• Download our app

Guntur

News November 15, 2024

మంత్రి నారా లోకే‌శ్‌కు అంబటి కౌంటర్

image

గత ప్రభుత్వ హయాంలో శాసనసభలో తన తల్లిని అవమానించారని, అందుకే చంద్రబాబు శాసనసభను బహిష్కరించారని అసెంబ్లీలో మంత్రి నారా లోకేశ్ చేసిన వ్యాఖ్యలకు మాజీమంత్రి అంబటి రాంబాబు కౌంటర్ ఇచ్చారు. నిన్న శాసనసభలో లోకేశ్ చేసిన వ్యాఖ్యలపై ఆయన ‘X’లో స్పందించారు. శాసనసభలో లోకేశ్ తల్లిగారిని అవమానించినట్లు నిరూపిస్తే తాను బేషరతుగా క్షమాపణ చెప్పి రాజకీయ నిష్క్రమణ చేస్తానని పేర్కొన్నారు.

News November 15, 2024

రాజధానిలో పలు సంస్థలకు భూ కేటాయింపులపై సబ్ కమిటీ

image

రాజధానిలో పలు సంస్థలకు భూ కేటాయింపులపై ప్రభుత్వం సబ్ కమిటీ నియమించింది. గతంలో పలు సంస్థలకు చేసిన భూకేటాయింపులు పరిశీలన, కొత్తగా సంస్థలకు కేటాయింపులు, ప్రపంచ స్థాయి సంస్థలను అమరావతికి తీసుకురావడం కమిటీ చర్చించనుంది. సబ్ కమిటీలో సభ్యులుగా ఉన్న మంత్రులు పయ్యావుల కేశవ్, నారాయణ, కొల్లు రవీంద్ర, గుమ్మిడి సంధ్యా రాణి, కందుల దుర్గేశ్, టీజీ భరత్ ఉన్నారు. ఈ కమిటీని నేడు వెలగపూడి సచివాలయంలో భేటీ కానుంది.

News November 15, 2024

నటుడు పోసాని కృష్ణ మురళీపై కేసు నమోదు

image

నటుడు పోసాని కృష్ణ మురళీపై పల్నాడు జిల్లా నరసరావుపేట పోలీస్ స్టేషన్‌లో కేసు నమోదైంది. డిప్యూటీ సీఎం పవన్ కళ్యాణ్, మంత్రి నారా లోకేశ్‌పై ఆయన అనుచిత వ్యాఖ్యలు చేశారని టీడీపీ నేతలు ఫిర్యాదు చేశారు. ఆయనపై చట్టపరమైన చర్యలు తీసుకోవాలని కోరారు. దీంతో పోసానిపై కేసు నమోదు చేసినట్లు సీఐ హైమారావు తెలిపారు. బాపట్లలోనూ కేసు నమోదైనట్లు తెలుస్తోంది. పలు స్టేషన్లలోనూ పోసానిపై ఫిర్యాదులు నమోదయ్యాయి.

News November 15, 2024

బోరుగడ్డ అనిల్ వివాదం.. మరోసారి పోలీసులు సస్పెండ్

image

గుంటూరు జిల్లా ఎస్పీ సతీశ్ కుమార్ గురువారం అరండల్ పేట పోలీస్ స్టేషన్‌కు సంబంధించిన ముగ్గురు హెడ్ కానిస్టేబుళ్లు, ఒక కానిస్టేబుల్‌ని సస్పెండ్ చేశారు. బోరుగడ్డ అనిల్ అరండల్ పేట పోలీస్ స్టేషన్ కస్టడీలో ఉన్న సమయంలో అధికారులు నిబంధనలను ఉల్లంఘించి అనిల్ మేనల్లుడిని లోనికి అనుమతించారు. ఈ అంశంలో హెడ్ కానిస్టేబుళ్లతో పాటూ ఒక కానిస్టేబుల్ ప్రమేయం ఉండటంతో సస్పెండ్ చేసినట్లు ఎస్పీ తెలిపారు.

News November 14, 2024

విడదల రజినీ, డైమండ్ బాబుకి కీలక బాధ్యతలు

image

వైసీపీ సోషల్‌ మీడియా కార్యకర్తల కోసం జిల్లాల వారీగా బృందాలను ఏర్పాటు చేసినట్లు ఆ పార్టీ ప్రకటించింది. అక్రమ నిర్బంధాలు, అరెస్టులకు గురవుతున్న సోషల్‌ మీడియా కార్యకర్తలకు అండగా ఉండేందుకు జగన్మోహన్ రెడ్డి ఆదేశాల మేరకు పార్టీ తరఫున ప్రత్యేక బృందాలు ఏర్పాటు చేసినట్లు పేర్కొంది. ఇందులో గుంటూరు జిల్లా నుంచి మాజీ మంత్రి విడదల రజిని, తాడికొండ నియోజకవర్గ వైసీపీ ఇన్‌ఛార్జ్ డైమండ్ బాబుకు బాధ్యతలు అప్పగించారు.

News November 14, 2024

నాదెండ్ల: బస్సులు ఢీ.. విద్యార్థులకు తీవ్రగాయాలు 

image

ఆర్టీసీ బస్సు, ప్రైవేట్ స్కూల్ బస్సు ఢీకొన్న సంఘటన నాదెండ్ల మండలం సాతులూరు వద్ద గురువారం సాయంత్రం చోటు చేసుకుంది. పోలీసులు తెలిపిన వివరాల ప్రకారం.. ఆర్టీసీ బస్సు గుంటూరు నుంచి బయలుదేరి సాతులూరు సమీపంలోకి రాగానే ప్రైవేట్ పాఠశాల బస్సును ఢీకొట్టింది. ఈ సంఘటనలో పలువురు విద్యార్థులకు తీవ్ర గాయాలయ్యాయి. సమాచారం అందుకున్న పోలీసులు వారిని వైద్యశాలకు తరలించారు. కేసు నమోదు చేసి దర్యాప్తు చేపట్టారు.

News November 14, 2024

బాధితులల్లో మన గుంటూరుకే మొదటి స్థానం

image

రాష్ట్రవ్యాప్తంగా 2022లో నాన్ కమ్యూనికేబుల్ డిసీజెస్ (NCD) ప్రజల ఆరోగ్యంపై కోసం ఇళ్ల వద్దకే వెళ్లి బీపీ, షుగర్, బీఎంఐ.. సహా పలు రకాల స్క్రీనింగ్ పరీక్షలు నిర్వహించారు. ఈ నేపథ్యంలో గుంటూరు జిల్లా వ్యాప్తంగా 74.48 శాతం మందికి పరీక్షలు నిర్వహించగా అత్యధికంగా జిల్లాలో 65,772 మంది షుగర్ బాధితులు ఉన్నారు. ఈ నేపథ్యంలో షుగర్ బాధితులలో గుంటూరు మొదటి స్థానంలో నిలిచింది. కాగా ఇప్పుడు ఈ సంఖ్య ఇంకా పెరిగింది. 

News November 14, 2024

సీసీ రోడ్ల నిర్మాణాలను పరిశీలించిన కలెక్టర్

image

గుంటూరు కలెక్టర్, జిల్లా మెజిస్ట్రేట్ ఎస్. నాగలక్ష్మీ ఐఏఎస్. గురువారం పెదకాకానిలో ఉపాధి హామీ పథకం కింద చేపట్టిన సీసీ రోడ్ల నిర్మాణాలను పరిశీలించారు. ఈ సందర్భంగా వారు రోడ్డు నిర్మాణ పనుల నాణ్యతను పరిశీలించి, పనులు వేగవంతంగా పూర్తిచేయాలని సంబంధిత అధికారులకు ఆదేశాలు ఇచ్చారు. ప్రజల సౌకర్యం కోసం ప్రభుత్వ కార్యక్రమాలను సమర్థవంతంగా అమలు చేయడంపై ఆమె దృష్టి సారించారు.

News November 14, 2024

పెదకాకాని: దారుణం.. బాలికపై చిన్నాన్న అఘాయిత్యం.!

image

పెదకాకాని మండలంలోని ఓ గ్రామంలో తండ్రి లేని ఓ మైనర్ బాలిక ఇంటి దగ్గరే ఉంటోంది. అదే గ్రామంలో నివసిస్తున్న చిన్నాన్న మొగులూరి శామ్యూల్ ఆ బాలికకు మాయ మాటలు చెప్పి లోబరుచుకొని 8 నెలలుగా లైంగిక దాడి చేస్తున్నాడు. ప్రస్తుతం బాలికకు నెలసరి రాకపోవడంతో తల్లి డాక్టర్‌కు చూపించగా 3వ నెల గర్భిణిగా నిర్ధారించారు. దీనిపై బాలిక తల్లి ఫిర్యాదు చేయగా.. నిందితుడిని పోలీసులు అరెస్ట్ చేసి బుధవారం రిమాండ్‌కు తరలించారు.

News November 14, 2024

నరసరావుపేట: పోసానిపై మరో ఫిర్యాదు

image

సీఎం చంద్రబాబు, ఉప ముఖ్యమంత్రి పవన్ కళ్యాణ్, మంత్రి లోకేశ్‌లపై సినీ నటుడు పోసాని కృష్ణమురళి గతంలో చేసిన అనుచిత వ్యాఖ్యలపై నరసరావుపేట 2వ పట్టణ పోలీస్ స్టేషన్ లో బుధవారం ఫిర్యాదు చేశారు. పోలీసులు పోసానిపై చట్టపరంగా చర్యలు తీసుకోవాలని పల్నాడు జిల్లా TDP ప్రధాన కార్యదర్శి కొట్టా కిరణ్, జిల్లా లీగల్ సెల్ ప్రధాన కార్యదర్శి షేక్ ఆలీభాష డిమాండ్ చేశారు. కాగా బాపట్లో పోసానిపై ఫిర్యాదు చేసిన విషయం తెలిసిందే.

Featured News

Sorry, no posts matched your criteria.

↑