India's largestHyperlocal short
news App
Get daily news updates that are tailored for you based on your preferred language & location.
download Way2News app now
Nellore
News November 12, 2024
వృద్ధురాలి హత్య కేసులో మరో నిందితురాలి అరెస్ట్
నెల్లూరులో ఎం.రమణి అనే వృద్ధురాలి హత్యకేసులో మూడో నిందితురాలిని సంతపేట పోలీసులు అరెస్ట్ చేశారు. సూట్ కేస్‌లో మ‌ృతదేహంతో చెన్నైలో పట్టుబడిన నిందితుడు బాలసుబ్రమ్మణంను పోలీసులు అదుపులోకి తీసుకున్నారు. విచారించగా బంగారు ఆభరణాల కోసమే తాను, తన భార్య సత్యవతి, కుమార్తెతో కలిసి వృద్ధురాలిని హత్య చేసినట్లు వెల్లడించాడు. దీంతో తండ్రిని, కుమార్తెను అరెస్ట్ చేశారు. కేసు మార్పు చేసి సత్యవతిని అరెస్ట్ చేశారు.
News November 12, 2024
మన నెల్లూరు జిల్లాకు బడ్జెట్‌లో వచ్చింది ఎంతంటే?
నిన్న రాష్ట్ర ప్రభుత్వం బడ్జెట్‌ను ప్రవేశ పెట్టిన విషయం తెలిసిందే. ఈ బడ్జెట్‌లో నెల్లూరు జిల్లాకు ఎంత నిధులు కేటాయించారంటే..(కోట్లలో)
➤రామాయపట్నం పోర్టుకు రూ.100,
➤ కృష్ణపట్నం పోర్టుకు రూ.37
➤సోమశిల ప్రాజెక్టుకు రూ.209.55
➤ పెన్నా రివర్ కెనాల్ సిస్టంకు రూ.33.42
➤సోమశిల- స్వర్ణముఖి లింక్‌నకు రూ.66
➤కండలేరు లిఫ్ట్ ఇరిగేషన్‌కు రూ.11
➤కనుపూరుకాలువకు రూ.7
➤ వీఎస్‌యూ రూ.20.69 కోట్లు
News November 12, 2024
బడ్జెట్ తీవ్ర నిరాశను మిగిల్చింది: MLC పర్వత రెడ్డి
ఏపీ ప్రభుత్వం తీసుకొచ్చిన బడ్జెట్ అన్ని వర్గాల ప్రజలను తీవ్ర నిరాశకు గురిచేసిందని ఎమ్మెల్సీ పర్వత రెడ్డి చంద్రశేఖర్ రెడ్డి తెలిపారు. రైతు పెట్టుబడి సాయం హామీపై కేంద్రం ఇచ్చే రూ.6 వేలతో కలిపి ఇస్తామంటూ రాష్ట్ర ప్రభుత్వం మెలిక పెట్టిందన్నారు. రైతులకు పెట్టుబడి సాయం రూ.10 వేల కోట్లు అవసరమైతే రూ.4,500 కోట్లు మాత్రమే కేటాయించిందని విమర్శించారు. నిరుద్యోగ భృతిపై ప్రస్తావనే చేయలేదన్నారు.
News November 11, 2024
వెంకటంపేట చెరువులో యువకుడు అనుమానాస్పద మృతి
దుత్తలూరు మండలం వెంకటంపేట చెరువులో యువకుడు అనుమానస్పదంగా మృతి చెందారు. మృతదేహం చెరువు తూము దగ్గర తేలి ఆడడంతో స్థానికులు గమనించారు. మృతి చెందిన యువకుడు వెంకటంపేట గ్రామానికి చెందిన పందిర్ల గురు చరణ్ (17) గా గుర్తించారు. ఆదివారం నుంచి ఆ యువకుడు కనిపించకపోవడంతో కుటుంబ సభ్యులు గాలించారు. చెరువులో ఆ యువకుడు మృతదేహం లభ్యం కావడంతో కుటుంబ సభ్యులు ఘటనా స్థలానికి చేరుకుని కన్నీటిపర్యంతం అయ్యారు.
News November 11, 2024
నెల్లూరు జైలుకు రూ.200 కోట్లకు పైగా దోచేసిన పాత RDO
మదనపల్లె పూర్వ RDO MS మురళి భారీగా అక్రమ ఆస్తులు సంపాదించినట్లు అధికారులు వెల్లడించారు. ఏసీబీ అధికారులు మురళి కూడబెట్టిన ఆస్తులపై శని, ఆదివారాల్లో సోదాలు నిర్వహించారు. కిలో బంగారు ఆభరణాలు, 800 గ్రా. వెండి, ఏడు ఇళ్లు, ఒక హోటల్, 12 స్థలాలు, 20 బ్యాంకు ఖాతాలు, 8 లాకర్లు స్వాధీనం చేసుకున్నారు. వాటి మార్కెట్ విలువ రూ.230 కోట్ల పైగా ఉంటుందని అంచనా. ఆయనను ఆదివారం నెల్లూరు ఏసీబీ కోర్టుకు తరలించారు.
News November 11, 2024
నెల్లూరు: వేధింపులు తాళలేక బాలిక ఆత్మహత్యాయత్నం
ఓ యువకుడి వేధింపులు తాళలేక ఓ బాలిక ఆత్మహత్యకు యత్నించిన ఘటన నెల్లూరులో ఆలస్యంగా వెలుగుచూసింది. నెల్లూరు రూరల్ మండలంలోని ఓ గ్రామానికి చెందిన బాలిక తొమ్మిదో తరగతి చదువుతోంది. అదే గ్రామానికి చెందిన జాన్ అనే యువకుడు కొంతకాలంగా ప్రేమ, పెళ్లి పేరుతో బాలికను వేధిస్తున్నాడు. తనను ప్రేమించాలని, లేదంటే చంపేస్తానని బెదిరింపులకు పాల్పడడంతో ఈ నెల 7వ తేదీన ఆత్మహత్యాయత్నానికి పాల్పడింది.
News November 10, 2024
చిల్లకూరు మండలంలో విషాదం
చిల్లకూరు మండలంలోని అన్నంబాక గ్రామంలో విషాదం చోటుచేసుకుంది. అన్నంబాక గ్రామానికి చెందిన నల్లూరు శ్రీకాంత్ (18) కాకి ఆనందబాబు (18)అనే ఇద్దరు యువకులు ప్రమాదవశాత్తు మర్రిగుంట చెరువులో పడి మృతి చెందారు. మృతదేహాలను గూడూరు గవర్నమెంట్ హాస్పిటల్‌కు తరలించారు. చిల్లకూరు పోలీసులు కేసు నమోదు చేసి దర్యాప్తు చేస్తున్నారు. పూర్తి వివరాలు తెలియాల్సి ఉంది.
News November 10, 2024
మూడో రోజు ఘనంగా ప్రారంభమైన లక్ష దీపోత్సవం
నెల్లూరు నగరంలోని VRC మైదానం వేదికగా నిర్వహిస్తున్న కార్తీక మాస లక్ష దీపోత్సవం ఘనంగా ప్రారంభమైంది. ఈ కార్యక్రమంలో భాగంగా మూడో రోజు ఆదివారం విశేష చండీ హోమం, 501 మంది దంపతులచే సామూహిక శ్రీ వీర వెంకట సత్యనారాయణ స్వామివారి వ్రతం ఘనంగా నిర్వహించారు. ఈ కార్యక్రమానికి ఎంపీ వేమిరెడ్డి ప్రభాకర్ రెడ్డి, ఎమ్మెల్యే ప్రశాంతి రెడ్డి విచ్చేశారు. భక్తులు తరలివచ్చి స్వామివారిని దర్శించుకున్నారు.
News November 10, 2024
అధికారంలో వస్తే వారిని వదలం: కాకాణి
రాష్ట్రంలో శాంతి భద్రతలను కాపాడాల్సిన పోలీసులు పచ్చ చొక్కాలు తొడుక్కొని విధులు నిర్వహిస్తున్నారని మాజీ మంత్రి కాకాణి ఆగ్రహం వ్యక్తం చేశారు. తాము అధికారంలోకి వస్తే అలాంటి వారిని వదిలే ప్రసక్తే లేదన్నారు. జగన్‌పై అభ్యంతరకరంగా పోస్టులు పెడుతున్న వారిపై చర్యలు ఏవని ప్రశ్నించారు. చంద్రశేఖర్ రెడ్డి మాట్లాడుతూ.. రాష్ట్రంలో రెడ్ బుక్ రాజ్యాంగం అమలులో ఉందన్నారు. ఇలాగే కొనసాగితే ప్రజలే తిరగబడతారన్నారు.
News November 10, 2024
నెల్లూరు జిల్లాలో బెస్ట్ టీచర్ అవార్డులు వీరికే..!
నెల్లూరు జిల్లాలో బెస్ట్ టీచర్ అవార్డులు దక్కించుకున్న వారి వివరాలు:
➤ A.V సుధాకర్( ZPP SCHOOL పొదలకూరు)
➤ G. నాగభూషణం( ZPH SCHOOL గండవరం)
➤ J. రామ్మోహన్(YSR నగర్, నెల్లూరు)
➤ గండికోట సుధీర్ కుమార్ (రామచంద్రాపురం)
➤ బి.యామిని(దొరవారిసత్రం కేజీబీవీ)
Featured News
Sorry, no posts matched your criteria.