India's largestHyperlocal short
news App
Get daily news updates that are tailored for you based on your preferred language & location.
download Way2News app now
Guntur
News December 4, 2024
డ్రోన్ల వినియోగం విస్తృతం చేయండి: సీఎం
అమరావతి: భద్రత, నేర నియంత్రణ, ప్రజా సేవలకు డ్రోన్ల వినియోగాన్ని విస్తృతం చేయాలని ముఖ్యమంత్రి చంద్రబాబు నాయుడు అధికారులను ఆదేశించారు. మంగళవారం సాయంత్రం వెలగపూడి సచివాలయంలో డ్రోన్ డెమోను సీఎం పరిశీలించారు. ఈ సందర్భంగా ఆయన మాట్లాడుతూ.. ట్రాఫిక్ నిర్వహణ, రవాణా సౌకర్యాలు లేని ప్రాంతాలకు మందుల పంపిణీ, పారిశుద్ధ్య చర్యల కోసం డ్రోన్లను వినియోగించేందుకు కార్యాచరణ సిద్ధం చేయాలని అధికారులను కోరారు.
News December 3, 2024
అది ఉప్పు సత్యాగ్రహం అయితే… ఇది పల్నాటి సత్యాగ్రహం
పల్నాడు సత్యాగ్రహం దేశ స్వాతంత్ర్యోద్యమ సమయంలో మన జిల్లాలో జరిగిన ఉద్యమం.1921లో కరువు వచ్చింది. ప్రజలు తాము అటవీ ఉత్పత్తులను ఉచితంగా వినియోగించుకోవడానికి ప్రభుత్వాన్ని అనుమతి కోరారు. దానికి ప్రభుత్వం అంగీకరించక పశువుల్ని బంధించటంతో ప్రజలకు పోలీసులకు మధ్య ఘర్షణ జరిగింది.1921 సెప్టెంబర్ 23న జరిగిన కాల్పుల్లో పల్నాటి ప్రజానాయకుడు <<14782225>>కన్నెగంటి <<>>హనుమంతు, మరో ముగ్గురు మరణించారు. దీంతో ఉద్యమం ఆగిపోయింది
News December 3, 2024
ఫేస్‌బుక్ పరిచయం.. మహిళను ముంచేసింది
ఫేస్‌బుక్ ద్వారా పరిచయమైన వ్యక్తి తనను పెళ్లి చేసుకుంటానని మోసం చేశాడంటూ ఓ మహిళ గుంటూరు ఎస్పీ కార్యాలయంలో ఫిర్యాదు చేశారు. బాధితురాలు చెప్పిన వివరాల మేరకు.. బాలాజీ నగర్‌లో ఉంటున్న మహిళకు గతంలో వివాహమైంది. ప్రస్తుతం ఓ దుకాణంలో సేల్స్ విభాగంలో పని చేస్తోంది. ఫేస్‌బుక్ ద్వారా ప్రొద్దుటూరుకి చెందిన ఓ వ్యక్తి పరిచయమై పెళ్లి చేసుకుంటానని నమ్మబలికాడు. రూ.17 లక్షలు ఆమె నుంచి తీసుకుని మొహం చాటేశాడు.
News December 3, 2024
గుంటూరు: ‘YCP నేత బెదిరించి నన్ను అత్యాచారం చేశాడు’
వెంగళాయపాలెంకు చెందిన వైసీపీ నాయకుడు నాగేశ్వరరావు తన నగ్న వీడియోలతో బెదిరించి అఘాయిత్యం చేయడమే కాకుండా నెలకు రూ.4వేలు తీసుకున్నాడని బాధితురాలు గుంటూరు SPకి ఫిర్యాదు చేసింది. తన తినుబండారాల దుకాణంలో చోరీ చేసిన వ్యక్తిని తనకున్న పలుకుబడితో పట్టిస్తానని పరిచయం పెంచుకున్నాడని చెప్పింది. వ్యాపారాలు లేక డబ్బు ఇవ్వకపోవడంతో తనపై దాడి చేశాడని, దీంతో జరిగిన విషయాన్ని తన భర్తకు చెప్పి ఫిర్యాదు చేశానన్నారు.
News December 3, 2024
గుంటూరు: హంతకుడు.. గ్యాస్ డెలివరి బాయ్
చేబ్రోలులోని హత్య కేసును పోలీసులు ఛేదించారు. SP వివరాలు.. ఇబ్రహీంపట్నం(M) కొండపల్లికి చెందిన నాగరాజు కొత్తరెడ్డిపాలెంలో అద్దెకు ఉంటూ ఓ గ్యాస్ ఏజెన్సీలో డెలివరీ బాయ్‌గా పనిచేస్తూ, మహిళతో వివాహేతర సంబంధం పెట్టుకోగా, ఆమె మరొకరితో సంబంధం కొనసాగిస్తోంది. ఈ విషయంపై ఆమె కూతురిని అడిగాడు. బాలిక చెప్పకపోవడంతో తండ్రిలాగా చూసుకుంటున్న తనకు చెప్పలేదని నాగరాజు జులై 15న హత్య చేసి, పరారయ్యాడు. నిన్న లొంగిపోయాడు.
News December 2, 2024
ఈనెల 7న గుంటూరులో ఫ్లాగ్ డే: కలెక్టర్
ఈనెల 7వ తేదీన గుంటూరులో ఫ్లాగ్‌డే నిర్వహిస్తున్నట్లు కలెక్టర్ నాగలక్ష్మీ చెప్పారు. ఈ సందర్భంగా సైనికుల కుటుంబాలను ఆదుకునేందుకు విరాళాల సేకరణ చేపట్టారు. ఈ ప్రక్రియలో భాగంగా రూపొందించిన స్టిక్కర్లను సోమవారం ఆమె ఆవిష్కరించారు. ఈ విరాళాలు దేశ భద్రత కోసం అసువులు బాసిన వీర జవానుల కుటుంబ సభ్యులకు ఎంతో కొంత తోడ్పాటు అందిస్తుందని కలెక్టర్ పేర్కొన్నారు. కార్యక్రమంలో అందరూ పాల్గొని విజయవంతం చేయాలన్నారు.
News December 2, 2024
అమరావతి: పీడీఎస్ బియ్యం అక్రమ రవాణాపై సమీక్ష
పీడీఎస్ బియ్యం రాష్ట్రంలోని పోర్టుల నుంచి అక్రమ తరలింపు అరికట్టడంపై సోమవారం రాష్ట్ర సచివాలయంలో పౌర సరఫరాల శాఖ మంత్రి నాదెండ్ల మనోహర్, వ్యవసాయ శాఖ మంత్రి కె.అచ్చెన్నాయుడు సమీక్ష నిర్వహించారు. విజిలెన్స్ డీజీ, ఇంటెలిజెన్స్ ఐజీ, సివిల్ సప్లైస్ కార్పోరేషన్ కమిషనర్, మారిటైమ్ బోర్డు సిఈఓ, రవాణా శాఖ ఉన్నతాధికారి పాల్గొన్నారు.
News December 2, 2024
ఉమ్మడి గుంటూరు జిల్లాలో HIV రోగులు ఎంత మంది అంటే?
అధికారిక గణాంకాల ప్రకారం ఉమ్మడి గుంటూరు జిల్లాలో HIV రోగులు భారీగా ఉన్నారు. గుంటూరులో 16,630, పల్నాడులో 17,536, బాపట్లలో 11,356 మంది HIV రోగులుండగా, 2023లో అత్యల్ప సంఖ్యలో కొత్తగా వైరస్ సోకిన జిల్లాలో గుంటూరు ఉంది. కాగా HIV రోగులకు ప్రతి నెలా రూ.4,000 పింఛన్ ఇస్తున్నట్లు AP స్టేట్ ఎయిడ్స్ కంట్రోల్ సొసైటీ(ఏపీ శాక్స్) అధికారులు తెలిపారు. మొత్తంగా రాష్ట్రంలో 42,924 మందికి ఈ పింఛన్ అందుతుంది.
News December 2, 2024
కారంపూడి వీరుల తిరుణాల్ల… మూడోరోజు మందపోరు
కారంపూడి వీరుల తిరుణాల్లా సందర్భంగా మూడోరోజు మందపోరు… కోడిపోరులో రాజ్యాన్ని కోల్పోయిన మలిదేవాదుల అరణ్యవాసం చేసేందుకు మందాడి గ్రామంలో ఉంటాడు. బ్రహ్మనాయుడిని ఎలాగైనా చంపాలని మండాది గ్రామంపై దాడి చేసింది. ఈ క్రమంలో ఆవులను అంతమొందించేందుకు నాగమ్మ పన్నాగం ద్వారా అడవి చెంచులు దాడి చేసే క్రమంలో కాపరి లంకన్న అసువులు బాస్తాడు. లంకన్నకు శంఖుతీర్ధం ఇవ్వటం ద్వారా బ్రహ్మన్న విముక్తిని ప్రసాదిస్తాడు.
News December 2, 2024
పల్నాటి వీరుల చరిత్రను ఎప్పుడు ముద్రించారో తెలుసా?
పల్నాటి వీరుల చరిత్రను తొలిసారి శ్రీనాథుడు 300 సంవత్సరాల తర్వాత మంజరీ ద్విపద కావ్యముగా రచించగా, ఇది ఆయన చివరి రచన. శ్రీనాథుని తర్వాత కొండయ్య, మల్లయ్య (16వ శతాబ్దం) అను కవులు రచించారు. ఆ తర్వాత 1862 ప్రాంతంలో ముదిగొండ వీరభద్రకవి ఈ కథను వీర భాగవతం పేరుతో మనోహరమైన పద్యకావ్యంగా రచించారు. అక్కిరాజు ఉమాకాంతం మొట్టమొదట పల్నాటి వీరచరిత్ర యొక్క ప్రతులు సంపాదించి, సంస్కరించి 1911లో అచ్చువేయించారని సమాచారం.
Featured News
Sorry, no posts matched your criteria.