India's largestHyperlocal short
news App
Get daily news updates that are tailored for you based on your preferred language & location.
download Way2News app now
EastGodavari
News September 17, 2024
జగన్‌కు మానసిక స్థితి సరిగా లేదు: వాసంశెట్టి సుభాశ్
కాకినాడ రూరల్ నియోజకవర్గం మాజీ ఎమ్మెల్యే పిల్లి అనంతలక్ష్మి, సత్యనారాయణమూర్తి దంపతులను సోమవారం మంత్రి వాసంశెట్టి సుభాశ్ కలిశారు. అనంతరం ఆయన మాట్లాడుతూ జగన్‌కు అధికారం కోల్పోవడంతో మానసిక స్థితి సరిగా లేదని, దాంతో ఇష్టమొచ్చినట్లు మాట్లాడుతున్నారని విమర్శించారు. భారీ వరదలు వచ్చిన సమయంలో కావాలనే బురద రాజకీయం చేస్తున్నారని ఎద్దేవా చేశారు.
News September 17, 2024
నేడు రాజమహేంద్రవరంలో స్వచ్ఛతా హీ సేవ, విశ్వకర్మ జయంతి వేడుకలు
రాజమహేంద్రవరంలోని కలెక్టరేట్ వద్ద మంగళవారం స్వచ్ఛతా హీ సేవా కార్యక్రమాన్ని, విశ్వకర్మ జయంతి వేడుకలను నిర్వహించనున్నట్లు కలెక్టర్ ప్రశాంతి తెలిపారు. ఆమె సోమవారం సాయంత్రం కలెక్టరేట్ నుంచి మీడియాకు ప్రకటన విడుదల చేశారు. మంగళవారం ఉదయం 9:30 నుంచి రాజమహేంద్రవరంలోని వై జంక్షన్ వద్ద స్వచ్ఛతా హీ సేవా కార్యక్రమం జరుగుతుందన్నారు. అనంతరం కలెక్టరేట్ వద్ద విశ్వకర్మ జయంతి వేడుకలు జరుపుతామన్నారు.
News September 16, 2024
కాకినాడ: అనుమానంతో భార్యను కడతేర్చాడు
విశాఖపట్నం నక్కవానిపాలెంలో కాకినాడకు చెందిన సలోమి (28)ని భర్త డానియల్ అనుమానంతో హతమార్చాడని విశాఖపట్నం ఎంవీపీ పోలీస్ స్టేషన్ సీఐ మురళి ఆదివారం తెలిపారు. ఇంట్లో భార్యను గొంతు నలిమి హత్య చేసి, కొడుకుని తీసుకొని కాకినాడ వెళ్లి పోలీసులకు లొంగిపోయాడని తెలిపారు. సలోమి హోటల్లో సూపర్వైజర్‌గా పని చేస్తందని, డానియల్ చర్చిలో వీడియో గ్రాఫర్‌గా పనిచేస్తారన్నారు. సలోమి తల్లి ఫిర్యాదుపై కేసు నమోదు చేశామన్నారు.
News September 16, 2024
తూ.గో: పెద్దాపురంలో వికసించిన బ్రహ్మ కమలం
హిమాలయ పర్వత శ్రేణుల్లో పెరిగే బ్రహ్మ కమలం పెద్దాపురంలో కొత్తపేట రామాలయం వీధికి చెందిన ఆదిరెడ్డి విజయలక్ష్మి ఇంటి పెరటిలో ఆదివారం వికసించింది. ఏడాదికి ఒక్కసారి మాత్రమే పూసే బ్రహ్మ కమలం మొక్కను ఆమె తులసి కోటలో నాటగా బ్రహ్మ కమలం వికసించటంతో ఆదివారం ఈ కమలాన్ని చూడడానికి చుట్టుప్రక్కల ప్రాంతాల ప్రజలు తరలి వచ్చారు.
News September 15, 2024
దేవీపట్నం: అనారోగ్యంతో పాఠశాల హెచ్ఎం మృతి
దేవీపట్నం మండలం ఇందుకూరుపేట ఎంపీపీ యూపీ పాఠశాల హెడ్ మాస్టర్ కొమరం ధర్మన్న దొర (45) అనారోగ్యంతో ఆదివారం మృతి చెందారని తోటి ఉపాధ్యాయులు తెలిపారు. కిడ్నీ, షుగర్ వ్యాధులతో రాజమండ్రి ఆసుపత్రిలో చికిత్స పొందుతూ మృతి చెందారని తెలిపారు. స్వగ్రామం పాముగండి గ్రామానికి చెందిన ఈయనకు భార్య, ఇద్దరు పిల్లలు ఉన్నారు. ఉపాధ్యాయుడి మృతితో గ్రామంలో విషాదం నెలకొంది.
News September 15, 2024
దివాన్ చెరువు ప్రాంతంలో పులి కదలికలు: FRO భరణి
దివాన్ చెరువు అటవీ ప్రాంతంలో ఆదివారం తెల్లవారుజామున చిరుతపులి కదలిక చిత్రాలు ట్రాప్ కెమెరాలో రికార్డు అయ్యాయని జిల్లా అటవీ శాఖాధికారిని భరణి తెలిపారు. చిరుత ప్రస్తుతం దివాన్ చెరువు అటవీ ప్రాంతంలో సంచరిస్తుందని చిరుత కదలికలను గుర్తించేందుకు సీసీ కెమెరాలు, ట్రాప్ కెమెరాలను ఉపయోగిస్తున్నామన్నారు. పులిని ట్రాప్ బోనులతో పట్టుకునేందుకు ముమ్మర ప్రయత్నాలు చేస్తున్నామని, దాన్ని కచ్చితంగా పట్టుకుంటామన్నారు.
News September 15, 2024
ఉప్పాడ సముద్రంలో అద్భుత దృశ్యం (PHOTO)
పిఠాపురం మండల పరిధిలోని ఉప్పాడ సముద్రంలో వరద నీరు కలిసే ప్రాంతంలో శనివారం అద్భుత దృశ్యం ఆవిష్కృతమైంది. ఎరుపు రంగులో ఉన్న వరద నీరు భారీగా సముద్రంలో కలుస్తున్న వేళ ఒకవైపు నీలివర్ణం, మరోవైపు ఎరుపు వర్ణంతో కూడిన దృశ్యం పర్యాటకులను విశేషంగా ఆకట్టుకుంది. అన్నా చెల్లెళ్ల గట్టుగా పిలిచే ఈ ప్రాంతంలో వరద నీరు వస్తున్నన్నీ రోజులు ఇదే విధంగా ఉంటుందని మత్స్యకారులు తెలిపారు.
News September 15, 2024
రాజమండ్రి: చిరుత కోసం 50 మంది
దివాన్ చెరువు అభయారణ్యంలో చిరుత సంచారం స్థానిక ప్రజల్లో ఆందోళన కలిగిస్తోంది. అధికారులు దానిని బంధించేందుకు ప్రత్యేక చర్యలు తీసుకుంటున్నారు. అందుకు మొత్తం 50 మంది సిబ్బంది 9 బృందాలుగా ఏర్పడ్డారని DFO భరణి తెలిపారు. ఇళ్ల ముందు చెత్త వేయొద్దని కోరారు. చెత్తను తినేందుకు కుక్కలు, పందులు వస్తాయని వాటి కోసం చిరుత వచ్చే అవకాశం ఉందన్నారు. 16వ నంబర్ జాతీయరహదారిపై ప్రయాణికులు అప్రమత్తంగా ఉండాలన్నారు.
News September 15, 2024
తలుపులమ్మ సన్నిధిలో హైకోర్టు న్యాయమూర్తి దంపతులు
తుని మండలంలోని లోవలో ఉన్న తలుపులమ్మను ఏపీ హైకోర్టు న్యాయమూర్తి జస్టిస్ వెంకట జ్యోతిర్మయి దంపతులు దర్శించుకున్నారు. అనంతరం అమ్మవారికి ప్రత్యేక పూజలు చేశారు. వీరికి దేవస్థానం ఈఓపి విశ్వనాథరాజు, వేద పండితులు ఘనస్వాగతం పలికారు. అమ్మవారి చిత్రపటం, ప్రసాదం, వస్త్రాలు వారికి అందజేశారు.
News September 14, 2024
రాజానగరంలో తీవ్ర విషాదం
రాజానగరం మండలం పల్లకడియం గ్రామంలో శనివారం విషాదం చోటు చేసుకుంది. టీ పొడి అనుకుని పొరపాటున వృద్ధ దంపతులు పురుగు మందు వేసుకొని టీ తాగారు. ఈ ప్రమాదంలో వెలుచూరి గోవింద్(75), అప్పాయమ్మ (70) మృతి చెందారు. అప్పాయమ్మకు కంటి చూపు తక్కువగా ఉండడంతో పొలాలకు చల్లే గుళికల ప్యాకెట్‌ను టీ ప్యాకెట్‌గా భావించి టీ పెట్టుకొని తాగారు. కొద్దిసేపటికే నోటి నుంచి నురగలు రావడంతో అక్కడికక్కడే మృతి చెందారు.
Featured News
Sorry, no posts matched your criteria.