• Download our app

Chittoor

News October 17, 2024

కుప్పం : రైలు కిందపడి యువకుడు ఆత్మహత్య

image

బెంగళూరు – చెన్నై రైల్వే మార్గంలోని కుప్పం రైల్వే స్టేషన్ సమీపంలోని గుల్లే పల్లి వద్ద గుడిపల్లి(M) కంచి బందార్లపల్లి చెందిన కిరణ్ (18) ఆత్మహత్య చేసుకున్నాడు. రైల్వే పట్టాలపై తలపెట్టి కిరణ్ ఆత్మహత్య చేసుకోవడంతో తలముండెం వేరువేరుగా తెగిపోయింది. కిరణ్ ఆత్మహత్య వ్యవహారంపై కుప్పం రైల్వే పోలీసులు కేసు నమోదు చేసి దర్యాప్తు చేస్తున్నారు. మృతదేహాన్ని పోస్టుమార్టం నిమిత్తం ఏరియా ఆస్పత్రికి తరలించారు.

News October 17, 2024

నిమ్మనపల్లెలో మిస్సింగ్.. బెంగళూరులో దారుణ హత్య

image

నిమ్మనపల్లెలో మిస్సింగ్ అయిన యువకుడు బెంగళూరులో స్నేహితుడి చేతిలో దారుణ హత్యకు గురయ్యాడు. మండలంలోని గుండ్లబురుజు దళితవాడకు చెందిన బాలాజీ(24) పవణహళ్లి పీఎస్ పరిధిలోని దొడ్డనహళ్లిలో రామసముద్రానికి చెందిన స్నేహితుడి భార్యతో అక్రమసంబంధం పెట్టుకున్నాడు. దీంతో స్నేహితుడి చేతిలో హత్యకు గురయ్యాడని గురువారం ఉదయం బెంగుళూరు, పవణహళ్లి ఎస్ఐ సెల్వ తెలిపారు. మధ్యాహ్నంలోగా స్వగ్రామానికి మృతదేహం రానుంది.

News October 17, 2024

చిత్తూరు: ఊపిరి పీల్చుకున్న ప్రజలు

image

బంగాళాఖాతంలో ఏర్పడిన వాయుగుండం గత నాలుగు రోజులుగా ఉమ్మడి చిత్తూరు జిల్లా ప్రజలను భయపెట్టింది. ఏకంగా అధికారులు రెడ్ అలర్ట్ జారీ చేయాల్సిన పరిస్థితి తలెత్తింది. మరోవైపు భారీ వర్షాలతో ఎక్కడికక్కడ వాగులు, వంకలు పొంగి రాకపోకలు నిలిచిపోయాయి. గత నాలుగు రోజులుగా జనజీవనం స్తంభించిపోయింది. ఎట్టకేలకు కాసేపటి క్రితం తడ వద్ద వాయుగుండం తీరం దాటింది అని తెలియడంతో ప్రజలు ఊపిరిపీల్చుకున్నారు.

News October 17, 2024

తిరుపతి జిల్లాలో హై రిస్క్ మండలాలు ఇవే..!

image

వాయుగుండం ప్రభావంతో రాష్ట్రంలోని దక్షిణ కోస్తా భారీ వర్షాలు కురిసే అవకాశం ఉందని అమరావతి వాతావరణ కేంద్రం తెలిపింది. తిరుపతి జిల్లాలోని చిల్లకూరు, చిట్టమూరు, చంద్రగిరి, చిన్నగొట్టిగల్లు, కేవీబీ పురం, నారాయణవనం, పుత్తూరు, రామచంద్రపురం, రేణిగుంట, శ్రీకాళహస్తి, తిరుపతి రూరల్, తిరుపతి అర్బన్, వడమాల పేట, వరదయ్యపాలెం, ఏర్పేడు మండలాలు హైరిస్క్ ఏరియాలుగా ప్రకటించింది.

News October 17, 2024

తిరుపతి జిల్లా వ్యాప్తంగా 208 పునరావస కేంద్రాలు

image

తిరుపతి జిల్లాలో మూడు రోజులుగా ఎడతెరిపి లేకుండా వర్షాలు కురుస్తున్న నేపథ్యంలో ఎటువంటి ప్రాణ, ఆస్తి నష్టం సంభవించకుండా చర్యలు తీసుకుంటున్నట్లు కలెక్టర్ వెంకటేశ్వర్ పేర్కొన్నారు. జిల్లా వ్యాప్తంగా 208 పునరావాస కేంద్రాలు ఏర్పాటు చేశామన్నారు. అందులోకి లోతట్టు ప్రాంతాల నుంచి 1,183 మందిని తరలించినట్లు ఆయన పేర్కొన్నారు.

News October 16, 2024

చిత్తూరు జిల్లాలోనూ రేపు సెలవు

image

చిత్తూరు జిల్లాలో వర్షాలు కొనసాగుతున్నాయి. ఈ నేపథ్యంలో జిల్లాలోని అన్ని ప్రభుత్వ, ప్రైవేటు పాఠశాలలు, అంగన్వాడీలకు కలెక్టర్ సుమిత్ కుమార్ గురువారం కూడా సెలవు ప్రకటించారు. సెలవు ఇవ్వకపోతే చర్యలు తప్పవని హెచ్చరించారు. తిరుపతి జిల్లాలో కాసేపటి క్రితమే రేపటికి సెలవు ప్రకటించిన విషయం తెలిసిందే. అన్నమయ్య జిల్లా(మదనపల్లె, పీలేరు, తంబళ్లపల్లె)లో సెలవుపై ఎలాంటి ప్రకటన రాలేదు.

News October 16, 2024

తిరుపతి జిల్లాలో రేపు సెలవు

image

తిరుపతి జిల్లాలో వర్షాలు కురుస్తూనే ఉన్నాయి. ఇవాళ జిల్లాకు రెడ్ జోన్ ప్రకటించిన విషయం తెలిసిందే. ఇది రేపు కూడా కొనసాగే అవకాశం ఉంది. దీంతో కలెక్టర్ వేంకటేశ్వర్ కీలక నిర్ణయం తీసుకున్నారు. తిరుపతి జిల్లాలోని అన్ని ప్రభుత్వ, ప్రైవేటు స్కూళ్లు, కాలేజీలకు గురువారం సెలవు ప్రకటించారు. నిబంధనలు అతిక్రమిస్తే చర్యలు తప్పవన్నారు. అన్నమయ్య జిల్లాలో సెలవుపై ఇంకా ఎలాంటి ప్రకటన రాలేదు.

News October 16, 2024

చిత్తూరు జిల్లాలో వర్షపాత వివరాలు

image

అల్పపీడన ప్రభావంతో మంగళవారం జిల్లా వ్యాప్తంగా వర్షం కురిసింది. అత్యధికంగా నింద్రలో 22.8 మిమీ, అత్యల్పంగా తపణంపల్లెలో 1.0 మిమీ వర్షం కురిసింది, మండలాల వారీగా రొంపిచెర్లలో 12, సదుంలో 9.6, పులిచెర్లలో 16.2, వెదురుకుప్పంలో 44, విజయపురంలో 5.4, నగరిలో 8.6, కార్వేటినగరంలో 5.4, పెనుమూరులో 3.6, పూతలపట్టులో 8.8, సోమలలో 12.6, చౌడేపల్లిలో 5.4, పుంగనూరులో 6.2మీ.మీ వర్షపాతం నమోదు అయింది.

News October 16, 2024

తిరుపతి: తమిళనాడు, కర్ణాటక వెళ్లే పలు రైళ్లు రద్దు

image

ఆంధ్రప్రదేశ్, తమిళనాడు రాష్ట్రాల్లో అల్పపీడనం ప్రభావంతో కురుస్తున్న భారీ వర్షాలతో తిరుపతి నుంచి తమిళనాడు రాష్ట్రం మీదుగా వెళ్లే పలు రైళ్లను రద్దు చేసినట్లు దక్షిణ రైల్వే ఒక ప్రకటనలో తెలిపింది. తిరుపతి- చెన్నై సెంట్రల్ (16203) తిరుపతి ఎక్స్‌ప్రెస్, తిరుపతి- చామరాజనగర్ (16220)కాట్పాడి మీదుగా కర్ణాటక రాష్ట్రానికి వెళ్లే రైళ్లను తాత్కాలికంగా రద్దు చేశారు.

News October 15, 2024

తిరుపతి: రేపు కూడా పాఠశాలలకు సెలవు

image

తిరుపతి జిల్లాలో రేపు, ఎల్లుండి భారీ వర్షాలు కురిసే అవకాశం ఉందంటూ వాతావరణ శాఖ హెచ్చరికలు జారీ చేసిన విషయం తెలిసిందే. దీంతో కలెక్టర్ వెంకటేశ్వర్ ఆదేశాల మేరకు బుధవారం పాఠశాలలకు సెలవు ప్రకటిస్తూ జిల్లా విద్యాశాఖ అధికారి డాక్టర్ వి.శేఖర్ ప్రకటన విడుదల చేశారు. ఈ నిర్ణయం జిల్లాలోని అన్ని ప్రభుత్వ, ప్రైవేట్ పాఠశాలలతో కాలేజీలకు కూడా వర్తిస్తుందన్నారు.

Featured News

Sorry, no posts matched your criteria.

↑