India's largestHyperlocal short
news App
Get daily news updates that are tailored for you based on your preferred language & location.
download Way2News app now
Nellore
News November 10, 2024
నాయుడుపేట వద్ద రోడ్డు ప్రమాదం.. ఒకరు స్పాట్ డెడ్
నాయుడుపేట పట్టణ పరిధిలోని తుమ్మూరు గ్రామ సమీపంలో రహదారిపై శనివారం గుర్తుతెలియని వాహనం ఢీకొన్న ప్రమాదంలో ఆటో డ్రైవర్ దార్ల వెంకటరమణయ్య (26) మృతి చెందారు. తన్నమాల గ్రామానికి చెందిన వెంకట రమణయ్య ఆటో తీసుకొని నాయుడుపేట నుంచి పండ్లూరు గ్రామానికి వెళ్తున్నాడు. ఎదురుగా వస్తున్న గుర్తుతెలియని వాహనం ఆటోను ఢీకొనడంతో వెంకటరమణయ్య అక్కడికక్కడే మృతి చెందాడు. పోలీసులు కేసు నమోదు చేసి దర్యాప్తు చేస్తున్నారు.
News November 10, 2024
రెండో రోజు ఘనంగా ప్రారంభమైన కార్తీక మాస లక్ష దీపోత్సవం
నెల్లూరులోని విఆర్సి గ్రౌండ్స్ లో జరుగుతున్న కార్తీక మాస లక్ష దీపోత్సవం రెండో రోజు ఘనంగా నిర్వహించారు. రుద్ర హోమం, ఆంజనేయ స్వామికి ఆకు పూజ కార్యక్రమంలో వేమిరెడ్డి దంపతులు పాల్గొని పూజలు నిర్వహించారు. వేదమంత్రోచ్ఛారణల మధ్య జరిగిన విశేష రుద్ర హోమం కార్యక్రమంలో భక్తులు అధిక సంఖ్యలో పాల్గొని తీర్థ ప్రసాదాలు స్వీకరించారు.
News November 10, 2024
కావలికి శాప్ చైర్మన్ అనిమిని రవి నాయుడు రాక
ఆంధ్రప్రదేశ్ రాష్ట్ర స్పోర్ట్స్ అథారిటీ ఛైర్మన్ అనిమిని రవి నాయుడు ఆదివారం కావలి పట్టణానికి విచ్చేస్తున్నారు. మధ్యాహ్నం 12 గంటల 30 నిమిషాలకు కావలి ఎమ్మెల్యే కావ్య కృష్ణారెడ్డితో కలిసి కావలి పట్టణంలోని మినీ స్టేడియాన్ని సందర్శిస్తారు. తదుపరి స్థానిక ప్రజల నుంచి సూచనలు స్వీకరిస్తారు. ఈ మేరకు ఎమ్మెల్యే కార్యాలయ సిబ్బంది శనివారం ఒక ప్రకటన ద్వారా పేర్కొన్నారు.
News November 9, 2024
సూళ్లూరుపేట: రోడ్డు ప్రమాదంలో నేపాల్ వాసి మృతి
తడ మండలం పూడి గ్రామం వద్ద శనివారం రోడ్డు ప్రమాదం జరిగింది. ఈ ప్రమాదంలో నేపాల్ నుంచి వచ్చి పూడి గ్రామంలో కూలి పనులు చేసుకుంటున్న దమ్మరే పరియర్ అనే వ్యక్తి రోడ్డు క్రాస్ చేస్తుండగా గుర్తు తెలియని వాహనం వేగంగా వచ్చి ఢీ కొట్టింది. క్షతగాత్రునికి తీవ్ర గాయాలు కాగా మెరుగైన వైద్యం కోసం చెన్నైకి తరలిస్తుండగా మార్గ మధ్యంలో మరణించాడు. పరియర్ భార్య సుశీల పరియర్ ఫిర్యాదుతో తడ పోలీసులు కేసు నమోదు చేశారు.
News November 9, 2024
నెల్లూరు నేతలకు కీలక పదవులు
రెండో విడత నామినేటెడ్‌ పోస్టుల్లో నెల్లూరు నేతలకు కీలక పదవులు లభించాయి.
➤ పోలంరెడ్డి దినేశ్ రెడ్డి: AP ఎన్విరాన్‌మెంట్ మేనేజ్‌మెంట్ కార్పొరేషన్
➤ఆనం వెంకట రమణా రెడ్డి: AP స్టేట్ ఆక్వా కల్చర్ డెవలప్‌మెంట్ అథారిటీ
➤ కోటంరెడ్డి శ్రీనివాసులు రెడ్డి- నుడా
➤ సురేశ్ (BJP): APSRTC నెల్లూరు రీజనల్ బోర్డ్ ఛైర్మన్
News November 9, 2024
నెల్లూరు జిల్లాలో ఉచితంగా స్మార్ట్ మీటర్ల ఏర్పాటు
నెల్లూరు జిల్లాలో విద్యుత్ వినియోగదారులకు ఉచితంగా స్మార్ట్ మీటర్లు ఏర్పాటు చేస్తున్నట్లు APSPDCL జిల్లా సర్కిల్ SE విజయ్ తెలిపారు. జిల్లాలో ఏర్పాటు చేస్తున్న స్మార్ట్ మీటర్లకు వినియోగదారులు ఎటువంటి ఫీజు చెల్లించవలసిన అవసరం లేదన్నారు. ఇప్పటికే 8 వేల స్మార్ట్ మీటర్లు ఏర్పాటు చేశామన్నారు. కచ్చితమైన విద్యుత్ రీడింగ్ కోసం ఈ చర్యలు చేపట్టినట్లు ఆయన వెల్లడించారు.
News November 9, 2024
నెల్లూరు: స్కూళ్లకు నేటి సెలవు రద్దు
సాధారణంగా రెండో శనివారం(second satur day) సెలవు ఉంటుంది. కానీ నెల్లూరు జిల్లాలో నేడు అన్ని స్కూళ్లకు సెలవు రద్దు చేశారు. అన్ని స్కూళ్లు నేడు యథావిధిగా నడుస్తాయి. ఇటీవల భారీ వర్షాలకు వరుస సెలవులు ప్రకటించారు. ఈక్రమంలో నేటి సెలవును వర్కింగ్ డేగా మార్చారు. మరోవైపు తిరుపతి జిల్లాలోని పాఠశాలలకు సైతం హాలీ డే రద్దు చేశారు.
News November 8, 2024
నెల్లూరు జిల్లాలో అసాంఘీక కార్యకలాపాల అడ్డుకట్టే లక్ష్యం: ఎస్పీ
నెల్లూరు జిల్లాలో అసాంఘీక కార్యకలాపాల అడ్డుకట్టే లక్ష్యంగా సిబ్బంది కృషి చేస్తున్నారని ఎస్పీ జీ.కృష్ణ కాంత్ తెలిపారు. నగరంలోని నవాబ్ పేట పరిధిలోని భగత్ సింగ్ కాలనీలో 35 మంది సిబ్బందితో 400 ఇల్లు కార్డెన్ సర్చ్ నిర్వహించారు. సరైన పత్రాలు లేని 15 వాహనాలను సీజ్ చేసినట్లు తెలిపారు. చట్ట వ్యతిరేక కార్యక్రమాలు, దొంగతనాల నివారణ, శాంతిభద్రతల పరిరక్షణ లక్ష్యంగా పనిచేస్తున్నామన్నారు.
News November 8, 2024
NLR: రేపటి నుంచి ప్రత్యేక ఎన్నికల ప్రచారం
నెల్లూరు జిల్లాలో ఈనెల 9,10వ తేదీల్లో ప్రత్యేక ఎన్నికల ప్రచారం నిర్వహిస్తున్నట్లు కలెక్టర్ ఓ.ఆనంద్ ఓ ప్రకటనలో తెలిపారు. నెల్లూరు జిల్లా పరిధిలోని అన్ని నియోజకవర్గంలోని పోలింగ్ కేంద్రాల వద్ద ప్రత్యేక కార్యక్రమం నిర్వహించాలన్నారు. బూత్ లెవెల్ అధికారులు పాల్గొని ఫారం 7,8,9 అందుబాటులో ఉంచాలని ఆదేశించారు. ఉదయం 10 గంటల నుంచి సాయంత్రం 5 గంటల వరకు కొత్త ఓటర్ల నమోదు, సవరణలకు దరఖాస్తుల స్వీకరించాలన్నారు.
News November 8, 2024
రాష్ట్రస్థాయిలో అదరగొట్టిన నెల్లూరు కుర్రాడు
నర్సరావుపేటలో ఈ నెల 5 నుంచి 7 వ తేదీ వరకు జరిగిన 68వ SGFI స్టేట్ లెవల్ ఇంటర్ స్విమ్మింగ్ పోటీల్లో నెల్లూరు జిల్లా సీతారామపురానికి చెందిన మణికంఠ సత్తా చాటాడు. మణికంఠ రాష్ట్రా స్థాయి స్కూల్ గేమ్స్‌లో 50 మీటర్స్ బ్యాక్ స్ట్రోక్ అండర్-17 విభాగంలో సిల్వర్ మెడల్, 100, 200 విభాగాల్లో మూడో స్థానంతో మొత్తం 3 పతకాలను సాధించాడు. దీంతో అతడిని పలువురు అభినందించారు.
Featured News
Sorry, no posts matched your criteria.