై సంబంధిత అధికారులతో మంత్రి పయ్యావుల కేశవ్ సమీక్ష సమావేశం నిర్వహించారు. నియోజకవర్గంలో రోడ్ల పరిస్థితిని అడిగి తెలుసుకున్నారు.

News January 29, 2025

అనంతపురం జిల్లాలో 3,572 కేసులు

image

అనంతపురం జిల్లా ప్రజలు రోడ్డు ప్రమాదాల నియంత్రణకు కృషి చేయాలని ఎస్పీ జగదీశ్ కోరారు. వారం రోజుల నుంచి పోలీసులు వాహనాల తనిఖీలు నిర్వహిస్తున్నారన్నారు. 3,572 కేసులు నమోదు చేసి, రూ.7,24,905 జరిమానా విధించినట్లు తెలిపారు. అదేవిధంగా బహిరంగ ప్రదేశాల్లో మద్యం తాగుతున్న 319 మందిపై కేసులు నమోదు చేసినట్లు వెల్లడించారు.

News January 29, 2025

అనంతపురం: ఎన్టీఆర్ భరోసాపై వీడియో కాన్ఫరెన్స్

image

అనంతపురం కలెక్టరేట్‌లోని మినీ మీటింగ్ హాల్‌లో “ఎన్టీఆర్ భరోసా” పథకంపై సమావేశం జరిగింది. సంబంధిత శాఖల అధికారులతో జిల్లా కలెక్టర్ డాక్టర్ వినోద్ కుమార్ మంగళవారం జూమ్ మీటింగ్ నిర్వహించారు. ఫిబ్రవరి 1న పెన్షన్ల పంపిణీకి సంబంధించి డిఆర్డీఏ, పీడీ, మండల ప్రత్యేక అధికారులు, బ్యాంకు నోడల్ అధికారులు, మున్సిపల్ కమిషనర్లు, ఎంపీడీఓలు, తహశీల్దార్లు, ఎపీఎంలతో సమావేశం జరిగింది.

News January 29, 2025

గుత్తి వద్ద రోడ్డు ప్రమాదం.. యువకుడు మృతి

image

గుత్తి మండలం రజాపురం గ్రామ సమీపంలో మంగళవారం రాత్రి రోడ్డు ప్రమాదం జరిగింది. వివరాల్లోకి వెళితే.. గుత్తి మండలం కొత్తపల్లికి చెందిన చాకలి పవన్, గొల్ల పవన్ బైక్‌లో గుంతకల్‌కు వెళ్లి తిరిగి వస్తుండగా మట్టి కుప్పను ఢీకొని ప్రమాదం జరిగింది. ఈ ఘటనలో చాకలి పవన్ మృతి చెందగా గొల్ల పవన్‌కు తీవ్ర గాయాలయ్యాయి.

News January 29, 2025

అనంతపురం: నూతన ఎక్సైజ్ డిపో ప్రారంభానికి ఏర్పాట్లు

image

నూతన ఎక్సైజ్ డిపో ప్రారంభ కార్యక్రమానికి అన్ని ఏర్పాట్లు చేపట్టాలని జిల్లా కలెక్టర్ వినోద్ కుమార్ సంబంధిత అధికారులను ఆదేశించారు. మంగళవారం సాయంత్రం అనంతపురం రూరల్‌లోని సోములదొడ్డి వద్దనున్న నూతన ఎక్సైజ్ డిపోను, పాత ఎక్సైజ్ డిపోలను జిల్లా కలెక్టర్ తనిఖీ చేశారు. ఈ సందర్భంగా ఎక్సైజ్ డిపోలలో కార్యకలాపాలు ఏ విధంగా సాగుతున్నాయో తెలుసుకున్నారు.

News January 28, 2025

యాడికి: చిరుతల ఆచూకీకై గాలింపు

image

యాడికి మండలం సాగర్ సిమెంట్ ఏరియా, పంట పొలాల్లో గత 2రోజులుగా చిరుతలు సంచరిస్తున్నాయని గ్రామస్థులు ఫారెస్ట్ అధికారులకు సమాచారం ఇచ్చారు. గుత్తి ఫారెస్ట్ సెక్షన్ ఆఫీసర్ నారపరెడ్డి, బీట్ ఆఫీసర్ మాధవి, సీఐ వీరన్న, ఫారెస్ట్ సిబ్బంది మంగళవారం చిరుతల ఆచూకీ కోసం గాలింపు చర్యలు చేపట్టారు. ఎక్కడైనా చిరుతలు కనిపిస్తే తమకు సమాచారం ఇవ్వాలని ఈ సందర్భంగా ఫారెస్ట్ అధికారులు గ్రామస్థులకు సూచించారు.

News January 28, 2025

అనంతపురం జిల్లా కలెక్టర్‌కు సత్కారం

image

అనంతపురం జిల్లా కలెక్టరేట్‌లోని రెవెన్యూ భవనంలో మంగళవారం ఏపీ జేఏసీ అమరావతి ఆధ్వర్యంలో, జిల్లా కలెక్టర్ డాక్టర్ వినోద్ కుమార్‌కు చిరు సత్కారం చేశారు. విజయవాడలోని తుమ్మలపల్లి కళాక్షేత్రంలో నిర్వహించిన 15వ జాతీయ ఓటర్ల దినోత్సవం సందర్భంగా.. ఉత్తమ ఎన్నికల అధికారిగా జిల్లా కలెక్టర్ వినోద్ కుమార్ అవార్డు అందుకున్న విషయం విధితమే. ఏపీ జేఏసీ అమరావతి కమిటీ సభ్యులు కలెక్టర్‌కు శుభాకాంక్షలు తెలిపారు.

News January 28, 2025

రిజిస్ట్రేషన్ ఛార్జీల పెంపును విరమించుకోవాలి: నాగరాజు

image

రాష్ట్రంలో రిజిస్ట్రేషన్ ఛార్జీల పెంపును విరమించుకోవాలని రిజర్వేషన్ పరిరక్షణ సమితి వ్యవస్థాపకుడు పోతుల నాగరాజు డిమాండ్ చేశారు. మంగళవారం అనంతపురంలో ఆయన మాట్లాడారు. సంపదను సృష్టిస్తా అన్న ముఖ్యమంత్రి చంద్రబాబు ప్రజల ఆస్తులకు కన్నం వేస్తారా? అని ప్రశ్నించారు. వెంటనే రిజిస్ట్రేషన్ ఛార్జీల పెంపు నిర్ణయాన్ని విరమించుకోవాలని డిమాండ్ చేశారు.

Featured News

Sorry, no posts matched your criteria.

↑