India's largestHyperlocal short
news App
Get daily news updates that are tailored for you based on your preferred language & location.
download Way2News app now
Nellore
News June 10, 2024
జేఈఈ అడ్వాన్స్‌డ్ ఫలితాల్లో నెల్లూరు విద్యార్థుల హవా
తాజాగా వెలువడిన జేఈఈ అడ్వాన్స్‌డ్ ఫలితాల్లో నెల్లూరు జిల్లా విద్యార్థులు సత్తా చాటారు. ఈ ఏడాది జేఈఈ అడ్వాన్స్‌డ్ పరీక్షల్లో మొత్తం 2,800 మంది విద్యార్థులు పాల్గొంటే.. 73 శాతం మంది ఉత్తీర్ణత సాధించారు. వారిలో నెల్లూరులోని ధనలక్ష్మీపురానికి చెందిన సూరజ్ 134, మూలాపేటకు చెందిన బద్రీనాథ్ వర్మ 236 ర్యాంకులు సాధించి తమ సత్తా చాటారు.
News June 10, 2024
ఆత్మకూరులో వైసీపీ పైలాన్ ధ్వంసం
ఆత్మకూరు మున్సిపాలిటీ పరిధిలోని ఆంజనేయస్వామి ఆలయం వద్ద ఇటీవల ఎంపీ విజయ సాయిరెడ్డి వైసీపీ పైలాన్‌ను ప్రారంభించారు. ఆ పైలాన్‌ను గుర్తు తెలియని వ్యక్తులు ఆదివారం ధ్వంసం చేశారు. దీంతో ప్రశాంతంగా ఉండే ఆత్మకూరులో ఏం జరుగుతుందో అని ప్రజలు భయాందోళనకు గురవుతున్నారు. ధ్వంసం చేరిన వారిపై చర్యలు తీసుకోవాలని వైసీపీ నాయకులు కోరుతున్నారు.
News June 10, 2024
కావలిలో సందడి చేసిన జబర్దస్త్ ఫేమ్ అప్పారావు
కావలి పట్టణంలో ఆదివారం జబర్దస్త్ ఫేమ్ అప్పారావు సందడి చేశారు. ప్రపంచ ఆర్యవైశ్య మహాసభ సభ్యుల నేతృత్వంలో స్థానిక నాగరాజు షాప్ వద్ద రెండు నెలలుగా నిర్వహిస్తున్న చలివేంద్రం, అన్న దాన కేంద్రాన్ని నిర్వాహక భాగస్వామి నాగరాజు ఆహ్వానం మేరకు సందర్శించారు. అప్పారావు మాట్లాడుతూ.. సేవా భావంతో నెలల తరబడి సేవా కార్యక్రమాలు నిర్వహించడం గొప్ప విషయమని కొనియాడారు.
News June 9, 2024
నెల్లూరు: కూలి పనులకు వెళ్లిన మహిళ అనుమానాస్పద మృతి
వరంగల్ జిల్లా నెక్కొండలో నెల్లూరు జిల్లా ఉదయగిరికి చెందిన ఎండీ.మీరా(45) అనే మహిళ మృతి చెందింది. నెక్కొండకు చెందిన తాపీ మెస్త్రి వెంకటేశ్వర్లు వద్ద మీరాతో పాటు ఆమె భర్త ఆరాఫత్ అలీ కూలీలుగా పనిచేస్తున్నారు. శనివారం రాత్రి భార్యాభర్తల మధ్య గొడవ జరిగింది. స్థానికులు సముదాయించారు. ఆదివారం మీరా మృతి చెందగా, ఆమె భర్త కనిపించడం లేదు. పోలీసులు అనుమానాస్పద మృతిగా కేసు నమోదు చేశారు.
News June 9, 2024
రేపే కల్కి 2898 AD ట్రైలర్.. నెల్లూరులోని ఈ థియేటర్లో స్క్రీనింగ్!
ప్రభాస్‌ అభిమానులు ఎంతో ఆతృతగా ఎదురుచూస్తోన్న కల్కి 2898 AD ట్రైలర్ రేపు విడుదలకానుంది. నెల్లూరు జిల్లా అభిమానుల కోసం జిల్లాలోని పలు థియేటర్లలో రేపు 6PMకు ట్రైలర్ విడుదల చేస్తున్నారు. నెల్లూరు – లీలా మహాల్, సూళ్లూరుపేట- V EPIQ, గూడూరు- సంగం, కావలి- మాసన స్రీన్-1 థియేటర్లలో ట్రైలర్ స్క్రీనింగ్ చేస్తారు. SHARE IT
News June 9, 2024
వెంకటగిరిలో పినాకిని బార్ వద్ద వ్యక్తి హత్య
వెంకటగిరిలోని పినాకిని బార్ సమీపంలో ఓ వ్యక్తిని హత్య చేశారు. పినాకిని బార్ సమీపంలో కూల్ డ్రింక్ షాప్ నిర్వహిస్తున్న నరసింహ అనే వ్యక్తి వెంకటగిరి ప్రాంతానికి చెందిన బొక్కిసం విజయ్ అనే వ్యక్తిని కత్తితో పొడిచి హత్య చేశాడు. హత్య అనంతరం నరసింహ పరారయ్యాడు. సమాచారం అందుకున్న పోలీసులు హత్యకు గల కారణాలపై ఆరా తీస్తున్నారు. పోలీసులు మృతదేహాన్ని పోస్టుమార్టంకు తరలించి, విచారణ చేపట్టారు.
News June 9, 2024
గూడూరు విద్యార్థికి నీట్‌లో 98వ ర్యాంకు
ఇవాళ విడుదలైన జేఈఈ అడ్వాన్స్ ఫలితాల్లో గూడూరుకు చెందిన దివ్య పూర్ణచంద్ ఆల్ ఇండియా 98వ ర్యాంకు సాధించినట్లు కుటుంబ సభ్యులు తెలిపారు. 10వ తరగతి వరకు గూడూరులోని ఓ పాఠశాలలో చదివి అనంతరం ఇంటర్మీడియట్ విజయవాడలో చదివారు. ఈ నీట్ పరీక్షలో 98వ ర్యాంకు సాధించడం పట్ల అధ్యాపకులు, విద్యార్థి తల్లిదండ్రులు అభినందనలు తెలియజేశారు.
News June 9, 2024
నెల్లూరు జిల్లాలో ఆ ఎమ్మెల్యేల రికార్డు
కోవూరు MLA వేమిరెడ్డి ప్రశాంతి రెడ్డి, సూళ్లూరుపేట MLA నెలవల విజయశ్రీ రికార్డు సృష్టించారు. 2009లో కోవూరు నుంచి టి.మునెమ్మ(PRP) పోటీ చేసి ఓడిపోగా ఈఎన్నికల్లో ప్రసన్నకుమార్ రెడ్డిపై ప్రశాంతి రెడ్డి గెలిచి తొలిమహిళా MLAగా రికార్డు తిరగరాశారు. అదేవిధంగా సూళ్లూరుపేటలో 2009లో వి.సరస్వతి(కాంగ్రెస్) పోటీ చేసి ఓడిపోగా.. ఈఎన్నికల్లో నెలవల విజయశ్రీ.. సంజీవయ్యపై గెలిచి తొలి మహిళా MLAగా రికార్డు సృష్టించారు.
News June 9, 2024
మహిళా కోటాలో ప్రశాంతి రెడ్డికి మంత్రి పదవి?
నెల్లూరు జిల్లాలో ప్రస్తుతం 8 నియోజకవర్గాలు(గూడూరు, సూళ్లూరుపేట, వెంకటగిరి తిరుపతి జిల్లాలో కలిశాయి) ఉన్నాయి. ఇందులో మహిళా ఎమ్మెల్యే వేమిరెడ్డి ప్రశాంతి రెడ్డి ఒక్కరే. జిల్లాలో పలువురు సీనియర్లు మంత్రి పదవిపై ఆశలు పెట్టుకున్నా.. మహిళా కోటాలో ప్రశాంతి రెడ్డికి ఇవ్వాలని వేమిరెడ్డి అనుచరులు కోరుతున్నారు. కేంద్రంలో వేమిరెడ్డికి మంత్రి పదవి రాలేదని.. రాష్ట్రంలో ఆయన భార్యకు ఇవ్వాలని పట్టుబడుతున్నారంట.
News June 9, 2024
కామిరెడ్డికి బెయిల్ నిరాకరణ
ఉమ్మడి నెల్లూరు జిల్లా పెళ్లకూరు(M) చిల్లకూరులో గురువారం జరిగిన ఘర్షణలో YCP కీలక నేత కామిరెడ్డి సత్యనారాయణ రెడ్డికి బెయిల్ దొరకలేదు. ఆయనతో పాటు ఆళ్ల మణి, శ్రీనివాసులు, సుజిత్, చంద్రబాబు, పిల్లిమిట్ట మురళి, వంశీకృష్ణ, చెంచయ్య, చమ్మరతి పుట్టయ్యపై 341, 147, 148, 307, 324 RW 149 సెక్షన్లతో కేసులు నమోదు చేశారు. గుండె సమస్యలు ఉన్నాయని బెయిల్ కోరినా రాలేదు. వారిని నెల్లూరు సెంట్రల్ జైలుకు తరలించారు.
Featured News
Sorry, no posts matched your criteria.