India's largestHyperlocal short
news App
Get daily news updates that are tailored for you based on your preferred language & location.
download Way2News app now
Chittoor
News October 24, 2024
కలికిరిలో రోడ్డు ప్రమాదం.. వ్యక్తి మృతి
రోడ్డు ప్రమాదంలో వ్యక్తి మృతి చెందిన ఘటన కలికిరిలో చోటుచేసుకుంది. సీఐ రెడ్డిశేఖర్ రెడ్డి తెలిపిన వివరాల ప్రకారం.. కలికిరి వయా కలకడ రహదారిపై అద్దవారిపల్లి సమీపంలో కారు బైక్‌ని ఢీకొట్టింది. ఈ ఘటనలో బైక్‌పై వెళ్తున్న సోమల మండలం టీ.చెరుకువారిపల్లికి చెందిన కె.కృష్ణయ్య తీవ్రంగా గాయపడ్డాడు. క్షతగాత్రుడిని పీలేరు ఆసుపత్రికి తరలించగా చికిత్స పొందుతూ మృతి చెందాడు.
News October 24, 2024
వైద్యశాఖ ప్రత్యేక ప్రధాన కార్యదర్శి తిరుపతి రుయా ఆస్పత్రి తనిఖీ
తిరుపతి రుయా ఆసుపత్రిని ఆంధ్రప్రదేశ్ రాష్ట్ర వైద్య ఆరోగ్యశాఖ ప్రత్యేక ప్రధాన కార్యదర్శి టి. కృష్ణ బాబు గురువారం తనిఖీ చేశారు. రోగులతో మాట్లాడి ఆస్పత్రిలో అందుతున్న వైద్య సేవలపై ఆరా తీశారు. పలు విభాగాలు తనిఖీ చేశారు. ఆస్పత్రిలో వైద్య పరికరాల పనితీరును పరిశీలించారు. జిల్లా కలెక్టర్ డాక్టర్ ఎస్. వెంకటేశ్వర్లు, జిల్లా వైద్య శాఖ అధికారులు, రుయా ఆస్పత్రిలో వైద్యాధికారులు పాల్గొన్నారు.
News October 24, 2024
సత్యవేడు: తెలుగు గంగ కాలువలో గుర్తు తెలియని శవం
సత్యవేడు మండలంలోని మదనంబేడు సమీపంలోని తెలుగు గంగ కాలువలో ఓ గుర్తుతెలియని శవం లభ్యమైంది. నీటిలో కొట్టుకు రావడంతో గమనించిన స్థానికులు పోలీసులకు సమాచారం ఇచ్చారు. పోలీసులు మృతదేహాన్ని వెలికి తీసి స్థానిక ఆసుపత్రికి పోస్టుమార్టం నిమిత్తం పంపించారు. మృతునికి సంబంధించిన వివరాలు తెలియాల్సి ఉంది. ఘటనపై పోలీసులు దర్యాప్తు చేపట్టారు.
News October 24, 2024
చిత్తూరు: చిరుత పులిని చంపిన ఇద్దరు అరెస్ట్
చిరుత పులిని చంపిన కేసులో ఇద్దరిని అరెస్ట్ చేసినట్లు అటవీ శాఖ అధికారి భరణి తెలిపారు. బంగారుపాలెం వద్ద ఇటీవలె ఓ చిరుత పులి చనిపోయిన విషయం తెలిసిందే. దీనిపై విచారణ చేపట్టిన అధికారులు వెళుతురుచేను గ్రామానికి చెందిన ఇద్దరిని అదుపులోకి తీసుకున్నారు. అనంతరం నిందితుల నుంచి చిరుతపులి కాళ్లు, గోళ్లను స్వాధీనం చేసుకుని అరెస్టు చేశామన్నారు. మరికాసేపట్లో వారిని మీడియా ముందు ప్రవేశపెట్టే అవకాశం ఉంది.
News October 24, 2024
గర్భం దాల్చిన బాలిక.. యువకుడిపై పోక్సో కేసు
ఓ బాలిక గర్భం దాల్చిన ఘటన అన్నమయ్య జిల్లాలో వెలుగుచూసింది. పోలీసుల వివరాల మేరకు.. కురుబలకోటకు చెందిన 16 ఏళ్ల బాలిక మదనపల్లెలోని ఓ కళాశాలలో ఇంటర్ చదువుతోంది. లక్కిరెడ్డిపల్లికి చెందిన ఓ యువకుడు (24), బాలిక మధ్య కొన్ని నెలలుగా ప్రేమ వ్యవహారం నడిచింది. ఈ క్రమంలో బాలిక గర్భందాల్చింది. గురువారం ఉదయం బాలిక తల్లి పసిగట్టి ముదివేడులో ఫిర్యాదు చేయగా పోలీసులు యువకుడిపై పోక్సో కేసు నమోదు చేశారు.
News October 24, 2024
నేడు శ్రీవారి రూ.300 టికెట్ల విడుదల
తిరుమల తిరుపతి దేవస్థానంలో జనవరి నెలకు సంబంధించి రూ.300 టికెట్ల కోటాను నేడు విడుదల చేయనున్నట్లు TTD అధికారులు తెలిపారు. ఉదయం 10 గంటలకు ఆన్ లైన్ ద్వారా టికెట్లను విడుదల చేయనున్నట్లు తెలిపారు. భక్తులు ఈ విషయాన్ని గమనించాలని కోరారు.
News October 24, 2024
శ్రీకాళహస్తిలో ఘోర రోడ్డు ప్రమాదం.. తండ్రి, కొడుకులు మృతి
బైక్‌ను ట్రాక్టర్ ఢీకొనడంతో తండ్రి, కొడుకులు మృతి చెందిన విషాద ఘటన తొట్టంబేడు మండలం దొమ్మరపాలెం వద్ద చోటుచేసుకుంది. స్థానికుల వివరాల ప్రకారం..చియ్యవరం గ్రామానికి చెందిన రాజా (30) తన భార్య, బిడ్డలతో కలిసి బైక్‌పై శ్రీకాళహస్తి నుంచి చియ్యవరం వెళ్తుండగా ఎదురుగా వస్తున్న ఇసుక ట్రాక్టర్ ఢీకొనడంతో రాజా (30), అతని కుమారుడు చైతన్య(5) మృతి చెందారు. మృతుడి భార్య గురువమ్మకు హాస్పిటల్లో వైద్యం అందిస్తున్నారు.
News October 24, 2024
చిత్తూరు: సమస్యల పరిష్కారానికి కృషి చేయాలి
ప్రజా సమస్యల పరిష్కార వేదికలో అందిన సమస్యల పరిష్కారానికి కృషి చేయాలని కలెక్టర్ సుమిత్ కుమార్ తెలిపారు. జిల్లా సచివాలయంలో సమస్యల పరిష్కారానికి తీసుకుంటున్న చర్యలపై ఆయన సమీక్ష నిర్వహించారు. జూన్ నుంచి ఇప్పటివరకు 8,996 ఫిర్యాదులు అందగా 6,399 సమస్యలను నిర్ణీత సమయంలో పరిష్కరించినట్లు చెప్పారు. సమస్యల రీఓపెన్ కు అవకాశం లేకుండా అధికారులు చూడాలని అన్నారు.
News October 23, 2024
తిరుపతిలో వ్యక్తి దారుణ హత్య
రేణిగుంట మండలం చెంగారెడ్డిపల్లె గ్రామంలో భర్తను భార్య హత్య చేసిన ఘటన చోటుచేసుకుంది. రేణిగుంట అర్బన్ సీఐ శరత్ చంద్ర, ఎస్సై అరుణ్ కుమార్ రెడ్డి తెలిపిన వివరాల మేరకు.. చెంగారెడ్డి పల్లె గ్రామంలో ఈశ్వరయ్య(45) భార్య సుజాత, పిల్లలతో కలిసి జీవనం సాగిస్తున్నారు. ఆయన రోజు తాగి వచ్చి భార్యను ఇబ్బందులు పెట్టడంతో బండరాయితో తలపై మోది చంపింది. మృతుడి తల్లి ఫిర్యాదు మేరకు కేసు నమోదు చేసినట్లు తెలిపారు.
News October 23, 2024
పన్ను వసూళ్లపై దృష్టి పెట్టండి: చిత్తూరు కలెక్టర్
ఈఓపీఆర్డీలు, పంచాయతీ సెక్రటరీలు మెరుగైన పారిశుద్ధ్య నిర్వహణ, స్వచ్ఛమైన తాగునీటి సరఫరా, పన్నుల వసూళ్లపై దృష్టి పెట్టి పనిచేయాలని కలెక్టర్ సుమిత్ కుమార్ సంబంధిత అధికారులను ఆదేశించారు. బుధవారం జిల్లా సచివాలయం నుంచి వీడియో కాన్ఫరెన్స్ ద్వారా సంబంధిత అధికారులతో మాట్లాడారు. గ్రామాలలో పారిశుద్ధ్య నిర్వహణ, పన్నుల వసూళ్లు, ఎన్ఆర్ఈజీఎస్ ద్వారా పని దినాల కల్పన గురించి అడిగి తెలుసుకున్నారు.
Featured News
Sorry, no posts matched your criteria.