• Download our app

Nellore

News February 1, 2025

కార్పొరేట్ శక్తులకు అనుకూలంగా కేంద్ర బడ్జెట్: బీవీ రాఘవులు

image

కేంద్ర ప్రభుత్వం నేడు ప్రవేశపెట్టిన బడ్జెట్ పేద మధ్యతరగతి ప్రజలకు ఏరకంగా కూడా ఉపయోగపడే విధంగా లేదని, కార్పొరేట్ శక్తులకు అనుకూలంగా ఉందని సీపీఎం పొలిట్ బ్యూరో సభ్యులు బీవీ రాఘవులు విమర్శించారు. శనివారం నెల్లూరులో జరిగిన సీపీఎం రాష్ట్ర మహాసభల్లో ముఖ్య అతిథిగా పాల్గొన్నారు. వివిధ రాష్ట్రాలలో జరిగే అసెంబ్లీ ఎన్నికలను దృష్టిలో పెట్టుకొని బీజేపీ జిమ్మిక్కులు చేస్తున్నదని మండిపడ్డారు.

News February 1, 2025

రూరల్ ఎమ్మెల్యేతో భేటీ అయిన మంత్రి నారాయణ

image

రూరల్ ఎమ్మెల్యే కోటంరెడ్డి శ్రీధర్ రెడ్డితో శనివారం రూరల్ ఎమ్మెల్యే కార్యాలయంలో మున్సిపల్ పట్టణ అభివృద్ధి శాఖ మంత్రి పొంగూరు నారాయణ భేటీ అయ్యారు. నెల్లూరు కార్పొరేషన్‌లో డిప్యూటీ మేయర్ ఎన్నికపై వారు చర్చించారు. అనంతరం డిప్యూటీ మేయర్ ఎంపికపై మరికాసేపట్లో కార్పొరేటర్లతో మంత్రి సమావేశం కానున్నారు.

News February 1, 2025

బుచ్చిలో YCPకి గట్టి షాక్ 

image

బుచ్చిరెడ్డిపాలెం మున్సిపల్ మాజీ వైస్‌ఛైర్మన్, 19వ డివిజన్ కౌన్సిలర్ కోటంరెడ్డి లలితమ్మ ఆమె భర్త శ్రీకాంత్ రెడ్డి వైసీపీకి గుడ్‌బై చెప్పారు. ఈ మేరకు వారు TDP తీర్థం పుచ్చుకున్నారు. మూడో తేదీ బుచ్చిరెడ్డిపాలెం మున్సిపల్ వైస్ ఛైర్మన్ ఎంపిక జరగనున్న నేపథ్యంలో పలువురు వైసీపీ కౌన్సిలర్లు టీడీపీలో చేరటం చర్చనీయాంశమైంది. బుచ్చి వైసీపీ కన్వీనర్ మల్లికార్జున్ రెడ్డి కూడా టీడీపీలో చేరిన విషయం తెలిసిందే. 

News February 1, 2025

నెల్లూరులో వేడెక్కిన రాజకీయాలు

image

సింహపురిలో డిప్యూటీ మేయ‌ర్, వైస్ ఛైర్మ‌న్ ఎన్నిక‌పై సిగపట్లు మొదలయ్యాయి. దీంతో జిల్లాలో రాజకీయం వేడెక్కింది. నెల్లూరు డిప్యూటీ మేయ‌ర్ ఎన్నిక‌పై వైసీపీ, కూటమి నాయకులు ఎత్తుల‌కు పైఎత్తులు వేస్తున్నారు. నువ్వా-నేనా అన్న విధంగా జిల్లాలో అధికార‌, ప్ర‌తిప‌క్షం నాయకులు పోటీకి కాలు దువ్వుతున్నారు. బుచ్చి వైస్ ఛైర్మన్ పదవి విషయంలో మండల వైసీపీ నాయకులే టీడీపీలో చేరడం గమనార్హం.

News February 1, 2025

నెల్లూరు జిల్లాలో తాత్కాలికంగా ఆగిన పెన్షన్ పంపిణీ 

image

నెల్లూరు జిల్లా వ్యాప్తంగా శనివారం ఉదయం పెన్షన్ల పంపిణీ ప్రారంభం అయిన విషయం తెలిసిందే. అయితే పలు ప్రాంతాలలో సర్వర్ సమస్యల వల్ల పెన్షన్ల పంపిణీ ఆగినట్లు స్థానికుల తెలిపారు. అల్లూరు మండలంలోని పురిని, ఇందుపూరు తదితర ప్రాంతాల్లో సర్వర్ తాత్కాలికంగా ఆగిపోయింది. లబ్ధిదారులు పెన్షన్ నగదు కోసం ఎదురుచూస్తున్నారు. మీ ప్రాంతంలో కూడా ఇలానే ఉందా.?

News February 1, 2025

నెల్లూరులో RTC బస్సు టైర్ కింద పడి విద్యార్థి మృతి

image

నెల్లూరులో BUS కిందపడి విద్యార్థి మృతి చెందిన ఘటన శుక్రవారం జరిగింది. కొడవలూరు(M) రేగడిచెలికు చెందిన మహేందర్ నెల్లూరులో ఇంటర్ చదువుతున్నాడు. కాలేజీ అనంతరం ఇంటికి వెళ్లేందుకు BUS ఎక్కాడు. కొద్ది దూరం వెళ్లగానే ప్రయాణికుల కోసం BUS ఆపిన డ్రైవర్ అనంతరం BUSను కదిలించాడు. పుట్‌పాట్‌పై ఉన్న మహేందర్ పట్టు తప్పి BUS వెనుక టైర్ కింద పడి తీవ్రంగా గాయపడ్డాడు. ఆస్పత్రికి తరలించగా చికిత్స పొందుతూ మృతి చెందాడు. 

News February 1, 2025

నెల్లూరులో ప్రారంభమైన పెన్షన్లు

image

నెల్లూరు జిల్లా వ్యాప్తంగా పెన్షన్ల పంపిణీ ప్రారంభం అయింది. జిల్లాలోని 3,08,266 మంది లబ్ధిదారులకు దాదాపు రూ.132కోట్ల అధికారులు ఇవ్వనున్నారు. మరోవైపు మొదటి రోజే దాదాపు 95 శాతం వరకు పెన్షన్ల పంపిణీ పూర్తయ్యే అవకాశాలు ఉన్నట్లు అధికారులు తెలిపారు. లబ్ధిదారులు ఇళ్ల వద్ద ఉంటూ పెన్షన్ నగదును అందుకోవాలని ఇప్పటికే అధికారులు ఆదేశాలు జారీ చేసిన విషయం తెలిసిందే.

News February 1, 2025

నేడు నెల్లూరులో పెన్షన్ల పంపిణీ 

image

నెల్లూరు నగరం వ్యాప్తంగా శనివారం ఎన్టీఆర్ భరోసా పెన్షన్ల పంపిణీ కార్యక్రమాన్ని చేపట్టనున్నట్లు అదనపు కమిషనర్ నందన్ తెలిపారు. మొదటి రోజు పెన్షన్ 98 శాతం వరకు పంపిణీ జరిగేలా చూడాలని సిబ్బందిని ఆదేశించారు. 27 మంది సూపర్వైజర్లు నిరంతరం పర్యవేక్షించాలని సూచించారు. అందుబాటులో ఉన్న ప్రతి ఒక్క లబ్ధిదారుని ఇంటికి వెళ్లి పెన్షన్లు ఖచ్చితంగా అందించేలా అన్ని చర్యలు తీసుకోవాలన్నారు.

News January 31, 2025

గూడూరు: ‘సారీ.. చైతూ బావ’ అంటూ సూసైడ్

image

‘చైతూ బావ.. నా కోసం ఏదైనా చేస్తాను అన్నావుగా.. నీకు పుట్టే బిడ్డకు నా పేరు పెట్టు.. నాకు మీరు చూడగానే నచ్చారు. కానీ నా జ్ఞాపకాలు మీతో విడిచి వెళ్లిపోతున్నా.. సారీ..’ అని రాసి ఓ యువతి సూసైడ్ చేసుకుంది. డిసెంబర్ 14న నిశ్చితార్థం కాగా..ఇవాళ బంధువుల అబ్బాయితో పెళ్లి జరగాల్సి ఉంది. ఏం జరిగిందో తెలియదు గానీ గూడూరు సమీపంలోని పంపలేరులో నిన్న మృతి చెందింది. దీంతో ఆ కుటుంబంలో విషాదఛాయలు అలముకున్నాయి.

News January 31, 2025

మంత్రిపై అసభ్య పోస్టు.. కావలిలో కేసు నమోదు

image

కావలి రెండో పట్టణ పోలీసు స్టేషన్లో టీడీపీ జిల్లా కార్యనిర్వహక కార్యదర్శి చంద్రశేఖర్ పలువురు టీడీపీ నేతలతో కలిసి ఫిర్యాదు చేశారు. దుండి శివు 42 ఖాతా నుంచి X లో రాష్ట్ర ఐటీ, విద్యాశాఖ మంత్రి నారా లోకేశ్‌పై అసభ్య పోస్టులు పెడుతున్నట్లు ఫిర్యాదులో పేర్కొన్నారు. సీఐ గిరిబాబుకి ఫిర్యాదు చేయగా.. ఆయన ఆదేశాలతో ఎస్ఐ కేసు నమోదు చేసి దర్యాప్తు చేస్తున్నారు.

Featured News

Sorry, no posts matched your criteria.

error: Content is protected !!
↑