India's largestHyperlocal short
news App
Get daily news updates that are tailored for you based on your preferred language & location.
download Way2News app now
EastGodavari
News November 30, 2024
కాకినాడ: పవన్ ఆగ్రహం.. అధికారులపై యంత్రాంగం చర్యలు
పీడీఎస్ రైస్ అక్రమ తరలింపు అంశంపై కాకినాడ జిల్లా డీఎస్ఓ ఎంవీ ప్రసాద్‌పై రాష్ట్ర యంత్రాంగం చర్యలు తీసుకుంది. కాకినాడ పోర్టులో పవన్ తనిఖీలు చేయగా అక్రమ రవాణాపై ఆగ్రహించారు. అనంతరం యంత్రాంగం కొంతమంది అధికారులపై చర్యలకు ఉపక్రమించింది. ఇందులో భాగంగా ఎంవీ ప్రసాద్‌ను పౌరసరఫరాలశాఖ కమిషనరేట్‌లో రిపోర్ట్ చేయాలని ఆదేశాలు జారీ చేసింది. కాకినాడ జిల్లా ఇన్‌ఛార్జ్ డీఎస్ఓగా లక్ష్మీదేవికి బాధ్యతలు అప్పగించారు.
News November 29, 2024
తూ.గో: ఫుల్ టెన్షన్… వారందరికీ కునుకు కరవు
తుపాను ప్రభావంతో ఉమ్మడి తూ.గో జిల్లా వ్యాప్తంగా వాతావరణం మారిపోయింది. ఇవాళ భారీ వర్షాలు కురిసే అవకాశం ఉందని వాతావరణ శాఖ హెచ్చరించింది. దీంతో అన్నదాతలకు కంటి మీద కునుకు లేకుండా పోయింది. పంటను కాపాడుకునేందుకు నానా అవస్థలు పడుతున్నారు. ఆరుగాలం పండించిన పంట నీటిపాలవుతుందేమోనని ఆందోళన చెందుతున్నారు. మత్స్యకారులు వేటకు వెళ్లొద్దని, పిడుగులు పడే సమయంలో బహిరంగ ప్రదేశాల్లో ఉండొద్దని అధికారులు హెచ్చరించారు.
News November 29, 2024
అఖండ గోదావరి ప్రాజెక్టులో అభివృద్ధి చేసేవి ఇవే..
అఖండ గోదావరి ప్రాజెక్టులో భాగంగా కేంద్రం రూ.94.44 కోట్లు కేటాయించిన సంగతి తెలిసిందే. ఈ ప్రాజెక్టులో భాగంగా రాజమండ్రి హేవ్ లాక్ బ్రిడ్జిని అభివృద్ధి చేయనున్నారు. దీంతో పాటు అక్వేరియం టన్నెల్, ఆర్టిఫిషియల్ వాటర్ ఫాల్స్, గ్లాస్ బ్రిడ్జి, గోదావరి కాలువలు, కడియం నర్సరీలను సైతం డెవలప్ చేసేందుకు ప్రణాళికలు రూపొందించనున్నారు.
News November 28, 2024
తూ.గో: ముమ్మరంగా వాహనాల తనిఖీలు
తూ.గో జిల్లా ఎస్పీ డి.నరసింహ కిషోర్ ఆదేశాల ప్రకారం జిల్లాలోని వివిధ పోలీస్ స్టేషన్లో పరిధిలో గురువారం సాయంత్రం విజిబుల్ పోలీసింగ్ ఏర్పాటు చేశారు. దీనిలో భాగంగా ముఖ్య కూడళ్లలో ముమ్మరంగా వాహనాల తనిఖీలు చేపట్టారు. వాహన పత్రాలు, హెల్మెట్ లేకుండా ప్రయాణిస్తున్న వారికి జరిమానాలు విధించారు. ప్రతి ఒక్కరూ ట్రాఫిక్ రూల్స్ పాటించాలని, ప్రమాదాల నివారణకు సహకరించాలని పోలీసులు కోరారు.
News November 28, 2024
రాజానగరం: 29న పీజీ ప్రవేశాలకు స్పాట్ అడ్మిషన్స్
నన్నయ విశ్వవిద్యాలయంలో 2024-25 విద్యా సంవత్సరానికి గాను ఎం.ఏ, ఎం.కామ్, ఎంపీఈడీ, ఎంఎస్సీ కోర్సుల్లో భర్తీ చేయని సీట్లకు 29న స్పాట్ అడ్మిషన్స్ నిర్వహిస్తున్నామని వీసీ వై.శ్రీనివాసరావు తెలిపారు. ఏపీ పీజీసెట్ రాయకపోయినా, రాసి అర్హత సాధించకపోయినా స్పాట్ అడ్మిషన్‌లో పీజీ కోర్సులో ప్రవేశం పొందవచ్చన్నారు. డిగ్రీలో ఉత్తీర్ణత శాతం ఓసీ, బీసీలకు 50శాతం, ఎస్సీ, ఎస్టీలకు 45 శాతం సాధించిన వారు అర్హులన్నారు.
News November 28, 2024
రేపు ఉమ్మడి తూ.గో జిల్లాలో భారీ వర్షాలు
బంగాళాఖాతంలో ఏర్పడిన తీవ్రవాయుగుండం రేపు ఉదయానికి తుఫానుగా బలపడే అవకాశం ఉందని విపత్తుల నిర్వహణ సంస్థ తెలిపింది. శనివారం ఉదయం TN-పుదుచ్చేరి మధ్య తీరం దాటే అవకాశం ఉందని పేర్కొంది. దీని ప్రభావంతో 4రోజుల పాటు వర్షాలు కురుస్తాయంది. రేపు కాకినాడ, కోనసీమ,తూ.గో జిల్లాల్లో మోస్తరు నుంచి భారీ వర్షాలు కురిసే అవకాశం ఉందని తెలిపింది. మత్స్యకారులు వేటకు వెళ్లొద్దని, లోతట్టు ప్రాంతాల ప్రజలు అప్రమత్తంగా ఉండాలంది.
News November 28, 2024
రాజమండ్రి బ్రిడ్జికి నిధుల విడుదల
రాజమండ్రి హేవ్ లాక్ వంతెనను పర్యాటకంగా అభివృద్ధి చేసేందుకు కేంద్ర ప్రభుత్వం స్పెషల్ అసిస్టెంట్స్ స్టేట్ ఫర్ క్యాపిటల్ ఇన్వెస్ట్మెంట్ పథకం ద్వారా రూ.62.33 కోట్లు విడుదల చేసింది. రాష్ట్ర మంత్రి కందుల దుర్గేష్ కృషితో ఈ వంతెనను పర్యాటకంగా అభివృద్ధి చేసేందుకు కేంద్రం రూ.94.44 కోట్లు మంజూరుకు ఆమోదం తెలిపింది. ప్రస్తుతం విడుదల చేసిన నిధులు వ్యయం చేసిన తరువాత మిగిలిన నిధులను విడుదల చేయనున్నారు.
News November 28, 2024
రాజమండ్రి: నేర సమీక్షా సమావేశం నిర్వహించిన SP
రాజమండ్రిలోని తూ.గో జిల్లా పోలీస్ కార్యాలయం వద్ద జిల్లా ఎస్పీ డి.నరసింహ కిషోర్ బుధవారం జిల్లా పోలీస్ అధికారులతో నెలవారీ నేర సమీక్షా సమావేశం నిర్వహించారు. ఈ సందర్భంగా ఆయన మాట్లాడుతూ జిల్లాలో రౌడీ షీటర్లు& పాత ముద్దాయిలపై ప్రత్యేక నిఘా ఉంచాలన్నారు. నాటు సారా, గంజాయి రవాణాపై ప్రత్యేక దృష్టి సారించి దాడులు చేయాలని ఆదేశించారు. సైబర్ భద్రత, రోడ్డు భద్రత, మహిళా భద్రతపై అవగాహన కల్పించాలన్నారు.
News November 27, 2024
రాజమండ్రి: సోషల్ మీడియాలో అసభ్యకర పోస్టులు.. వ్యక్తి అరెస్ట్
సోషల్ మీడియాలో అసభ్యకర పోస్టులు పెట్టిన వ్యక్తిని అరెస్టు చేసి రిమాండ్‌కు తరలించినట్లు తూ.గో జిల్లా SP నర్సింహ కిషోర్ బుధవారం తెలిపారు. ఏప్రిల్ 25న రాజమండ్రికి చెందిన బి.రమేష్ SVS కోచింగ్ సెంటర్‌‌పై గుర్తు తెలియని వ్యక్తులు సోషల్ మీడియాలో అసభ్యకర పోస్టులు పెట్టారు. దీనిపై అతను 3వ పట్టణ పోలీసులకు ఫిర్యాదు చేశాడు. పోలీసులు విశాఖ జిల్లాకు చెందిన నిందితుడు డి.నాగేశ్వరావును అదుపులోకి తీసుకున్నారు.
News November 27, 2024
కడియం: రోడ్డు ప్రమాదంలో విద్యార్థిని మృతి
కడియం మండలం వేమగిరి 216 జాతీయ రహదారిపై బుధవారం జరిగిన రోడ్డు ప్రమాదంలో విద్యార్థిని మృతి చెందినట్లు స్థానిక ఎస్ఐ బి.నాగదుర్గ ప్రసాద్ తెలిపారు. వేమగిరి గట్టుకి చెందిన కల్లా దుర్గ ఆమె మేనకోడలు పితాని రూపాదేవి స్కూటీపై డిగ్రీ పరీక్షలు రాసేందుకు రాజమండ్రి వెళ్తుండగా వేమగిరి సెంటర్ వద్ద ఓ ప్రైవేట్ కాలేజీ బస్సు స్కూటీని బలంగా ఢీకొట్టింది. ఈ ప్రమాదంలో రూపాదేవి మృతిచెందగా మరో మహిళలకు తీవ్ర గాయాలయ్యాయి.
Featured News
Sorry, no posts matched your criteria.