India's largestHyperlocal short
news App
Get daily news updates that are tailored for you based on your preferred language & location.
download Way2News app now
Chittoor
News September 27, 2024
SVU: M.Tech ఫలితాలు విడుదల
తిరుపతి శ్రీ వేంకటేశ్వర యూనివర్సిటీ పరిధిలో ఈ ఏడాది ఫిబ్రవరి నెలలో M.Tech (CBCS) 3వ సెమిస్టర్ పరీక్షలు జరిగాయి. ఈ ఫలితాలు శుక్రవారం విడుదలైనట్లు యూనివర్సిటీ పరీక్షల విభాగ నియంత్రణ అధికారి దామ్లా నాయక్ పేర్కొన్నారు. ఫలితాలను www.manabadi.co.in వెబ్‌సైట్ ద్వారా తెలుసుకోవచ్చని సూచించారు.
News September 27, 2024
పుత్తూరు ప్రభుత్వ డిగ్రీ కళాశాలలో జాబ్ మేళా
రాష్ట్ర నైపుణ్యాభివృద్ధి సంస్థ, ఎంప్లాయిమెంట్ ఎక్స్‌ఛేంజ్ సంయుక్తంగా పుత్తూరు ప్రభుత్వ డిగ్రీ కళాశాలలో శుక్రవారం జాబ్ మేళా నిర్వహించారు. ఈ జాబ్ మేళాలో 56 మంది హాజరు కాగా, 22 మంది ఎంపికయ్యారని ప్రిన్సిపల్ కోటేశ్వరయ్య తెలిపారు. కార్యక్రమంలో APSSDC అధికారి వీరయ్య, SEEDAP జిల్లా ప్లేస్మెంట్ అధికారి చైతన్య, లోకేశ్, నరసింహులు SPOC, స్కిల్ హబ్ కోఆర్డినేటర్స్ రసూల్, సిసింద్రి, అబ్దుల్, అజేశ్ పాల్గొన్నారు.
News September 27, 2024
హిందుత్వానికి కష్టం వచ్చింది.. కాపాడుకోవాలి: శ్రీనివాసానంద సరస్వతి
గత ఐదేళ్లలో హిందువులపై అనేక అఘాయిత్యాలు జరిగాయని శ్రీనివాసానంద సరస్వతి స్వామీజీ తిరుపతిలో ఆరోపించారు. హిందుత్వానికి కష్టం వచ్చిందని, అందరం ఒక్కటై కాపాడుకోవాలన్నారు. ఈ సమయంలో పార్టీలు, వర్గాలుగా విడిపోతే చాలా ప్రమాదం అన్నారు. శ్రీవారిని దర్శించుకోవాలంటే ఎవరైనా సంప్రదాయాలు పాటించాలని తెలిపారు. జగన్ ఏనాడైనా ఆయన సతీమణిని దర్శనానికి తీసుకొచ్చారా.? అని స్వామీజీ ప్రశ్నించారు.
News September 27, 2024
తిరుపతిలో టెన్షన్ టెన్షన్
వైఎస్ జగన్ తిరుమల పర్యటన నేపథ్యంలో తిరుపతిలో టెన్షన్ నెలకొంది. ఎలాంటి అవాంఛనీయ ఘటనలు జరగకుండా పోలీసులు తిరుపతి, తిరుమలలో పటిష్ఠ భద్రతను ఏర్పాటు చేశారు. జగన్ పర్యటనకు రావొద్దంటూ వైసీపీ నేతలకు పోలీసులు నోటీసులు ఇస్తున్నారు. పలువురిని ఇప్పటికే హౌస్ అరెస్ట్ చేశారు. మరోవైపు రేణిగుంట విమానాశ్రయంలోనే జగన్‌కు నోటీసులు ఇచ్చి శాంతిభద్రతల పరిరక్షణ నిమిత్తం వెనక్కి పంపే అవకాశం ఉన్నట్లు సమాచారం.
News September 27, 2024
World Tourism Day: మీకు నచ్చిన స్పాట్ ఏది?
ఉమ్మడి చిత్తూరు జిల్లా పర్యాటక స్వర్గధామంగా విరాజిల్లుతోంది. ఎటు చూసినా పచ్చని కొండలు, గలగల పారే సెలయేళ్లు, ఉరికే జలపాతాలు, కొండలను చుట్టిన పాములా మెలికలు తిరిగిన ఘాట్‌ చూపరులను కట్టి పడేస్తాయి. అటు తిరుమల కొండలు, చంద్రగిరి కోట, కళ్యాణి డ్యాం, కైగల్ జలపాతం, కాణిపాకం టెంపుల్, హార్సిలీ హిల్స్ అందాలు చూపరులను కట్టి పడేస్తున్నాయి. మరి మీకు ఇష్టమైన స్పాట్ ఏంటో కామెంట్ చెయ్యండి.
News September 27, 2024
తిరుమలకు నేడు YS జగన్
YCP అధినేత జగన్ నేడు తిరుమలకు రానున్నారు. లడ్డూ వివాదం కొనసాగుతున్న వేళ జగన్ పర్యటన సామాన్య ప్రజలతో పాటూ పోలీసులలో తీవ్ర ఉత్కంఠను రేకెత్తిస్తోంది. మధ్యాహ్నం 4.50కు రేణిగుంట విమానాశ్రయం చేరుకోనున్న జగన్, అక్కడి నుంచి రోడ్డు మార్గాన 7 గంటలకు తిరుమలకు చేరుకుంటారు. 28న ఉదయం 10:30కు శ్రీవారిని దర్శించుకుంటారు. కాగా తిరుపతి జిల్లా వ్యాప్తంగా ఉప్పటికే పోలీసులు ఆంక్షలు విధించిన విషయం తెలిసిందే.
News September 27, 2024
ములకలచెరువు: తల్లిని చంపిన కొడుకు, కోడలు అరెస్ట్
ములకలచెరువులో ఆదివారం రాత్రి సఫియాభేగంను కత్తితో గొంతు కోసి హత్యచేసిన కేసులో మృతురాలి కొడుకు చిన్నరెడ్డిబాషా, కోడలు ఆషియాను గురువారం రాత్రి అరెస్టు చేసినట్లు సీఐ రాజారమేశ్ తెలిపారు. సీఐ మాట్లాడుతూ.. లేట్ హైదరవల్లి భార్య సఫియాబేగంతో ఆమె చిన్నకొడుకు, కోడలు ఆస్తికోసం గొడవపడి మిద్దిపైన నిద్రిస్తున్న సఫియా బేగంను పథకం ప్రకారం కత్తితో గొంతుకోసి చంపినట్లు విచారణలో తేలడంతో నిందితులను అరెస్టు చేశామన్నారు.
News September 27, 2024
ఎంఎస్ఎంఈల అవగాహన సదస్సులో చిత్తూరు ఎంపీ
సూక్ష్మ, మధ్య తరగతి పరిశ్రమల స్థాపనతోనే నిరుద్యోగ సమస్యకు పరిష్కారం లభిస్తుందని చిత్తూరు ఎంపీ దగ్గుమళ్ల ప్రసాదరావు అన్నారు. గురువారం చిత్తూరు జిల్లా కలెక్టరేట్ డీఅర్డీఏ సమావేశ మందిరంలో పీఎంఈజీపీ పథకానికి సంబంధించి జిల్లా స్థాయి అవగాహన సదస్సును నిర్వహించారు. జ్యోతి ప్రజ్వలనతో సమావేశాన్ని ప్రారంభించారు. ఈ కార్యక్రమంలో కలెక్టర్ సుమిత్ కుమార్ , అధికారులు పాల్గొన్నారు.
News September 27, 2024
సదుం: విద్యార్థిని దత్తత తీసుకున్న డీఈవో
సదుం మండల కేంద్రంలో జడ్పీ ఉన్నత పాఠశాలలో 9వ తరగతి విద్యార్థిని అర్షియాను దత్తత తీసుకుంటున్నట్లు డీఈవో దేవరాజు తెలిపారు. విద్యార్థిని పదవ తరగతి వరకు అయ్యే విద్య అవసరాలకు తాను అండగా ఉంటానని హామీ ఇచ్చారు. బాగా చదువుకోవాలని ఆమెకు సూచించారు. కార్యక్రమంలో హెచ్ఎం జయ కుమార్ రెడ్డి, ఉపాధ్యాయులు పాల్గొన్నారు.
News September 26, 2024
తిరుపతిలో 30 పోలీస్ యాక్ట్ అమలు
శాంతి భద్రతల పరిరక్షణలో భాగంగా జిల్లా వ్యాప్తంగా ఈనెల 25 నుంచి అక్టోబర్ 24 వరకు 30 పోలీస్ యాక్ట్ అమలులో ఉంటుందని జిల్లా ఎస్పీ సుబ్బారాయుడు ఒక ప్రకటనలో తెలిపారు. ముందస్తు అనుమతి లేకుండా సభలు, సమావేశాలు, ర్యాలీలు నిర్వహించరాదని చెప్పారు. నిబంధనలు ఉల్లంఘించిన వారిపై కఠిన చర్యలు తీసుకుంటామని హెచ్చరించారు. పోలీసులకు అందరూ సహకరించాలని కోరారు.
Featured News
Sorry, no posts matched your criteria.